موزامبيق

موزامبيق
República de Moçambique (pt) مْسُمْبِيجِ (sw)
نشيد	وطني الحبيب
لعاصيمة	ماپوتو
الساكينة
شحال دالسكان	29,668,834 (2017)
السمية ديال السكان	موزامبيقي، موزامبيقية، موزامبيقيين, موزامبيقيات
اللوغات الرسمية	لبرتغالية
متوسط ديال لعمر	58.311 (2016)
لجغرافيا
لميساحة	801,590 كم²
لقمة لعالية	جبل بينڭا (2,436 م)
لبلاصة الطايحة	لقناة د موزامبيق (0 م)
لإدارة
رئيس موزنبيق	دانيال شابو
رئيس وزراء موزنبيق	مارية بنفندة ليفي
لبرلمان	لجمعية د لجمهورية
سلطة لقضائية لكبيرة	محكمة موزنبيق العليا
لقتيصاد
الناتج الداخلي لكامل	15,776,757,420 $ (2021)
لبيطالة (شوماج)	23 % (2014)
مؤشر التنمية لبشرية	0.446 (2021)
لفلوس	ميتيكال
معلومات خرة
توقيت ديال لبلاد	ڭرينيتش +2 Africa/Maputo
رمز لبلاد	MZ
رمز لانترنيت	‎.mz‎
رمز التيليفون	+258
نماري د ليرجونس	119، 117 و 198
جيهة د صوڭان	ليسر
السيت الرسمي	portaldogoverno.gov.mz

موزامبيق، رسميا لجمهورية د لموزامبيق (بلبرتغالية: República de Moçambique) هي بلاد جات ف لجنوب الشرقي د إفريقيا. تايحدّها من الشرق لمحيط لهندي، من الشمال طنزانيا، من الشمال لغربي مالاوي و زامبيا، من لغرب زيمبابوي، و من لجنوب إسواتيني و جنوب إفريقيا. موزامبيق عندها حدود بحرية مع بلدان جزر جاو فالشرق ديالها، و هوما جزر لقومور و ماداݣاسكار و فرانسا (لجزر ديال مايوط).

ما بين لقرن اللول ولخامس هاجرو لقبايل د لبانطو للمنطقة اللي فيها موزامبيق و سكنو فيها. ف لعصور لوسطانية، كانت لبلاد معروفة بلبيع و الشرا من جيهت لمحيط لهندي. ف 1498، وصل لبحّار لبرتقيزي ڤاسكو دا ݣاما للمنطقة، و بدات لبرتغال تاتحتلّها بشويا بشويا، تا ولاّت كاملة مستعمرة ف 1505. من مورا حرب بقات 11 لعام، ستاقلات لجمهورية الشعبية د لموزامبيق ف 1975. من مورا ما ستاقلات، دخلات لبلاد ف حرب أهلية، بقات من 1977 تال 1992. ف 1994، تدارت أول نتيخابات فيها بزاف د لأحزاب، و من ديك الساعة و لوضعية د لبلاد مهدّنة شوية.

تيسكنو ف موزامبيق شويا كتر من 30 مليون د الناس و لعاصمة ديالها هي ماپوطو. اللغة الرسمية د لبلاد هي لبرتغالية، و عاد كاين 4 د اللغات معتارفة بيها الدولة، هوما: السواحيلي، مواني، الشيوا، و طسونݣا. لفلوس اللي كيتخدّمو ف لبلاد هوما لميتيكال، و أكبر الديانات فيها هوما لمسيحية (58%) و لإسلام (18%) و الديانات لمحلية. موزامبيق داخلة مع بزاف د لمنضمات الدولية بحال لأمم لمتحدة و ليتيحاد ليفريقي و لكومنويلت و منضمة التعاون لإسلامي و مجلس الدول اللي تيهضرو بلبرتغالية، و هي عضو مراقب ف لمنضمة لعالمية د لفرونكفونية.

مصادر

ويكيميديا كومنز عندا تصاور و معلومات على موزامبيق.