ناروتو

من ويكيپيديا
اذهب إلى التنقل اذهب إلى البحث
ناروتو
ناروتو
معلومات عامة
لعنوان لأصلي ナルト
نوع د لمانڭا خيال علمي، فنتازيا، كوميديا، حركة، romance، مغامرة و قصة تقدم في العمر
لّوغة لأصلية جاپونية
لعام د نّشر 1997
تاريخ د لبدية 2002
تاريخ دلمسالية 2007
لموقع الرسمي http://www.naruto.com/j/ و https://www.viz.com/naruto


ناروتوجاپونية: ナルト؛ كتعني حرفيا "الطبل") هي سلسلة مانݣا جاپونية كتبها ورسمها ماساشي كيشيموطو. كتحكي لمانݣا لقصة ديال ناروتو أوزوماكي، نينجا ف لبدية د لمراهقة كيقلب باش ياخد لعتيراف من عند ݣرانو كا نينجا قوي، ؤ كيحلم عاوتاني باش يولي هوكاݣي، لّي هوّا زعيم ديال لڤيلاج ديالهم. لقصة مقسمة على جوج د لأجزاء، لّول طرا فاش كان ناروتو باقي صغير، ؤ تاني طرا فسنوات لمراهقة ديالو حتال فاش كبر. سّلسلة مبازية علا جوج د لمانݣات وان شوت ديال كيشيموتو: كاراكوري (1995) – لّي خدا عليها كيشيموتو هضرة مُشرِّفة ف لمجلة شهرية "Hop Step Award" ديال شوئيشا ف لعام اللي تبعها، ؤ ناروتو (1997).

لمانݣا ديال ناروتو دازت ف مجلة شونن جامپ لأسبوعية ديال شوئيشا من 1999 حتال 2014، ؤ خرجات ف طانكوبون (كتاب) فيه 72 مجلد. لمانݣا ولات سلسة أنيم فالتلفازة دارت ليها الإنتاج پيئيرو وأنيپلكس، ؤكانت فيها 220 حلقة دوزوها فالجاپون من 2002 حتال 2007؛ دار مركز الزهرة الدبلجة بالعربية ديال 151 حلقة وتعرضات فسپيسپاور وسپيستون من 25 غشت 2007 حتال 1 نونبر 2015 ولكن باقين كيعاودوه حتى لدابا. ناروتو: شيپودن هو الجزء التاني ديال السلسة الأصلية، بدا فالجاپون ف2007 وسالا ف2009 من بعد 500 حلقة كانت فيه. بلا الأنيم، طورات پبئيرو حداعش فيلم وحداعش أوڤا (ڤيديو أنيم أصلي). سلعات خرين مرتابطين بناروتو كنتلاقاو روايات خفيفة، ڤيديو ݣيمزات، ؤبطاقات تجارية طوراتها شحال من شركة.

القصة ديال ناروتو كملات مع الولد ديالو بوروتو أوزوماكي، ف بوروطو: لجيل لماجي د ناروطو. بوروطو كيتمنى يدير طريقو ف لعالام د نّينجا لخاصة بيه فعوض ما يتبع طّريق ديال باه.

ناروتو هي رابع أحسن سلسلة مانݣا ف لمبيعات ف تاريخ، حيت باعت 235 مليون نسخة ف لعالام ف 35 دولة. نقاد مدحو تطور شخصيات المانݣا، تطور أحداث القصة القوي، ؤمشاهد المدابزة اللي تنفدو مزيان، واخا شي وحدين شافو بأن مشاهد المدابزة نزلات القصة لتحت. الانتقادات جا فيها بلي لمانݣا، لّي فيها موضوع ديال لوصول ل سن رشد، كتستعمل مراجع تقافية من لميطولوجيا جّاپونية.

عيون لكلام[بدل | بدل لكود]

Wikimedia Commons تقدر تزيد شوف بزاف د صور و معلومات ديال Naruto ف ويكيميديا كومنز.