براهيم سعدون
براهيم سعدون
| ||
| ||
| معلومات عامة | ||
| زيادة | 21 غشت 2000 (24 عام) مكناس | |
| لجنسية | لمغريب ؤكرانيا | |
براهيم سعدون (ب روسية: Брахим Саадун)، تولد ف 21 غشت 2000 ف مكناس، هّوا طالب مغريبي ف لمعهد لپوليطيكنيك د كييڤ دخل معا لقوات لمسلحة لؤكرانية كا مقاتل متطوع ف لحرب مابين روسيا ؤ ؤكرانيا، ؤ مورما تشد حكمات عليه لمحكامة لعليا د لجمهوية شعبية د دونيتسك ب لإعدام .
تحكم عليه ب تهمة لإرهاب ؤ بلي راه مرتزق. لمجليس لوطني د حقوق لإنسان د لمغريب قال بلي لحوكم ماشي شرعي ؤ ݣاعما كيحتارم لمعايير دّولية، ؤ زادو بلي براهيم تحط ف ضروف إكراه ستيتنائية.[1][2]
حياتو، لقراية ؤ لخدمة لعسكارية
براهيم سعدون مغريبي مشا ل ؤكرانيا باش يقرا لهنداسة ؤ لعولوم د لفضا ف معهد لپوليطيكنيك د كييڤ، كلية لايروديناميك ؤ طيكنولوجيات لفضا ف عام 2019.[3] تجدب ب لكاليطي د تعليم مقارنة معا تامان.[1] مورما وصل ل ؤكرانيا، دوز عام ف تّدريب لعسكاري كا شرط ف لقراية د طيكنولوجيات لفضا. ؤ بسباب هادشي، تعطا ل براهيم لجينسية لؤكرانية، علا حساب عائيلتو،[4] ب زيادة علا لجينسية لمغريبية لي عندو.[5]
ف لجاميعة، تلاقا ب بزاف د لؤكرانيين لي ولاو صحابو، خصوصا ف ليبواط.[6] كيوصفوه صحابو بلي راه طالب مربي ؤ ضريف، ؤ كيهضر تلاتة د لوغات مزيان ؤ عندو لاباز ف جوج د لوغات خرين. كان قادر يربط علاقات معا نّاس ب لحس ديال ضحك ؤ لمعرفة. كيقولو صحابو بلي حس ب رتيباط كبير ب ؤكرانيا لدرجة بلي كان مستاعد يموت علاود لبلاد. كان عارف لمخاطر لي كاينين ؤ كان مستاعد يتحمل لعواقب.[7]
ف نونبر 2021، أجل براهيم قرايتو باش يتطوع كا عضو مسجل ف لجيش لؤكراني، ؤ سنا كونطرا. صاحبتو قالت ف واحد لانطيرڤيو بلي ݣاعما كان كيهضر بزاف علا لقرار ديالو قبل.[5][8] دخل معا لعسكر باش يحارب "ضلم"، ؤ حتا باش ياخد تجريبة ف لعسكر، لي علا حساب ما قالو صحابو كانت حاجة مهمة حيت باه كان عسكري.[1][9] خدم ف لجيش شيفور ؤ طرجمان حيت كيعرف رّوسية، لؤكرانية، لفرانساوية، لعربية ؤ لأمازيغية.[10]
لغزو رّوسي د ؤكرانيا د 2022
ف شهورا لي سبقو لغزو، تصافط براهيم ل ماريوپول، فين خدم معا لبريݣاد 36 د مشاة لبحرية. قبل لحرب، كانت ؤكرانيا بلاد معروفة ب لقراية ؤ كانو لمغاربة تاني أكبر ݣروپ د طلبة لبرانيين ف لبلاد (بعد لهنود). ملي بدا لغزو رّوسي، دار لمغريب عملية باش يرجع لمواطنين ديالو، ؤ كان مفروض بلي يرجع علا طريق پولونيا.[11] علا حساب لحوكومة لمغريبية، لأغلبية د طلبة رجعو ل لمغريب.[7]
مورما بدا لغزو، حارب معا لقوات لؤكرانية ف مدينة ماريوپول لي تحاصرات.[5] شدات لقوات رّوسية براهيم ف نص د أبريل 2022، ملي حاولات لوحدة ديالو تهرب من ماريوپول ولاكين فشلات. كيقولو مصادر خرين بلي تشد ف 12 مارس ف لمنطاقة د ڤولنوڤاكا ف لجيهة د دونيتسك، ؤ لي هي مدينة دمرها لقصف.[9] مور هادشي، دوزات لقناة لولة رّوسية ڤيديو د واحد لانتيرڤيو معاه، فين توصف بلي راه مرتزق.[12] علا حساب ما جا، ف هاد لقطات، قال بلي كان خايف بزاف ف لوقيتة لي تشد فيها.[13] دافع براهيم سعدون علا لبراءة ديالو من تهمة "لمرتزقة" والاكين عتارف ب تورط ديالو ف لقتيلة.[14]
لمحاكمة ف جمهورية دونيتسك شّعبية
مورما تشد، داوه ل دونيتسك ؤ تحكم عليه معا جوج مقاتلين نݣالزة، أيدن أسلين ؤ شاون پينر (لي كان عاون براهيم ف فيسبوك باش يلتاحق ب لقوات).[1] بعد محاكمة شكلية، تحكم عليه ب لإعدام. ؤ قالت لموحامية د براهيم، يلينا ڤيسنينا، بعد لمحاكمة بلي ماكانتش كاتوقع لحوكم ؤ وصفاتو بلي "قاسح بزاف".[15]
شّرعية د لوضع د مرتزقة ؤ لحوكم د لإعدام كان فيه تساؤل كبير، لبدية بلي جمهورية دونيتسك شّعبية كاتعتابر قانونيا طرف من ؤكرانيا من طرف لغالبية د لبلدان، ؤ بلي ف لوقيتة د لحوكم ماعندش ؤكرانيا ولا روسيا[14] حتا قانون كيدي لعقوبة لإعدام.[16]
خداو ب تلاتة أحكام بحال بحال ف نفس لمحكامة. قالت لأمم لمتحدة بلي هاد أحكام لإعدام ممكن تعتابر جريمة حرب.[17] علا حساب روسيا، عندو شهر باش يستانف، ؤ يلا نجح، تقدر تخفف لعقوبة ديالو ل 25 عام ولا لحبس مؤبد.[18]
ف 12 يونيو، قال دينيس پوشيلين، لقايد د جمهورية دونيتسك شّعبية، بلي ماخصش تعطا رحمة لبراهيم ولا لمقاتلين لخرين، ؤ قال بلي: "جاو ل ؤكرانيا باش يقتلو ناس علاود لفلوس. داكشي علاش ݣاعما كيبانلي بلي كاين شروط ل تخفيف ولا تبديل لحوكم".[19] نتاقدات ناطاليا نيكونورڤا، وزيرة خارجية جمهورية دونيتسك شّعبية، نݣليز ؤ لمغريب ؤ قالت بلي "راهم مامهتمينش ݣاع ب لمصير د لمواطنين ديالهم"، ؤ أكدات بلي هاد لبلدان ݣاعما تواصلو معاها.[20]
ف 14 يونيو، طالبو شي فراقي ف لبرلمان لمغريبي وزير لخاريجية ناصر بوريطة، لي مكلف حتا ب لمغاربة لي عايشين برا، باش يحضر جلسة د لأسئلة شفوية، والاكين رفض.[20]
بعد لمحاكمة، ناقش لپروپاݣانديسط رّوسي ڤلاديمير سولوڤيوڤ ف لبرنامج ديالو لمعروف طرقان مختالفة باش يتقتلو ب تلاتة، فين ناقش واش خص يتقرطسو ولا يتشنقو ولا يتقطعو لطروفا ولا يطلقوهوم مقابل لفلوس.[21]
طالبو صحابو لؤكرانيين نݣليز باش تعاون باش يتطلقو، من بينهم واحد صاحبو ؤكراني كيعيش دابا لاجئ ف شمال د نݣليز.[22] ؤ علا حساب صاحبتو، لعقوبة د براهيم تقدر تكون نتيجة لمحاولة "زيادة ف تامان ديالو"، لكنها ماعارفاش شنو باغيين رّوس ف لمقابل ديالو. كانت أخر مرة هضرات معاه ف 27 مارس.
ف 21 يونيو، خت براهيم قالت بلي صّحافة لمحلية ف لمغريب ؤ بزاف د ناس ف صوشل ميديا حتافلو ب لمحاكمة د خوها. جورنال لݣارديان دكر بلي لأراء لي كاتشجع روسيا منتاشرة بزاف ف شّرق لأوسط ؤ إفريقيا كتر من ؤروپا.[23]
طليق
ف 21 شتنبر، دارت وزارة لخارجية سّاعودية بلاغ بلي تّدخل لي دار ولي لعهد محمد بن سلمان نجح باش يتحررو عشرة د لمحابسيا تشدو ف لحرب د ؤكرانيا، من بينهم لمغريبي براهيم سعدون.[24][25] لفاميلة ديالو ماعلمها تا حد، تا من لحوكومة لمغريبية، ولاكين ختو إيمان سعدون تعرّفات عليه ف شي تصاور تخادو ملي وصل ل سّاعودية.[26][27] بات سعدون دار تصريح قال فيه بلي لماليك محمد سّادس تدخل شخصيا ف هاد ضوسي.[28] لملايري رّوسي رومان أبراموڤيتش قال بلي حتا هو لعب "دور مهم" ف صفقة د تبادل د لمحابسيا.[29]
ف 24 شتنبر، وصل براهيم سعدون ل لمغريب ؤ ستقبلاتو فاميلتو ف مطار كازا. لواليد ديالو شكر سّلطات ديال سّعودية و د لمغريب حيت عاونو ف طلاق سراحو.[30]
عيون لكلام
- ^ a b c d "Moroccan sentenced to death is a victim of Russian 'games', friends say". The Guardian. 2022-06-11. مأرشيڤي من لأصل ف 2023-10-13. تطّالع عليه ب تاريخ 2022-08-15.
- ^ Oussama، Aamari. "Brahim Saadoun Sentence: CNDH Calls on Morocco to Intervene". moroccoworldnews.com (ب نڭليزية). مأرشيڤي من لأصل ف 2023-09-14. تطّالع عليه ب تاريخ 2022-06-13.
- ^ "Moroccan Man Who Fought With Ukraine Sentenced to Death in Donetsk". moroccoworldnews.com. 2022-06-11. مأرشيڤي من لأصل ف 2023-09-14. تطّالع عليه ب تاريخ 2022-08-15.
- ^ "Moroccan sentenced to death in Donetsk has Ukrainian nationality, is not a mercenary, his father says". Reuters (ب نڭليزية). Reuters. 2022-06-13. مأرشيڤي من لأصل ف 13 أكتوبر 2023. تطّالع عليه ب تاريخ 2022-06-13.
- ^ a b c "U.K. Condemns Death Sentence Handed To Foreign Fighters By Separatist Court In Ukraine". Radio Free Europe/Radio Liberty. 2022-06-11. مأرشيڤي من لأصل ف 2023-09-14. تطّالع عليه ب تاريخ 2022-08-15.
- ^ "Save Brahim: Kyiv clubbing community appeals for release of captured soldier". Mixmag. 2022-06-11. مأرشيڤي من لأصل ف 2023-09-14. تطّالع عليه ب تاريخ 2022-08-15.
- ^ a b "Student Brahim wilde Oekraïne beschermen, maar krijgt nu de doodstraf" (ب لهولاندية). Nederlandse Omroep Stichting. 2022-06-11. مأرشيڤي من لأصل ف 2023-09-14. تطّالع عليه ب تاريخ 2022-08-15.
- ^ "What we know about Moroccan man sentenced to death in DNR". European Radio for Belarus. 2022-06-11. مأرشيڤي من لأصل ف 2023-09-16. تطّالع عليه ب تاريخ 2022-08-15.
- ^ a b "Марокканця і британців, які пішли до ЗСУ, хочуть стратити у Донецьку". Радіо Свобода (ب لؤكرانية). مأرشيڤي من لأصل ف 2023-09-14. تطّالع عليه ب تاريخ 2022-06-20.
- ^ Polska، Grupa Wirtualna (2022-06-13). "Rosjanie chcą się targować? Dziewczyna skazańca przemówiła". o2.pl (ب لپولونية). مأرشيڤي من لأصل ف 2023-09-14. تطّالع عليه ب تاريخ 2022-06-14.
- ^ "Ce que l'on sait de l'affaire Brahim Saadoun, le jeune marocain condamné à mort au Donbass". Médias24 (ب لفرانساوية). 2022-06-12. تطّالع عليه ب تاريخ 2022-06-12.
- ^ ""DPR" announces execution of three foreigners — Mariupol defenders: What to happen to Azov". The Page (ب نڭليزية). مأرشيڤي من لأصل ف 2023-04-03. تطّالع عليه ب تاريخ 2022-06-14.
- ^ Aamari، Oussama. "Moroccan Who Fought With Ukraine to Face Trial in Donetsk". moroccoworldnews.com (ب نڭليزية). مأرشيڤي من لأصل ف 2023-09-14. تطّالع عليه ب تاريخ 2022-06-11.
- ^ a b "Brahim Saadoun, the Moroccan sentenced to death for participating in the war in Ukraine". larazon.es (ب صبليونية). 2022-06-11.
- ^ "خلاف مع والده/ شاب تائه/ يعتبر الأمر مجرد لعبة.. محامية إبراهيم سعدون تكشف معطيات مهمة عن موكلها". كيفاش (ب لعربية). مأرشيڤي من لأصل ف 2023-09-14. تطّالع عليه ب تاريخ 2022-08-15.
- ^ Vasilyeva، Nataliya (2022-06-09). "British fighters Aiden Aslin and Shaun Pinner sentenced to death by Russian-backed court" (ب نڭليزية). The Daily Telegraph. ISSN 0307-1235. مأرشيڤي من لأصل ف 4 يونيو 2023.
- ^ "Moroccan fighter sentenced to death is 'victim of this war,' friend says". Deutsche Welle. 2022-06-11. مأرشيڤي من لأصل ف 2023-09-14. تطّالع عليه ب تاريخ 2022-08-15.
- ^ Latrech، Oumaima. "Brahim Saadoun: 'I Wanted to Live, See the People I Love Again'". moroccoworldnews (ب نڭليزية). مأرشيڤي من لأصل ف 2023-09-14. تطّالع عليه ب تاريخ 2022-08-15.
- ^ Kilner، James (2022-06-12). "No mercy for death row British fighters Aiden Aslin and Shaun Pinner, says rebel leader". The Telegraph (ب نڭليزية). ISSN 0307-1235. مأرشيڤي من لأصل ف 4 أبريل 2023.
- ^ a b بخساس، شيماء (2022-06-14). "بوريطة يرفض الحضور للبرلمان لتقديم توضيحات حول إبراهيم سعدون المحكوم بالإعدام". اليوم 24 (ب لعربية). مأرشيڤي من لأصل ف 2023-09-14. تطّالع عليه ب تاريخ 2022-08-15.
- ^ "Conversaţie suprarealistă la televiziunea rusă: "Îi spânzurăm sau îi tăiem?"". Mediafax.ro (ب رومانية). مأرشيڤي من لأصل ف 2023-09-14. تطّالع عليه ب تاريخ 2022-08-15.
- ^ "UK government urged to aid Moroccan man facing death penalty in Ukraine war". Al Arabiya English (ب نڭليزية). 2022-06-12. مأرشيڤي من لأصل ف 2023-09-14. تطّالع عليه ب تاريخ 2022-08-15.
- ^ "'He's been betrayed': sister of Moroccan man captured in Ukraine pleads for help". the Guardian (ب نڭليزية). 2022-06-21. مأرشيڤي من لأصل ف 2023-10-13. تطّالع عليه ب تاريخ 2022-08-15.
- ^ "بيان". تويتر (ب لعربية). @KSAMOFA. 2022-09-21. مأرشيڤي من لأصل ف 2022-11-16.
- ^ "MBS obtient de Poutine la libération du Marocain Saâdoun". لوديسك (ب لفرانساوية). 2022-09-21. مأرشيڤي من لأصل ف 2022-10-07.
- ^ "Russia releases US veterans captured in Ukraine in prisoner exchange". Mail Online. 2022-09-21. مأرشيڤي من لأصل ف 2022-09-30. تطّالع عليه ب تاريخ 22 شتنبر 2022.
- ^ "Russian invaders released Moroccan who was "sentenced" to death". 21 شتنبر 2022. مأرشيڤي من لأصل ف 30 شتنبر 2022.
- ^ Jaouhar، Aymane (2022-09-23). "Tahar Saadoun : "Le roi Mohammed VI est intervenu auprès du prince héritier saoudien pour libérer mon fils"". طيل كيل (ب لفرانساوية). مأرشيڤي من لأصل ف 2022-09-23.
- ^ AFP. "Abramovich played 'key part' in release of Britons held by Russian-backed troops". تايم ؤف إسرايل (ب نڭليزية). مأرشيڤي من لأصل ف 2023-01-27. تطّالع عليه ب تاريخ 2022-09-28.
- ^ "سعدون اللي ختار يحارب مع اوكرانيا وتحكم بالاعدم وصل لكازا. بوه: كنشكر السعودية والمغرب". ڭود (ب دّاريجة ولعربية). 25 شتنبر 2022. مأرشيڤي من لأصل ف 14 شتنبر 2023.