مونطينيݣرو

مونطينيݣرو، ولاّ الجبل لكحل (بلمونطينيݣرية: Црна Гора/Crna Gora) هي بلاد جات ف لجنوب الشرقي د أوروپا، و بالضبط ف لمنطقة د لبلقان. تايحدّوها بحر البنادقة و كرواتيا من لغرب، بوصنا ؤلهرسك و صربيا من الشمال، كوسوڤو من الشرق، و ألبانيا من لجنوب.

مونطينيݣرو هي بلاد جديدة، و خدات لإستقلال ديالها نهار 3 يونيو 2006، من مورا ما تدار ستفتاء، و ختارو الناس اللي صوتو فيه باش يخرجو من الدولة اللي كانت جامعة صربيا و مونطينيݣرو.^[1] التاريخ ديال لبلاد قديم و حكموها بزاف د لبلدان منهم لجمهورية د ڤونيز و الدولة لعتمانية و يوݣوسلاڤيا.

تيسكنو ف مونطينيݣرو شويا كتر من 600.000 د الناس، ولعاصمة ديالها هي پودݣوريطسا. اللغة الرسمية د لبلاد هي لمونطينيݣرية، و كاين لغات آخرا كاتخدّم ف لإدارة، هي لألبانية و لبوصنية و الصربية لكرواتية. لفلوس اللي كاتخدّم ف لبلاد هي لأورو، واخا هي ما داخلاش مع لإتحاد لأوروپي. هي داخلة مع بزاف د لمنضمات الدولية بحال لأمم لمتحدة و الناطو^[2] و لمجلس ديال أوروپا و منضمة التجارة لعالمية و لمنضة د لأمن و لمعاونة ف أوروپا.

عيون لكلام

^ "ديوكانوفيتش يعلن استقلال الجبل الأسود عن صربيا - الجزيرة (2006)". مأرشيڤي من لأصل ف 2021-05-09. تطّالع عليه ب تاريخ 2021-05-09.
^ "الجبل الأسود تنضم رسميا للناتو - الجزيرة (2017)". مأرشيڤي من لأصل ف 2022-05-27. تطّالع عليه ب تاريخ 2021-05-09.

تقدر تزيد شوف بزاف د تّصاور و لمعلومات ديال Montenegro ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.

[1] "ديوكانوفيتش يعلن استقلال الجبل الأسود عن صربيا - الجزيرة (2006)". مأرشيڤي من لأصل ف 2021-05-09. تطّالع عليه ب تاريخ 2021-05-09.

[2] "الجبل الأسود تنضم رسميا للناتو - الجزيرة (2017)". مأرشيڤي من لأصل ف 2022-05-27. تطّالع عليه ب تاريخ 2021-05-09.

[1]

[2]