لبنان

لبنان، رسميا لجمهورية اللبنانية، بلاد جات ف لغرب د آسيا، و بالضبط ف لمنطقة د الشرق لوسطاني. كاتحدها سوريا من الشرق و الشمال، فلسطين و إسراييل من لجنوب، و البحر لبيض لمتوسط من الغرب. لأكترية د لبنانيين عرب (إمّا مسلمين ولاّ نصارى)، و عكس بلدان العرب لاخرا، النصارى كايشاركو بزاف فالسياسة ديال الدولة. النضام د لحكيم جمهوري طوائفي، كل طائفة فيه عندها بلاصة. الرئيس د لبنان ديما تيكون مسيحي ماروني، لوزير اللّول مسلم سني، رئيس لبرلمان مسلم شيعي، و نائب لوزير اللّول أورطودوكسي.

لبنان عندها تاريخ طويل و مرتابط بلبدان اللي حداها. دازو عليها بزاف د لحضارات بحال لفنيقيين و لفراعنة و لأشوريين و لفرس و لإغريق و الرومان و لعرب و الصليبيين و لعتمانيين و لفرانساويين. لبلاد مستاقلة من نهار 24 أكتوبر 1945، و خرجو منها لعسكر ديال فرانسا نهار 17 أبريل 1946. واخا لبنان مستاقلة، دخلو ليها بزاف د لمرّات لعسكر د بلدان آخرا بحال سوريا و إسرائيل.

تيسكنو ف لبنان تقريبا 6.8 مليون د الناس، و عاد كاين على لأقل ما بين 8 و 12 لمليون د الناس ف لعالم اللي أصلهم لبناني و ساكنين ف بلدان آخرا.^[1] لعاصمة ديال لبلاد هي بيروت، اللغة الرسمية هي لعربية، و لفلوس اللي كاتخدّم هي الليرة اللبنانية. لبنان عضو مؤسس ديال لأمم لمتحدة و داخل مع لجامعة د الدول لعربية (1945)، و منضمة التعاون لإسلامي (1969)، و لمنضمة لعالمية د لفرونكفونية (1973).

عيون لكلام

^ "اللبنانيون في الخارج يدلون بأصواتهم للمرة الأولى في الانتخابات البرلمانية - فرونس 24 (2018)". مأرشيڤي من لأصل ف 2022-05-02. تطّالع عليه ب تاريخ 2021-04-22.

تقدر تزيد شوف بزاف د تّصاور و لمعلومات ديال Lebanon ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.

[1] "اللبنانيون في الخارج يدلون بأصواتهم للمرة الأولى في الانتخابات البرلمانية - فرونس 24 (2018)". مأرشيڤي من لأصل ف 2022-05-02. تطّالع عليه ب تاريخ 2021-04-22.

[1]