فيلم پارودي
فيلم پارودي هو نوع فني فرعي مميز ديال أفلام لكوميديا، كاينوي باش يقلد ب شكل فوكاهي لأنواع لاخرى د لأفلام، أعمال د السينيما، أعمال فنية إيبداعية ولا شي ضاهيرة ف لموجتاماع. على عكس أفلام لكوميديا التقليدية لي كاتهدف ب لآساس باش ترفه بواسيطة النوكات و الطارائيف، لأفلام د لپارودي كاتعمق بتخدام التقليد و لميميك باش تقدم ماشي غي الترفيه و لفوكاهة صافي، و لكين حتى تعليق ولا تكريم للعمل لأصلي لي كايقلدو.
تعريف د النوع[بدل | بدل لكود]
پارودي هو نوع ديال التقليد لفوكاهي، كاياخد ستيلات ديال شي كاتيب، فنان ولا شي نوع فني و كايبالغ ف التقليد لأغراض كوميدية باش يستفز ب طريقة إيجابية ولا حتى يسلط الضو ولا يدير تكريم لشي ستيل.
لخصايل د النوع[بدل | بدل لكود]
فيلم پارودي معروف ب التقليد لفوكاهي د لأفلام، لأنواع لفنية ولا حتى لأشكال لفنية و التاقافية لاخرى. هاد لأفلام كاتخدم بزاف ديال طيكنيكات د لكوميديا بحال لموبالاغة، باش يبينو لعيوب د لفيلم لي كايقلدو، و لموفارقة، ب حطان شي عونصور عادي ف مواقيف ماشي عادية، و السوخرية، باش يوضحو لعاباتية د لكليشيات د شي أفلام و لخصايل لي حماضو ف السينيما. أهم حاجة ف لپارودي هي كاتخلي لي كايتفرج كايتمتع ب لكوميديا لي فيها و ف نفس لوقت كاتخليه يدير معا راسو نقد للموضوع لي كايتعالج.
شنو لفرق بين پارودي و ساتير[بدل | بدل لكود]
لپارودي و الساتير ب جوج بيهوم كايخدمو لفوكاهة كاتعليق ولا نتيقاد، و لاكين لفرق بيناتهوم هو أن لپارودي كايكون ب نبرة رطبة على حساب قوانين لكوپيرايت و النشر، يعني لفرق ف لهاداف و الطاريقة و لحيدة د لميساج. ساتير حتى هو معروف ب " التخدام د لفوكاهة، السوخرية و لموبالاغة و لاكين باش يشوه و يكريتيكي لكالاخ و التناقوضات د الناس، السياسات لموعاصيرة و لمواضيع لي كاتكون شادة لبوز ف لوقيتة د إيصدار لعمل. قارن هادشي معا التعريف د لپارودي لي هو " عمل أدبي، تلفازي، فيلم ولا موسيقى لي كاينوي تقليد ستيل د شي عمل أصلي لأغراض فوكاهية ".
إكزومپلات د أفلام د هاد النوع[بدل | بدل لكود]
- يانݣ فرانكينشطاين - 1974
- أوستن پاورز - (فرونشيز 1997 - 2002)
- شون أوف ذا ديد - 2004
- ݣالاكسي كويست - 1999
- سكيري مووڤي - 2000
- نوتزيلا - 2019
- بورات - 2006
- شريك - 2001
عيون لكلام[بدل | بدل لكود]
- https://www.studiobinder.com/blog/what-is-parody-definition/
- https://blog.daisie.com/understanding-parody-definition-examples-creation/amp/
- https://www.europeanstudios.com/encyclopedia/parody-film/
- https://copyrightalliance.org/faqs/parody-considered-fair-use-satire-isnt/#:~:text=By%20definition%2C%20a%20parody%20is,not%20that%20specific%20creative%20work.