شيت

شيت
معلومات عامة
زيادة	3874 قبل لميلاد
لموت	2962 قبل لميلاد (911/912 عام)
لحرفة	نبي
لفاميلة
لواليد	آدم
لواليدة	حواء
خوت	قابيل، هابيل، أزورا، أقليما و Awan
شريك	أزورا
لولاد	أنوش Noam

شيت (ب ليونانية: Σήθ، ب لعبرية: שֵׁתֿ‎) ف لمندائية، ليهودية، لمسيحية و لإسلام هو تالت ولاد آدم و حواء، و خو قابيل و هابيل، هاد التلاتة همّا لولاد لوحيدين لمدكورين ف كتاب التناخ. و على حساب سفر التكوين 4:25، تولد شيت بعد ما تقتل هابيل، و شكرات حواء الله حيت عطاها بديل على ولدها لمقتول، و تدكر شيت حتا ف لأحاديت النبوية.

ف الصابئة المندائية

تيتحب من الأنبيا ديال ديانة الصابئة المندائية، وسميات ديانة الصابئة كما هو ثابت هو سمية أقدم ديانة سماوية توحيدية. وهي ديانة عندهوم سبعة لأنبيا هما: آدم، شيتل بن آدم ولا شيث، أنوش، نوح، سام بن نوح، دنانوخ ليهيا إدريس وآخرهم يحيى بن زكريا.

سفر التكوين

علا حساب سفر التكوين، تولد شيت ملي كان عمر آدم 130 عام، وكان تيشبه لباه آدم. وتڭال بلي آدم ملي مات كان عندو ولاد وبنات، وعمر 930 عام على الأرض. وعلى حساب الكتاب المقدس، عاش شيت 912 عام.

فاليهودية

تيشير راشي (رابي شلومو يتسحاقي) بلي شيت هو جد نوح، يعني هو بات كل البشر لي هربو من طوفان نوح، تيتشاف شيت بلي هو بديل هبطو رب باش يعوض هابيل، لي قتلو قابيل. تيتڭال بلي آدم علم ولدو شيت الأسرار لي ولات قبالة. تيشوف كتاب الزوهار بلي شيت هو بات اي واحد صادق وتقي. وعلى حساب صدر عولام راباه، وتولد شيت فالعام 130 وكان عندو 33 ولد و23 بنت. وعلى حساب صدر عولام، ما شيت فعام 1042 من تقويم سنة العالم.

فالمسيحية

تيڭول كتاب اليوبيلات على حساب الطقوس الإسكندرية بلي ولادة شيت كانت فعام 130 سنة العالم (تقويم بيزنطي). وعلى حساب نفس الكتاب، تزوج شيت ختو أزورا لي كانت صغر منو بربع سنين، فعام 231 س.ع. وفعام 235 س.ع، ولدات أزورا ولدها أنوش.

فالإسلام

تخطيط لإسم شيث

مامدكورش شيت فالقرآن، ولاكن تذكرو الأحاديت النبوية وتقاليد الإسلامية بلي هو الولد الثالث والبار لواليديه آدم وحواء، وتيشاف بلي هو هبة من الله للعبد ديالو آدم ملي صبر على موت ولدو هابيل. دون المؤرخ والفقيه السني ابن كثير ف كتابو البداية والنهاية بلي شيت نبي بحال باه آدم لي هز رسالة الدعوة ملي مات باه للبشرية، وتيتصنف مابين آباء ماقبل الطوفان الصالحين من ولاد آدم. وتتشير بعض المصادر بلي شيت تلقى الصحف لولا المذكورة فسورة الأعلى من القرآن: إِنَّ هَذَا لَفِي الصُّحُفِ الْأُولَى صُحُفِ إِبْرَاهِيمَ وَمُوسَى وتيذكر الطبري وأئمة خرين بلي شيت دفن آدم ودفن معاه النصوص المقدسة فقبر آدم (قبر الكنوز).

تيبين الأدب الإسلامي بلي شيت تولد ملي فات عمر آدم 100 عام، وبلي آدم عين شيت باش يهز حمل تاع الرسالة ويقود ولاد آدم لولين. وورد المؤرخ والمترجم السوري الدمشقي أبو الوفاء المبشر بن فاتق صاحب كتاب مختار الحكم ومحاسن الكلم فصل كامل على شيت. وتيذكر فرواية الإسلامية بلي شيت جاتو الحكمة وعرف الموعد تاع الطوفان العظيم ، وطريقة صلا تليل. تيرجع نسب تاع البشرية على حساب اليهودية و‌المسيحية و‌الإسلام لشيت، بحيث ان هابيل ماخلا تاولد، وولاد قابيل ماتو فالطوفان العظيم، على حساب الرواية الإسلامية. وتتذكر الروايات بلي بزاف تاع الحرفات تقليدية إسلامية، تترجع لشيت، كاين قبر شيت فبلدة النبي شيت فجبال واد البقاع فلبنان، بحيث كاين جامع بسمتو.

وتيڭولابن كثير فكتابو البداية والنهاية: «لما مات آدم قام بأعباء الأمر بعده ولده شيث وكان نبيًا. ومعنى شيث: هبة الله، وسمياه بذلك لأنهما رزقاه بعد أن قَتَل قابيل أخاه هابيل. فلما حانت وفاته أوصى إلى ابنه أنوش بالخلافة، ثم بعده ولده قينان ثم من بعده ابنه مهلائيل - وهو (أي مهلاييل) الذي يزعم الأعاجم من الفرس أنه ملك الأقاليم السبعة، وأنه أول من قطع الأشجار، وبنى المدائن والحصون الكبار، وأنه هو الذي بنى مدينة بابل ومدينة السوس الأقصى وأنه قهر إبليس وجنوده وشردهم عن الأرض إلى أطرافها وشعاب جبالها وأنه قتل خلقًا من مردة الجن والغيلان، وكان له تاج عظيم، وكان يخطب الناس ودامت دولته أربعين سنة. فلما مات بعد 912 عامًا، قام بالأمر بعده ولده يارد فلما حضرته الوفاة أوصى إلى ولده خنوخ، وهو إدريس على المشهور.»