لبحر لميت

من ويكيپيديا
اذهب إلى التنقل اذهب إلى البحث

لبحر لميت ف لخريطة

لبحر لميت، مع الجبال د لأردن

لبحر لميت، هو ضاية كبيرة مالحة جات فلغرب ديال آسيا. لبحر لميت تاتحدّو لأردن من الشرق، و إسرائيل و الضفة لغربية من لغرب. لبحر لميت معروف ف لعالم حيت هو أهبط نقطة ف لأرض. أهبط نقطة فيه جات 430.5 ميطرو تحت من السطح د لبحر. من جهة خرا، لبحر لميت معروف باللي هو من أكتر لبلايص لمالحة ف لعالم، فيه 34% د لملوحة (9.6 د لمرات كتر من لمحيطات). هاد لملوحية ديالو هي اللي خلاّت تا كائن حي ما يقدر يعيش فيه، و عليها تسمّا لبحر لميّت.

لمساحة ديال لبحر لميت هي 605 كم² (كانت 1050 كم² ف 1930).[1] الطول ديالو هو 50 كم، و لعرض ديالو فأعرض بلاصة هو 15 كم.

لعيون[بدل | بدل لكود]

Wikimedia Commons تقدر تزيد شوف بزاف د صور و معلومات ديال Dead Sea ف ويكيميديا كومنز.