محمد الساسي
محمد الساسي
| ||
 | ||
| معلومات عامة | ||
| زيادة | 7 نونبر 1952 (73 عام) الرباط | |
| لجنسية | لمغريب | |
| لحرفة | سياسي | |
| لّوغات لي كيعرف | لعربية لفصيحة الجديدة و الداريجة لمغريبية | |
| معلومات خرى | ||
| لحيزب | فيدرالية لياسار ديموقراطي (2022–) حيزب شتيراكي موحد (2005–2021) تيحاد شتيراكي د لقوات شعبية (1975–2003) تيحاد لوطني د لقوات شعبية (1971–1975) | |
محمد الساسي (تولد نهار 7 نونبر 1952 ف الرباط[1]) هو سياسي و مثقف و أستاد جامعي مغريبي. هو من لقادة ديال لحزب لإشتراكي لموحد، و عندو لمنصب د نائب لأمين لعام.
ف 2005، ختارت لمجلة د "لو جورنال إبدومادير" محمد الساسي ما بين 22 شخصية مغربية اللي عندها تأتير.
دخل محمد الساسي لحزب لإتحاد لوطني د لقوّات الشعبية ف 1971، و تعرّف تما على بزاف د لمناضلين منهم محمد ليازغي و فتح الله ولعلو و عبد الرحيم بوعبيد. كان الساسي من لمؤسسين ديال الشبيبة لإتحادية ف 1975. ف 1987 تنتاخب هو لأمين لعام ديال الشبيية لإتحادية.
ف 2001، و من مورا ما دخل لإتحاد لإشتراكي للحكومة، بدات لعلاقة د الساسي تاتخياب مع لحزب. ف ديك الساعة قاليه عبد الرحمان ليوسفي: "أرض الله واسعة". ف 2003، خرج الساسي رسميا من لحزب، و أسس لجمعية ديال "لوفاء للديموقراطية". ف 2005، أسس محمد الساسي مع ناس آخرين د ليسار "لحزب لإشتراكي لموحد"، و باقي هو من لقادة ديالو تال دابا.
ف يونيو 2021، طلق ساسي تيار جديد وسط من حيزب شتيراكي لموحد ب سميت "ليسر لوحدوي" ؤتبعوه ناس بحال محمد مجاهد، مصطفا شناوي، كريم تازي ؤ نجيب أقصبي.[2]
دار محمد الساسي بزاف د لخدامي ف حياتو، ف بزاف د لمجالات، منها:
- أستاد باحت ف لجامعة د محمد لخامس ف الرباط
- نقابي ديال لأساتدة د التعليم لعالي
- كاتب مقالات و دراسات ف بزاف د لمجلات و الجورنالات، منها "الصحيفة" و "لو جورنال".
- مدير د الجورنال "النشرة"، و مجلة "الرائد"
ف 1998، كتب محمد الساسي كتاب سميتو "تفاصيل سياسية"، و تباعت منو 30.000 نسخة ف لمغريب.[3]
- ↑ "محمد الساسي - يا بلادي". Archived from the original on 2021-06-05. Retrieved 2021-06-05.
- ↑ "الساسي يفاجئ منيب بالإعلان رسميا على التيار الجديد والأخيرة ترفع اجتماع المكتب السياسي بعد ربع ساعة من انطلاقه وتخرج بتدوينة". alaoual.com (ب العربية). 22 يونيو 2021. Archived from the original on 2023-05-08. Retrieved 2021-06-22.
- ↑ "محمد الساسي يضع "تفاصيل سياسية" رهن التداول في نسخة إلكترونية - دابا بريس (2020)". Archived from the original on 2021-06-05. Retrieved 2021-06-05.