ؤرطوڭراف

من ويكيپيديا
كتاب ديال لورطوڭراف د لألمانية تّنشر ف 1711

لورطوڭرافنّݣليزية: Orthography، ب لعربية: قواعد الكتابة‎) هوّا مجموعة د لأعراف و لحكام د لكتابة ديال شي لوغة، لي كاتشمل لكتابة د لحروف، لعلامات د تّنقيط، تّكپتيل (نّݣليزية: Capitalization، لكتابة ديال لحروف لكبار بحال ف لألفبائية لّاتينية)، ؤ غيرهوم.[1] أغلبية د لّوغات لي كاينين ف كتر من بلاد عندهوم سيستيم د لكتابة، و أغلبية ديالهوم دازو من مرحلة ديال لمعيارة لي ضبطات شكال لكتابة فيهوم بحيت كانلقاو ختيلافات قليلة فيها، ب لموقارنة معا لّهجات ؤلا لّوغات لمهضورة.

لورطوڭراف ديال شي لوغة تقدر تّحجّر ؤ تبقا كيما هيّا على مدى عقود ؤلا قرون، ف لوقت لي لّوغة لمهضورة كاتبقا تّطوّر، شّي لي كيعطينا ؤرطوڭراف لي بعيدة بشكل صغير ؤلا كبير على لمنطوق. هادشي كانشوفوه متلاً ف لوغات بحال نّڭليزية. فاش تّبدال كيولي كبير بزاف، سيرتو يلا كانو تا تغييرات ف لڭرامير ؤ تّركيب د لجومال، كيقدرو يبانو مطالبات ب لمديار د معيارة جديدة ديال لّوغة.

تقدر لورطوڭراف تّبدل بشكل متعمد على ود تكريس لهوية لوطنية د شي بلاد، بحال ف لحالة ديال نّڭليزية لميريكانية، موقابيل نّڭليزية د النڭليز. كاينين بلدان بحال فرانسا و سپانيا دارو أكاديميات د لّوغة لي كاتجيري لورطوڭراف بشكل رسمي. ولاكين ف أغلبية د لّوغات ماكاينينش بحال هاد لمؤسسات سّلطوية، ؤ "لوطوڭراف صّحيحة" كاتّحدد بشكل موزّع و تدريجي ب تّيفاق مابين لمؤسسات تّعليمية، ديور نّشر د لكتوبا ؤ دّوريات، ؤ لبلايص د لخدمة، ؤ لأفراد كيكتاسبو لمعرفة د لورطوڭراف ب لقراية د لمحتويات لي كاينتجوها ؤلا كيعرضوها هاد لمؤسسات. وخا داكشي بعض لمؤسسات لأكاديمية كيديرو ڭيدات د سّتيل لي كيحددو مجموعة د لحكام لمتعلقة ب لكتابة لي منها لورطوڭراف.

لورطوڭراف تقدر تكون ساهلة ؤلا معقّدة، على حساب سّيستيم د لفونيتيك و لڭرامير ديال لّوغة، ؤ تا على حساب لعوامل تّقافية ؤ سّياسية لي عطاتنا ديك لّوغة ؤ لمعيار ديالها. على حساب مؤسسة سيل إنترناشينل SIL International ديال لّوغات، باش تكون لورطوڭراف فعّالة خاصها تكون مقبولة عند الناس لي خدامين ؤلا غادي يخدمو بيها، ؤ قابلة ل تّخدام من حيت تّناسق مابين لحروف لمكتوبين و لأصوات لمنطوقين ديال لّوغة.[1]

عيون لكلام[بدل | بدل لكود]

  1. ^ a b "SIL, Orthography".