ڤيرتشوا فايتر (آنيمي تلفازي)
ڤيرتشوا فايتر
| ||
| النوع | أنمي ومانغا مغامرات | |
| لبلاد | چاپون | |
| اللوغة | جاپونية | |
| لينتاج | ||
| الشركة د لينتاج | تي ام اس انترتینمنت | |
| لبت ولعرض | ||
| لبدية | 1995 | |
| شحال د لحلقات | 35 | |
| شحال د لمواسيم | 2 | |
| لقنوات اللي داز منها | تلفزيون طوكيو | |
لمقاتل النبيل ولا ڤيرتشوا فايتر ( جاپونية: バーチャファイター، بااتشا فايطاه)، هو سيرية ديال لآنيمي تلفازي مبازي على السيرية د لوعاب لڤيديو ڤيرتشوا فايتر لي مصاوباها شاريكة سيݣا. من إينتاج تي ڤي طوكيو، يوميكو آدڤورتايسمنت و تي إم إس للترفيه، إيخراج هيديكي طونوكاتسو، سيناريو تسوطومو كاميشيرو، ريو طاناكا كا ضيزاينر د لكاركطير، صاطوشي كاطوه كا مودير الصوت و كاورو أووهوري كا كومپوزيطور د لموسيقى. السيرية مڤيزيا الطفال من 6 سنين حتى ل 15 لسنة، تعرضات السيرية لأول مرة ف تي ڤي طوكيو من 2 أكتوبر 1995 حتى ل 27 ليونيو 1996.
لعبة د لڤيديو مبازية على السيرية د لآنيمي سميتها، ڤيرتشوا فايتر آنيمايشن تطلقات ف 1996.
لحبكة[بدل | بدل لكود]
مبازية على لفرونشيز د لوعاب لڤيديو الشعبية ڤيرتشوا فايتر، لقصة كاتتبع لموغامرات د آكيرا، موقاتيل د فونون لحرب وحداني لي خسر لقدرة باش يشوف لكوكبات الروحانية لي كاتبين لقادار د الراجل لقوي. دابا، الطريق ديالو ف لجولان بززات عليه يدخل للرينݣ د لمطايفة معا بزاف د الشومپيو د فونون لحرب و بززات عليه يدخل وسط موؤامرة خبيتة لي ماخصوش غير يخرج منها ب سلام و صافي، و لكين خصو يلقى طريقة باش يدمرها. ب لمعاونة د جاكي، سارة، پاي و شخصيات اخرى من اللوعاب د ڤيرتشوا فايتر، آكيرا خصو يلقى لقوة باش يقدر يغلب قوات كبر منو و يرجّع حس لقادار لي ضاع منو.
الشخصيات[بدل | بدل لكود]
- آكيرا يوكي ب صوت شينيتشيرو ميكي
- پاي تشان ب صوت ناوكو ماتسوي
- لاو تشان ب صوت شيݣيرو تشيبا
- جاك برايانت ب صوت ياسونوري ماتسوموطو
- سارة برايانت ب صوت مايا أوكاموطو
- كاݣي-مارو ب صوت كيويوكي ياناضا
- وولف هوكفيلد ب صوت أونشوه إيشيزوكا
- جيفري ماكوايلد ب صوت ريوزابورو أوهطومو
- لايون رافال ب صوت طيتسويا إيواناݣا
- سون دي ب صوت كوهيتشي كيطامورا
- ليو كوولون ب صوت طايطين كوسونوكي
- أوني-مارو ب صوت طوشييوكي موريكاوا
- ݣاووه ب صوت كانيطو شيوزاوا
- نييو ب صوت (مامعروفش)
- إيڤا دوريكس ب صوت آتسكو طاناكا
- دورال