إيمبراطورية صونݣاي
صّونݣاي وشي مرات كاتكتب صّونݣي، هيّا وحدة من بين ليمبراطوريات لكبار اللي دازو ف تّاريخ د إفريقيا ؤ شوف واقيلا من بين لقدام ݣاع، بانت و تجبّدات ف غرب لازوون د سّاحيل. هاد ليمبراطورية تأسسسات ف لقرن السابع ميلادي على الطولة ديال واد النيجر (ف مالي ديال دابا). السلاطن اللوالا ديالها كانو خدامين ب السياسة ديال التواسع و الزطيم على الرواضي لخرين ب لخصوص على حساب ليمبراطورية ديال مالي، هاد ليمبراطورية غاتوصل للماكس د جّهد ديالها ف لقرن ربعطاش.
صونݣاي ف التواسع ديالها كانت شادة ف لغرب من لموحيط لأطلاسي حتال النيجر و نيجيريا ف الشرق.[1]
ف النصاصة التالية ديال لقرن 16م هاد ليمبراطورية غادي تݣابل معا لغزاوي د ليمبراطورية لمغريبية، ؤ ف 1591م ف لمطايفة ديال تونديبي (الشمال الشرقي ديال تومبوكتو) لجيش السونݣاوي غادي يخسر قدام لجيش دسلطان لمغريبي وهاد لخسارة غاتفضّي صافي معا ليمبراطورية صّونݣاوية اللي دامت تمنقرون.
هاد ليمبراطورية كانت مرفحة و ضروفها متيسرة وهادشي بسباب لمبادلات لبيعوشراوية اللي دايزة على طريق صّحرا و اللي كاتدار معا تجّار د شمال يفريقيا، هاد تجار كايتجمعو ف ݣافلات وكايشقو طريقهوم لتومبوكتو ؤلا لݣاو، لقطابي لبيعوشراويين لموهيمين د هاد ليمبراطورية.
غالبا كاتكون السلعة الللي كاتجي من تجّار د شمال فريقيا فيها السلاح و النشوجا وف لكونطر كاياخدو لعبيد، الدهب (هاد لبلاصة كانت عامرة بالدهب) و لملحة.
|
تقدر تزيد شوف بزاف د تّصاور و لمعلومات ديال Songhai Empire ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |