لقتيلة د مهسا أميني

من ويكيپيديا
مهسا أميني

ف 16 شتنبر 2022 توفات مهسا أميني، لي معروفة تا ب سميت جينا أميني، لي هيّا شابة كردية إيرانية تعرّضات ل تّعديب من طاراف لبوليس د لأخلاق لإيراني، بعدما تشدات حيت ماكانتش لابسة لحيجاب مزيان، ؤ ماتت موراها ف سّبيطار، غالباً بسباب ضربات على رّاس.

لبنت لي فعمرها 22 عام، و لي أصلها من مدينت ساݣيز، كانت ف زيارة ل خوها ف طهران، ملي شدّوها لبوليس. لألاف د نّاس تجمعو ل لݣنازة ديالها، ؤ لوفاة ديالها أدّات ل حتيجاجات ف عشرات د لمدون لإيرانية بحال طهران، إصفاهان، مشهد، ؤ ساݣيز، لي تجرحو فيها لمئات، تّعتاقلو كتر من 1500 واحد، و ماتو فيها كتر من 215 واحد، منهوم 27 دري صغير، ل حد سّاعة.[1][2]

لبيان رّسمي ديال لبوليس و سّلطات لإيرانية كيݣول بلي جاتها سكتة قلبية، ؤ بلي ماتت ف كوما يوماين موراها. شّهود د لعيان ب لموقابيل ݣالو بلي لبوليس ضربوها بزاف على راسها، ؤ ردخوه ليها معا جّنب ديال طونوبيلة د لبوليس، حيت ردّات على سّبان و لمعيور ديالهوم. لكلينيك لي دّاوها ليها كانت دارت پوسط ف إنسطاݣرام تݣال فيه بلي كانت ديجا توفّات دماغياً ملي وصلات ل عندهوم، ولاكين هاد لپوسط تّحدف من بعد من لپلاطفورم.[3] مجموعة د لهاكرز لإيرانيين قدرو يجبدو سّكان د رّاس ديالها، لي على حساب خوبارا طبيّين كيبيّن تهريسة ف لقلقولة ديالها، ؤ نزيف د دّم فوسط رّاس.[4][5]

عيون لكلام[بدل | بدل لكود]

  1. ^ "Mahsa Amini: dozens injured in Iran protests after death in custody". 18 شتنبر 2022.
  2. ^ "Iran Protests: at Least 185 Killed/19 Children Amongst Dead". حقوق لإنسان ف إيران. 8 أكتوبر 2022.
  3. ^ "Landesweite Proteste nach Tod von Mahsa Amini" [Protests nation-wide after death of Mahsa Amini]. دويتشه ڤيله. 19 شتنبر 2022. Die Klinik, in der die 22-Jährige behandelt wurde, hatte nach ihrem Tod auf einem inzwischen gelöschten Post bei Instagram geschrieben, dass Amini bereits bei der Aufnahme hirntot gewesen sei.
  4. ^ "Mahsa Amini's medical scans show skull fractures caused by 'severe trauma': Report". العربية إنݣليش. 19 شتنبر 2022.
  5. ^ "Mahsa Amini's CT Scan Shows Skull Fractures Caused By Severe Blows". Iran International. 19 شتنبر 2022.
Midori Extension.svg
هادي زريعة ديال مقالة خاصها تّوسع. تقدر تشارك ف لكتبة ديالها.