أحمد پيرو
أحمد پيرو
| ||
| ||
| معلومات عامة | ||
| زيادة | 1932 الرباط | |
| لموت | 15 ماي 2024 (91/92 عام) الرباط | |
| لجنسية | لمغريب | |
| لحرفة | مغني و تاجر | |
| لّوغات لي كيعرف | عربية | |
| معلومات خرى | ||
| ستيل | طرب غرناطي | |
| لجوايز | ||
لحاج أحمد پيرو (مزيود ف 1932 ف الرباط، توفى ف 15 ماي 2024)[1] موسيقي و باحت مغريبي، كيتّعتابر من أعلام لموسيقى لغرناطية.
تزاد پيرو ف فاميلة رباطية عندها أصول موريسكية. قرا لقرآن ملي كان صغير، و لتاحق ب مدراسة محمد ڭسوس ف 1944، تحت رعاية عتمان جوريو. قرا لموسيقى من صغرو و كان كيتبّع ف راديو الجزائر فنانين بحال دحمان بنعاشور، الشيخ لمنور، و محمد الصديق لبجاوي.[2] تخصص ف لموسيقى لغرناطية و تتلمد على يد موسيقيين مغاربا كبار د زمانو، بحال أحمد بناني، الحسين بلمكي الحجام، الفقيه السبيع المصطفى المعروفي، لملقب ب "اللوز"، و عبد السلام بن يوسف الملقب ب "الزعوق". تخرجو على يديه عدد ديال لفنانين بحال بهاء روندا.
ف 1989، خدا وسام الرضى، لي هوّ وسام كيتعطى ل الشخصيات التقافية و السياسية ف لمغريب.
ف 2013، خرّج كتاب كيوتق فيه خصوصيات و أساليب و إيقاعات لموسيقى لغرناطية، لي خدم عليه 28 عام.[3] لقى صعوبات كبيرة باش يكمل لمشروع ديالو، حيت ماكانش عندو لوقت، و حيت لمراجع على لغرناطي قليلة. عتامد بزاف على كتاب كتبو يهودي جزايري إدمون ناطال ياڤيل ف 1904، زيادة على لكتابات ديال عبد اللطيف بنمصور لي كيتّعتابر شيخ لمداحين و لمسمعين لمغاربا، و كتاب "الموشحات والأزجال" ديال الجزايري لحفناوي أمقران جلول ويلس، زيادة على مخطوطات محفوضة عند هواة ديال لموسيقى لغرناطية.[3]
- «الإحاطة في أنغام غرناطة»، 2013.[4]
وسام لعرش ب ڭراد ديال فارس.[5]
- ^ المغرب 24، Maroc24 (2024-05-16). "الموت يُغيّب الفنان الحاج أحمد بيرو – Maroc 24 المغرب 24" (ب لعربية). مأرشيڤي من لأصل ف 2024-05-20. تطّالع عليه ب تاريخ 2024-05-16.
- ^ "توقيع كتاب "الإحاطة في أنغام غرناطة" للفنَّان أحمد". مأرشيڤي من لأصل ف 3 يوليوز 2017.
- ^ a b عميد طرب غرناطة يصوغ نوبات الذهب في كتاب الإحاطة الأحداث المغربية، تاريخ الولوج 14 ديسمبر 2013 [ليان مهرس] مؤرشف 2013-12-14 فموقع وايباك ماشين
- ^ "alhodhode.com". مأرشيڤي من لأصل ف 28 فبراير 2014. تطّالع عليه ب تاريخ 2 يناير 2025.
- ^ "توشيح الفنان أحمد بيرو بوسام العرش من درجة فارس". www.maparchives.ma. مأرشيڤي من لأصل ف 2023-11-17. تطّالع عليه ب تاريخ 2023-11-08.