أحمد شوقي بنيوب
أحمد شوقي بنيوب
| ||
| ||
| معلومات عامة | ||
| زيادة | 20 يوليوز 1957 مراكش | |
| لموت | 26 شتنبر 2023 (66 عام) | |
| لجنسية | لمغريب | |
| لحرفة | سياسي، ناشط حقوقي، محامي و كاتب | |
| لّوغات لي كيعرف | عربية | |
أحمد شوقي بنيوب (مزيود ف 20 يوليوز 1957 ف مراكش، توفى ف 26 شتنبر 2023)[1] محامي و سياسي و حقوقي مغريبي.
كان ناشط و معتاقل سياسي ف السبعينات و التمانينات، و ولّا عضو و مستشار ف شلّا هيئات حقوقية ف لمغريب و على برا. و عندو بزاف د لمنشورات على لقانون و لأمن و حقوق لإنسان.[2]
بنيوب واخد ليصونس ف لعولوم السياسية ف كلية لحقوق ف الرباط و شهادة د لمحاماة، و كان خدام محامي ف الرباط و قنيطرة.
مابين 1973 و 1984 كان ناشط يساري و طلّابي و مدني، و تّعتاقل و تشد ف لحبس.
أحمد شوقي بنيوب كان مجوج و عندو ولد واحد.
بنيوب بدا لكاريير ديالو ف لمحاماة، و مابين 1985 و 2014 كان موساعيد ديال النقيب عبد الرحيم الجامعي ف إعداد مجلة "الإشعاع" ديال هيئة لمحامين ف قنيطرة، و عاون ف تنضيم عدد د الندوات و اللقاءَات عندها علاقة ب لمحاماة.
كان عضو ف لمجلس لإستشاري د حقوق لإنسان من 2002، و ترأس مجموعة لعامال لمكلفة ب لحماية و التصدي للإنتهاكات. ف لولاية التانية د لمجلس بعد التعديل د 2007 و 2011، ترأس مجموعة لعامال لمكلفة بدراسة التشريعات و السياسات لعمومية.
كان عضو ف هيئة لإنصاف و لمصالحة، و من 1989 عضو مؤسس و نايب د الرئيس و من بعد رئيس ديال لمونضامة لمغريبية د حقوق لإنسان. شغل منصب ديال مستشار ف لمرصد لوطني د حقوق الطفل. و هو خبير ف التدريب و ف مجال حقوق لإنسان. و كان مستشار عند مؤسسات وهيئات إقليمية و دولية ف مجال حقوق لإنسان.[3]
بنيوب كان عندو منصب د لمندوب لوزاري لمكلف ب حقوق لإنسان بعدما عيّنو لماليك محمد السادس ف 6 دجنبر 2018 تال فاش مات، و عضو ف لمجلس لأعلى د التربية و التكوين و لبحت لعلمي.[4]
على لمستوى الدولي كان خبير و مستشار ف هيئات حقوقية ف منطقة شمال إفريقيا و الشرق لأوسط مابين 2007 و 2013.
عندو كتر من 22 إصدار ف حقوق لإنسان، لعدالة لإنتقالية و لأمن، من بينها:
- قضايا التحول الديمقراطي في المغرب : مع مقارنة بمصر والأردن. 2001. OCLC 50308144.
- دليل حول المعايير الدولية والمقتضيات الوطنية المنظمة لانتخاب أعضاء مجلس النواب. 2002. OCLC 1026015786. ردمك 9789981174276.
- هيئة التحكيم المستقلة مسار المقاربة المغربية لتسوية ماضي الانتهاكات الجسمية لحقوق الإنسان. 2004. OCLC 929730455.
- دليل حول الضمانات القانونية للمحاكمة العادلة : في ضوء المعايير الدولية والأسس الوطنية، قانونا فقها وقضاء. 2004. OCLC 607934993.
- لا حماية لأحد! : دور جامعة الدول العربية في حماية حقوق الإنسان (ب لعربية). 2006. OCLC 80895578.
- دليل حول العدالة الانتقالية. 2007. OCLC 1201741894. ردمك 9789973771452.
- الأسس النظرية لمذهب جبر الضرر: التجربة المغربية للعدالة الإنتقالية. 2008. OCLC 909109624.
- قيم المجتمع الديمقراطي ندوة مكناس 8-9-10 ماي 2008. 2010. OCLC 929550011.
- دليل حول عدالة الأحداث الجانحين في ضوء المعايير الدولية والمقتضيات الوطنية. 2012. OCLC 949404884.
- الطائفية والتسامح والعدالة الانتقالية: من الفتنة الى دولة القانون (ب لعربية). 2013. OCLC 875106887. ردمك 9789953826295.
- كذلك كان: مذكرات من تجربة هيئة الإنصاف والمصالحة (ب لعربية). 2017. OCLC 1022566150. ردمك 9789954393741.
- ^ "المندوب الوزاري المكلف بحقوق الإنسان أحمد شوقي بنيوب ينتقل إلى عفو الله". 2023-09-26. مأرشيڤي من لأصل ف 2023-10-07. تطّالع عليه ب تاريخ 2023-10-07.
- ^ "المندوب الوزاري". مأرشيڤي من لأصل ف 2023-10-07. تطّالع عليه ب تاريخ 2023-10-07.
- ^ "السيد أحمد شوقي بنيوب". مأرشيڤي من لأصل ف 2023-05-30. تطّالع عليه ب تاريخ 2023-10-07.
- ^ "المجلس الأعلى للتربية والتكوين والبحث العلمي، السيد أحمد شوقي بنيوب". مأرشيڤي من لأصل ف 2023-10-07. تطّالع عليه ب تاريخ 2023-10-07.