لمداكرة د لخدايمي:DarijaBot/عطاشة 16: تّرحيب ب لكتاتبيا جّداد
سلام أ دّراري @Reda benkhadra و Anass Sedrati:. غادي نبدا لخدمة على لعطاشة د تّرحيب ب لكتاتبيا. عندي جوج تويشيات بغيت نشوف رّي ديالكوم فيها:
- واش نلونصي لعطاشة حتا على جميع لكتاتبيا لقدام (حتا آيپي) لي مادرناش ليهوم ترحيب؟ ؤلا غير لي غادي يبداو يعدّلو من نهار تبدا لعطاشة؟
- واش لعطاشة خاصها تعوّض لقالب لقديم ديال تّرحيب (حيت لقالب جّديد حسن صراحة)؟
--Ideophagous (نقاش) 11:12، 11 يناير 2022 (+01)
- وعليكم السلام السي @Ideophagous:. بالنسبة للسؤال اللول، كيبانليا من لأحسن يكون لكلشي اللي ماجاهش ترحيب قبل، حيت كاين اللي يقدر يتحمّس إلا جاه. ولكن اللي جاه من قبل، من لأحسن بلا ما يتصيفطلو. بالنسبة للسؤال التاني، آه حسن تخد"مو لقالب الجديد اللي فيه تحسينات. نشوفو رضا شنو أيقول. تحياتي. -- Anass Sedrati (نقاش) 11:28، 11 يناير 2022 (+01)
- سلام خاي @Ideophagous: شكرا بزاف ملي لبوط غادي يتكلف ب ترحيب د نّاس جداد. لمهم قبل مانجاوبك علا لأسئلة ديالك كاين شي نقط لي خاص نتداكرو فيهم علا هاد لعطاشة. أول حاجة هي لبوط ديال مينو راه مازال كيلونصي ترحيب (كيما غادي تشوف هنا) واخا كنا هضرنا معاه، دونك أول حاجة هي خصنا نشوفو معاه كيفاش يحبس باش داريجة بوط ياخد لمشعل. تاني نقطة هي إنا سميات غادي يدير لبوط ف ترحيب واش غادي يرحب بسميتو ولا شي حد من لإمغارن؟ ؤ بنسبة لأسئلة ف نضري لبوط خصو يعوض لقالب لقديم بهادا لي درنا ؤ ناس لي شاركو شحال هادي ؤماعندهومش ترحيب يزيدو. من جيهة خرة، لبوط ملي تبدا لخدمة ديالو خصو يصيفط ل 3 ديال كاطيڭوري: ناس لي دارو تبديل هنا، ؤ ولا تسجلو هنا نيشان (كرياو كونط هنا) ؤ ولا عدلو ب لادريسة أي پي. Reda benkhadra (نقاش) 11:29، 11 يناير 2022 (+01)
- سلام أ دّراري. شكرا على لإجابة سّريعة ديالكوم. ب نّسبة ل نّقطة تّانية، يمكن ماشرحتهاش مزيان. راه ف جميع لحالات غادي نخدّم لقالب جّديد. لي قصدت هوّا واش يلا لقا لبوت ترحيب ب لقالب لقديم ف نّقاش د لمستخدم يعوّضو ب جّديد، ؤلا مايدير والو، حيت داك شّخص مبدئيا ديجا تلقّا ترحيب؟
- ب نّسبة ل لقضية د مينو، يقدر يكون غير نسا، راني عاود صيفطت ليه ف لپاج د نّيقاش ديالو ف ويكيپيديا ب لعربية.
- ب نّسبة ل سّمية لي غادي يستعمل لبوت، كانقتارح باش يختار عشوائيا وحدة من سمياتنا حنا ب تلاتة (ؤ نزيد @سمير تامر: ملي يرجع)
- ب نّسبة ل نّقطة لّخرة ديال رضا، غادي يخصني نشوف منين نجيب لمعلومة ديال شي واحد قاد لكونط هنا، جّوج لوخرين ب لموقابيل حالهوم ساهل. --Ideophagous (نقاش) 11:49، 11 يناير 2022 (+01)
- سلام @Ideophagous: أه فهمت لفيكرة ديالك، أنا متافق باش لبوط يعاود يقاد شكل د لقالب لهادوك لي جاهوم لميساج لولاني. ب نسبة ل نقطة لخرانية، واقيلا غادي يخص تشوف هنا. Reda benkhadra (نقاش) 20:27، 13 يناير 2022 (+01)