إنسطاڭرام
إنسطاڭرام
| ||
 | ||
| معلومات أساسية | ||
| نوع د لمؤسسة | شبكة د التواصل لجتيماعي | |
| لبلاد | الولايات المتاحدة د ميريكان | |
| لموضع | سان فرانسيسكو | |
| لمؤسس | كيفن سيستروم و مايك كرايغر | |
| تاريخ د تّأسيس | 6 أكتوبر 2010 | |
| سّيت رّسمي | instagram.com | |
 | ||
إنسطاݣرام (ب نّݣليزية: Instagram) (كيختاصروه لمغاربة بسميت إنسطا) هو سربيس و شبكة جتماعية ميريكانية ديال لمشاركة د تّصاور ؤ لڤيديوات، تابعة ل شركة ميطا (لي كانت سميتها "فيسبوك").[1]
شّركة د إنسطاݣرام أسسها كيڤن سيسطروم، و مايك كريݣر، و بانت لمرة لّولة ف أنظمة د أي ؤ إس ف أكتوبر 2010. ف أبريل 2012 تطلقات لڤيرسيون د أندرويد، تبعاتها لڤيرسيون د دّيسكطوپ ف نونبر 2012 مع مزايا محدودة مقارنةً ب لڤيرسيونات د تّيليفون. ف يونيو 2014 خرجات أپليكاسيون د إنسطاݣرام د فاير. ف أكتوبر 2016 خرجات لڤيرسيون ديال ويندووز 10.
لخدايميا بإمكانهم تصفح محتوى لخدايميا لخرين و يقدر لواحد يتفرج ف لمحتوى لي شايع بزاف. يمكن شخص لي عجبوه تصاور د شي كونط يتابع داك لكونط. لميزة ديال لقصص مخدّمة من طاراف 500 مليون خدايمي بشكل يومي.[2]
بعدما تّطلق ف عام 2010، حصد إنسطاݣرام شعبية كبيرة، ب مليون خدايمي مقيّد ف ضرف شهر، و 10 د لملاين خدايمي ف خلال عام، و مليار خدايمي معا حلول يونيو 2018. ف أبريل 2012، شرات شركة فيسبوك شركة إنسطاݣرام بتمن مليار دولار ميريكاني تقريباً على شكل فلوس و سطوك د لبورصة. و ف أكتوبر 2015 كتر من 40 مليون د تّصاور تنشرات على منصة إنسطاݣرام. بزاف كيشكرو ف إنسطاݣرام بعدما تبدلات لانطيرفاص د لكونط د لخدايمي، و تطورات سّياسة ديال لخصوصية ف لاپليكاسيون، و الرقابة على لمحتوى لي ماشي قانوني ؤلا ماشي مقبول لي كيأپلوديوه لخدايميا.[3]
- ↑ "archive". Archived from the original on 7 نونبر 2017.
- ↑ "أپليكاسيون ف أپل سطور". Archived from the original on 5 شتنبر 2023.
- ↑ "كاين حتا ف اندرويد". Archived from the original on 14 يناير 2023.
