مبارك لبكاي
مبارك لبكاي
| ||
| ||
| معلومات عامة | ||
| زيادة | 18 أبريل 1907 بركان | |
| لموت | 12 أبريل 1961 (53 عام) الرباط | |
| لجنسية | لمغريب | |
| لحرفة | سياسي و عسكري | |
| لّوغات لي كيعرف | عربية و لفرانساوية | |
| لعسكر | ||
| لڭراد | مقدم | |
| لحروب | غزو فرنسا للمغرب و لحرب لعالمية جّاوجة | |
| لجوايز |
| |
مبارك لبكاي، معروف بـ "سي لبكاي" لي سيمتو ف لحقيقة هي مبارك بن مصطفى لبكاي لهبيل، تولد ف 18 أبريل 1907 فبركان ومات نهار 12 أبريل 1961 فرباط، كان سياسي ؤ عسكري مغريبي.
حياتو[بدل | بدل لكود]
مبارك لبكاي تولد ف قبيلة بني عتيق (اث حتيݣ) ف بني يزناسن نهار 18 أبريل 1907، بضبط فمدينة بركان. قرا ف "مدرسة بركان" لي راها تتسمى درك ثانوية أبي الخير وكاينة فمدينة بركان [1] وزاد قرأ ف لمدرسة لعسكرية ديال مكناس ودخل ل لجيش لفرانساوي، ؤشارك معاهوم ف لحرب لعالامية تانية ؤطلع لݣراد ديال ليوطنون-كولونيل. ف لحرب، لبكاي تصاب ب جروح خطيرة ؤمشات ليه رجل ف واحد لمهمة ف فرانصا. مور لحرب، ولا باشا ديال صفرو، ؤقدم ستيقالتو ف 1953 ملي فرانصا نفات سلطان محمد بن يوسف. لبكاي كان عنصر مهم ف لمفاوضات معا فرانصا باش يرجع سلطان ف نونبر 1955.[2]
ف 7 دجنبر 1955 تعين لبكاي رايس د أول حوكومة ف تاريخ لبلاد، ؤكمل لمفاوضات معا فرانصا لي خلات لمغريب ياخد ستيقلال ديالو ف2 مارس 1956، ؤبقا رايس د لوزارة حتال 15 أبريل 1958 ملي حيزب ستيقلال شكل حوكومة جديدة. لبكاي عاود رجع ف ماي 1960 ل لحوكومة لي رئسها لماليك محمد لخاميس، وخدا فيها منصب ديال وزير داخيلية حتا مات ب سكتة قلبية نهار 12 أبريل 1961 ف رباط وكان عندو 53 عام.[2]
عيون لكلام[بدل | بدل لكود]
- ^ "أرشيف ثانوية أبي الخير بركان - عبدالله لحسايني". مأرشيڤي من لأصل ف 2021-06-24. تطّالع عليه ب تاريخ 2021-06-19.
- ^ a b Harris M. Lentz (2014). Heads of States and Governments Since 1945. Routledge. ص. 560. ردمك 1134264909.
|
تقدر تزيد شوف بزاف د تّصاور و لمعلومات ديال Mbarek Bekkaï ف ويكيميديا كومنز. |
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |