أسلوب جمعية علم النفس لميريكانية
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
تعديل أسلوب جمعية علم النفس لميريكانية (ب نّݣليزية: APA style) هو مجموعة ديال القواعد و المعايير التي كتوفر أساس ديال التواصل الأكاديمي الفعال، بحيث كتعاون الكتّاب باش يعبرو عن أفكارهم بشكل واضح و دقيق و منظم،[1]
أسلوب APA بدا فـ 1929، فـ وقت لي جتامعو مجموعة ديال علماء لپسيكولوجيا، الأنثروپولوجيا، و مديرين الأعمال، و قررو يوضعو مجموعة ديال القواعد البسيطة لي كاتسهل لقراية و الفهم. المقال ديالهم فـ المجلة العلمية Psychological Bulletin كان كيهدف ل وضع "معيار" للإستفادة من هاد الأسلوب. من وقتها، كبرت المعايير ديال Publication Manual باش تواكب حتياجات الباحثين، الطلاب، و المدرسين عبر مجالات مختالفة بحال العلوم الاجتماعية، الرعاية الصحية، العلوم الطبيعية، و الإنسانية.[1]
هاد الأسلوب كيعمل على توحيد طريقة الكتابة و التنسيق فـ المقالات الأكاديمية، و بالتالي كيسهل على القارئ باش يتبع الأفكار الرئيسية للمقال بلا ما يتشتت أولا يتقلب فـ التنسيق. هاد النظام كيضمن شمولية فـ ذكر المراجع و التفاصيل الأساسية ب طريقة واضحة، بحيث القارئ يعرف المصدر الموثوق ل كل فكرة أولا معلومة.[1]
ملي كايتم تطبيق أسلوب APA ب شكل صحيح، كيولي النص منظم بشكل مزيان، و كل فكرة عندها سياق واضح مع المصادر المشار ليها ب دقة. هكا كيتم تقديم لمعلومات لعلمية بطريقة معتارف بيها دوليًا.[1]
الأسلوب كيغطّي أساسًا الكتابة العلمية فـ مجالات مثل لپسيكولوجيا، التمريض، لبيزنيس، الطيليكوم، و الهندسة، و بزاف ديال المجالات الأخرى المرتابطة بالعلوم الإجتماعية والسلوكية. كيهم تحديد الأسلوب اللي خاص المؤلفين يتبعوه فـ إعداد المخطوطات اللي غادي يتم نشرها ف المجلات الأكاديمية أولا الأعمال المقدمة فـ السياقات الأكاديمية.[1]
الطبعة السابعة ديال دليل النشر ديال الجمعية لميريكانية ديال لپسيكولوجيا (APA) هي الحالية و خرجات ف أكتوبر 2019. الهدف من الكتاب كان هو مساعدة الناس باش يحسنو النيڤو ديالهم كا كتّاب و متواصلين من خلال تعزيز الوضوح و الديقة و الشمولية.[1]
الكتاب فيه موارد جديدة للطلاب، بحال صفحة العنوان ديال الطلاب، و أنماط الوراق ديالهم، و أمثلة للمراجع ديال الطلاب بحال المواد ديال حزم الدروس ف لأقسام الدراسية و المصادر ديال المواقع ديال الأقسام. الكتاب كيتضمن حتى معايير جديدة للتقرير ديال مقالات المجلات بالنسبة للبحوث النوعية و المختلطة، زيادة على تحديثات ف المعايير ديال البحوث الكمية. و تدار تحديث الإرشادات الخاصة باللغة الخالية من التحيز باش تعكس أفضل الممارسات الحالية ف التعامل مع خصائص الأشخاص الشخصية.[2]
الدليل كياخذ بعين الإعتبار إمكانية الوصول ل مالين الإحتياجات الخاصة للمرة اللولة.[3] الجمعية لميريكانية ديال لپسيكولوجيا خدمات مع خبراء فالمجال باش تضمن بلي ستيل APA ساهل ف لوصول. مثلاً، صيغة الإستشهاد داخل النص كاتولي مختاصرة باش تكون أسهل ف لقراية للناس اللي كايخدمو القارئات الإلكترونية أولا اللي عندهم إعاقات ذهنية.
ريوس الصفاحي (Running heads) كتستعمل ف الوراق اللي كاتتبع ستيل APA. الراس المختاصر هو نسخة قصيرة من عنوان الورقة كيتضمن فالهادر مع نمرة الصفحة. ف الوراق ديال الطلاب، نمرة الصفحة كاتحط فالهادر ولكن العنوان ما كيتحطش إلا إذا قال الأستاذ أولا المؤسسة التعليمية شي حاجة مختلفة.[4]
الدليل فيه مئات الأمثلة للمراجع، بما فيها تنسيقات ل وسائل الإعلام السمعية البصرية، وسائل التواصل الإجتماعي، و المواقع الإلكترونية. كاينين بزاف ديال الأمثلة للبيانات و الأشكال، بما فيها أمثلة بسيطة و ساهلة للطلاب بحال الرسوم البيانية. كاينين حتى أوراق أمثلة للمهنيين و الطلاب.[2]
- ^ a b c d e f "About APA Style". apastyle.apa.org. تطّالع عليه ب تاريخ 2024-12-16.
- ^ a b "Publication Manual of the American Psychological Association, Seventh Edition (2020)". apastyle.apa.org. تطّالع عليه ب تاريخ 2024-12-16.
- ^ "Introduction" (PDF). apastyle.apa.org. تطّالع عليه ب تاريخ 2024-12-16.
- ^ LLC، Editor World. "Editing Services - Proofreading - Writing Services - Editor World". www.editorworld.com (ب نڭليزية). تطّالع عليه ب تاريخ 2024-12-16.CS1 maint: extra text: authors list (link)