آيت باها
آيت باها
| ||||
|
أيت بها (ar) | ||||
 | ||||
| لبلاصة | ||||
| لبلاد | لمغريب | |||
| لإقليم | إقليم شتوكة آيت باها | |||
| السكان | ||||
| شحال دالسكان | 3,638 (1994) | |||
| شحال دلفاميلات | 1,346 (2014) | |||
| معلومات خرين | ||||
| الرمز لجغرافي | 6546195 | |||
آيت باها مدينة مغريبية و جماعة ترابية حضرية كاينة في إقليم اشتوكة آيت باها، جهة سوس ماسة، ساكنين فيها 5668 نسمة، على حسب الإحصاء العام 2014.[1]
- نسبة الأمية: 27,9%
- نسبة السكان اللي قاريين فوق الليسي (ليسي و جامعة): 14,1%
- نسبة الناس النشيطين (اللي يقدرو يخدمو): 42,5%
- سبة البطالة: 9,2%
- نسبة الناس اللي خدامين في الدولة (أولا البيطاليين اللي سبق ليهوم خدمو): 18,7%
- نسبة الناس اللي خدامين ف لپريڤي (أولا البيطاليين اللي سبق ليهوم خدمو): 31,7%
أيت باها جات فـ لطريق لجهوية R105 فـ الجبال ديال لأطلس الصغير لغربي، على علو كيوصل لـ 565 متر فوق سطح البحر.[2] كبعد على أكادير بـ 70 كلم وعلى إنزكان بـ 60 كلم تقريبا. مدينة بيوكرى جات فـ شمال لغربي ديالها على بعد 35 كلم؛ أما تافراوت فـ كاينة فـ لجنوب لشرقي على بعد 90 كلم. لجو تما ناشف وسخون؛ وشتا قليلة (تقريبا 290 ملم ف لعام) وكطيح غالبا فـ شتوة.[3]
| لعام | 1994 | 2004 | 2014 | 2024 |
| عدد ت سكان | 3638 | 4767 | 5668 | 6007[4] |
سبب رئيسي فـ هاد زيادة ديال سكان هو لهجرة ديال لعائلات لأمازيغية من دواور وجبال لي دايرين ب لمدينة.
لحاجة لمهمة فـ لقتصاد ديال لمدينة هي تجارة صغيرة ولحرف ليدوية. أو كاين لوزين ديال سيما جا فـ نص ديال طريق بين بيوكرى وأيت باها. بزاف ديال ناس خدامين فـ لمدن ديال شمال ولا فـ فرانسا، داكشي علاش لمدينة كتعول بزاف على لفلوس لي كيسيفطوهم لجالية.
فـ أيت باها كاينين بزاف ديال وكالات ت لأسفار (لكيران) لي كيربطو المدينة بـ الدار البيضاء وكيخرجو من أكادير. ومن غير الكيران، كاينين حتى الطاكسيات الكبار لي كيديرو الطريق بين أيت باها وبيوكرى وأكادير.
لمدينة مبينا بـ ديور جداد ومصبوغين بـ لوان حمراء مختالفة. من غير سوق د لحد، لمدينة مافيهاش معالم سياحية وسط منها، ولكن هي بلاصة واعرة باش تنطلق منها وتشوف لأيغودار (الحصون الجماعية) ديال لقبائل لبربرية لي كاينة فـ نواحي، بحال: إمي مقورن، إمشكيكلن، أكادير كيمست، إمحيلن وغيرها. حتى دوار لمهجور تيوليت و"القصر" ديال تيزوركان لي جا فوق قمة جبل كيتعتابرو بلايص ضروري يتشافو.
على بعد 3 كلم فـ لجنوب شرقي ديال أيت باها، كاين سد تّبنى فـ 2004، وهو لي كيزود المدينة بـ لماء صالح للشرب.[5]
- ↑ "RGPH 2014 - Site HCP". Archived from the original on 2023-07-02. Retrieved 2020-01-04.
- ↑ Aït Baha – Karte mit Höhenangaben
- ↑ Aït Baha – Klimadiagramme
- ↑ Aït Baha – Karte + Fakten
- ↑ Aït Baha – Stausee[ليان مهرس ديما]
 |
ويكيميديا كومنز عندا تصاور و معلومات على آيت باها. |