راينبوو: نيشا روكوبوو نو شيتشينين
راينبوو: نيشا روكوبوو نو شيتشينين
| ||
| معلومات عامة | ||
| نوع د لمانڭا | أنمي ومانغا دراما | |
| مانڭاكا | جورج آبي | |
| لّوغة لأصلية | جاپونية | |
| لموقع الرسمي | http://www.shogakukan.co.jp/comics/volumes/_id_14952 | |
راينبوو: نيشا روكوبو نو شيتشينين (جاپونية: 二舎六房の七人، "راينبوو: السبعة ديال جناح 2، سيلون 7")، هي سيرية د لمانݣا جاپونية كتبها جوهجي آبي و رسمها ماساسومي كاكيزاكي. لمانݣا تسلسلات ف لمجلة ديال دار النشر شوݣاكوكان، يونݣ سانداي لسبوعية لي كاتڤيزي فيئة السينين، من نوڤمبر 2002 حتى ليوليوز 2008، و منين لمجلة وقفات النشر، لمانݣا تطرونسفيرات لمجلة بيݣ كوميك سپيريت لسبوعية فين تسلسلات من يونيو 2009 حتى ليناير 2010. الشاپيطرات دياولها تجمعو ف 22 طانكوبون. لقصة محطوطة ف عوام الخمسينات و كاتركز على ستة د لموشاغيبين تسيفطو ل إيصلاحية شوهنان الخاصة. غايتعلمو كيفاش يتعاملو معا لحݣرة و ستيغلال السلطة لي غايعيشوها تما، غايتلاقاو ب واحد التلميد لي تحبس قبل منهوم، غايلعب الدور د لموجيه ديالهوم ف وسط لمحنة.
مسراحية تآضابطات من لمانݣا كتبها و خرجها كوهطاروه يوشيطاني تطلقات ف فبراير 2007. سيرية د لآنيمي تلفازي تآضاپطات من لمانݣا من إينتاج مادهاوس و إيخراج هيروشي كوهجينا تنقلات ف نيپون تي ڤي من ابريل حتى ل صيپطومبر 2010.
لمانݣا باعت كتر من 3.3 مليون نسخة و هي كاتسلسل. ف 2006، راينبوو ربح ف لحفلة رقم 51 ديال جائزة الشوݣاكوكان د لمانݣا ف لفيئة لعامة.
حبكة[بدل | بدل لكود]
سبعة د لموراهيقين ف عام 1955 بزز منهوم خصهوم يتعلمو يعيشو معا بعضياتهوم ف سقف واحد ف لأصلاحية د شييو. محصورين ف شومبر فين كايعيشو الدل و التعديب يوميا، وخا هاكداك مازال كايتسناو شي ومضة أمل ف وسط عالم مضلم. لقصة كاتبع لحياة ديالهوم معا بعضياتهوم و كيفاش غايتخطاو هادشي لي غايدوز عليهوم ف لإصلاحية و يشوفو للݣدّام.
شخصيات[بدل | بدل لكود]
لجناح 2، السيلون 7
- روكوروهطا ساكوراݣي (معروف سمية "آنتشان"، "لأخ") ب صوت ريكييا كوياما
تسجل ب التعدية و جريح عسكري ميريكاني. وقيتو قربات باش يخرج من لحبس، و لكين بسباب شي ضروف غامضة باقي مورا لقطبان.
- مارييو ميناكامي (كايعطو ليه "ماريو") ب صوت شوون أوݣووري
تسجل ب لمحاولة ديالو للقتل لمتعمد. دري عنيف و مݣنوي قادر يريسكي ب حياتو على ود عشرانو، كيفما كانو، و يقدر يكون معصب فشي وقيتات و ضريف ف وقيتات اخرى
- نوبوروو مايضا (كايعطو ليه "سووپون" ، لي هي "فكرون" ب الداريجة) ب صوت رومي پارك
كايعيطو ليه فكرون حيت لعضة ديالو كي لفكرون تسجل ب سباب سرقة كبيرة د لممتلكات الشخصية. ف صغرو تيتم ب سباب لقنبولة الدرية لي طاحت ف هيروشيما. دري قصير و عندو 10 د لبقعات د التونية ف راسو. ب طبيعتو بيزنيسمان لسانو حلو، لحلم ديالو يولي ميليونير.
- طاضايوشي طوهياما (كايعيطو ليه "هييطاي"، لي كتعني "عسكري" ب الداريجة) ب صوت طاكايا كووروضا
دخل للحبس ب سباب لعنف و كايقول بلي لحبيس ديالو لاقانوني. عملاق راسو قاصح و لكين عندو حس الشهامة، كايولي كايخوف ملي شي حد كايتستفزو. عندو هدف واضح هو يولي عسكري.
- ريووهجي نوموطو (كايعيطو ليه "باريموطو"، كاتعني "تخلويض" ب الداريجة) ب صوت كييجي فوجيوارا
دخل للحبس ب سباب، النصب، لختيلاس و شفير لممتلكات الشخصية. باه تقتل ف منشوريا و التشاوش ديالو مورا ما لحرب تسالات خلاتو ماكايتيقش ف الناس. ديما كايزهقو ليه النضاضر من عينيه و ديما كاتلقاه مشوش على لعدرية ديالو. هو و فكرون قراب من بعضياتهم و علاقتهوم بحال شي خوت.
- جوو يوكوسكا (معروف ب سمية "جوو") ب صوت طاتسويا هاسومي
دخل للحبس ب سباب تعدية بلا جروح و السيكس لي كايودي للآدى ف لعلاقات. دري يتيم و عندو ختو صغيرة سميتها ميݣ. لحلم ديالو يولي موغني.
- مانساكو ماتسوورا (كايعيطو ليه "كابيتسو" من النݣليزية "cabbage"، لي كاتعني "كرومب" ب الداريجة) ب صوت طوموهيرو واكي
دخل للحبس ب سباب الشغب، عتيداء لي كايودي لجروح و السكير لعلني. هو دري، عقلو تقيل، ضريف بزاف، مهاوش و صحيح. مقارنة ب صحابو، لقى وقت صعيب باش يلقى لهدف ديالو ف لحياة، و لكين ملي تعرف على آريطوو، لقى كيفاش يدبر على طرف د لخبز و ولى كاتشور محتارف.
الصحاب
- سيتسكو كوويكي (نوريماتسو) ب صوت شيهوري كانجييا
فرملية د لإصلاحية، هي لي كاتأوي الدراري لي ف لحبس. كانت صاحبة روكوروهطا. موراها، ملي ماريو ولى كايبغيها، قبلات بيه واحد الشوية، و لاكين خالاتو من بعد ب شوية. تزوجات ب ياسوروو نوريماتسو و ولدات طفل سماتو طاكوروو
- ليلي ب صوت كاووري ياماݣاطا
بياعة د لهاوى لي ديما كاتجي لعند لقاعيدة لميريكانية لعسكرية، و كاتستغل لوضعية ديالها باش تعاون لمحابيس السبعة ملي كايحتاجو لعوين. ملي لقاعيدة لميريكانية رجعو لبلادهوم، داكشي لي جمعاتو من سريق ديالهوم، داوه منها، و خسرات كلشي ف واحد لحضة
- ميݣ يوكوسكا ب صوت ميݣومي طويوݣوتشي
- لخت الصغيرة د جوو، ملي كانت عند جوو 12 لعام، تبناها أب ب طريقة لاشرعية، ب لمعاونة د موديرة دار ليتامى لي عايشة فيها ميݣ، خوها جا باش يعتقها غير جا و لبوليس شدو. لأب ديالها ب التبنية تحرش بيها جنسيا و هربات منو ف عمر ل 15 و خدمات ف كاباري و خدامي اخرين.
إيصلاحية شوهنان لخاصة
- إيشيهارا ب صوت كوهجي إيشي
هو موضاف د لحبس ف إيصلاحية شوهنان لخاصة. ملي روكوروهطا عرف لحقيقة د شي حاجة ماكانش خصو يعرفها، إيشيهارا تافق معا ساساكي باش يمنعو السراح د روكوروهطا من لحبس ب ݣاع لوسائيل لمومكنة، ل دراجة قتلو لكوليݣ ديالو كوماݣاي و برو. هو مودمين د فيلوپون، و فلوقيتة د التعدية ديالو على روكوروهطا، ليدمان ديالو تزاد لدرجة اللاتوازون لعقلي، و كنتيجة، ف شاپيطر 2 للقدام، تدهوور عقليا و جسديا حتى مابقاش كايفرز مابين روكوروهطا و ماريو.
- ݣيسكي ساساكي ب صوت طاكايا هاشي
هو الدوكتور و لمودير لمكلف ب لأيصلاحية. منين روكوروهطا عرف واحد لحاجة ماكانش خاصها تتعرف. تعدا عليه هو و إيشيهارا باش يسترو لبلان و يخليوه ف الضلام. هو پيضوفيل، و كايدي لمحابيس لبيتو ف الليل و كايتعدى عليهوم.
- كوماݣاي ب صوت تسويوشي آووكي
على عكس إيشيهارا، هو موضاف حبس قلبو بيض و دافي و راجل متعاطف لي جاني التيقة من لمحابيس ب سبعة ، كايساند الدراري ب سبعة ف السر، بلا ما يعيقو بيه ساساكي و إيشيهارا، و لكين فعايلو تورقو ل إيشيهارا، و من بعد تقتل و تزورات لقتيلة ديالو كحاديتة.
- إييتشي هاݣينو ب صوت كووهيي كابيتسو
دخل لإيصلاحية شوهنان ب سباب السرقة، كان ضحية جينس تحت لبتيزاز من ساساكي لي وعدو باش ينقص لو لمودة موقابيل السيكس. لي ف اللخر ندم عليها إييتشي، هادشي لي تسبب لو فلكتيئاب، قال لروكوروهطا ݣاع داكشي لي وقع ليه ب الداليل، و نتاحر ف عام 1954.