ديپريسيو

من ويكيپيديا
(تحولات من الديپريسيون)
اذهب إلى التنقل اذهب إلى البحث

الديپريسيون هي واحد لمرضة نفسيانية(تزعزيعة عقلية) عبارة على واحد لحالا دلغمة معا واحد الاحساس ديال لحزن لعميق ، بنادم الي مديپريسي مكاتكونش راشقة ليه ومكاتكونش عندو لا ݣانة لا خاطر و عندو أفكار كحلا زحلا و الأخطر هو كايحس براصو ماعندوش قيمة فهاد الدنيا.

الديپريسيون داخلا فلكلاسيفيكاسيو ديال DSM-5، و اللي كاتعتابر ثاني مرضة معيقة لبنادم فلحياة ليجتماعية و لعائيلية ولخدماوية ديالو، بحيت من عام 2000 ل 2020 الديپريسيون دازت من الرتبة الرابعة للرتبة الجاوجة مورا المرضة دلقلب، و على حساب منظمة الصحة لعالامية(OMS) غادي تكون هي اللولة معا ديك 2030 داكشي اللي كايبين لخطورة ديال هاد لمرضة اللي مامعاهاش اللعب واللي ضاربة 15% دلباشار فلعالام .

المدة ديال الديپريسيون كاتختالف؛ تقدر دوز غير شي يامات و لا شي سيمانات مي تقدر تݣلس شهورا ولا حتا شلا عيمان، داكشي علاش كانكاليفيوها لتلاتة ديال النواع :

-عيانة

-متوسطة

-مجهدة (خطيرة )

رد لبال: فاش كاتكون مجهدة، الديپريسيون تقدر دفع بنادم للإنتحار.