رومان
ميّز على رومانيين.
رّومان (ب لاتينية Rōmānī) هوما شعب قديم عندو لوغة ؤ تقافة مشتاركين يعني كيشتاركو ف لهوية التقافية، ولاكين ماشي ب ضّرورة نفس لأصول لإتنية. لمعنى ديال "روماني" كيتبدل معا مرور تّاريخ، من تأسيس ديال مدينة روما ف جوايه 753 ق.م (تأسيس أسطوري) فاش كان لمصطلح كيعني "الناس ديال مدينة روما و النواحي"، ل لفترة د الجمهورية الرومانية لي كانت مركّزة سيرتو ف الطاليان و بعض لمناطق د ؤروپا و شوية ف شمال إفريقيا، ل لإمبراطورية الرومانية لي حكمات جميع لمناطق لي كاتطل على الساحل ديال لبحر الشامي، تال فاش طاحت لإمبراطورية الرومانية الشرقية ف 1453، ملي لعتمانيين شدو لقسطنطينية (دابا إسطنبول).[1]
مابين لقرن التاني قبل لميلاد، تال لقرن لخامس لميلادي، سيطرو الرومان على بزاف د لمناطق د ؤروپا، شمال إفريقيا، و الشرق لأوسط. و داكشي باش نتاشرات اللاتينية، و أتّرات ف بزاف د التقافات و اللوغات لمحلية ف دوك لمناطق. لمصطلح ديال لإمبراطورية لبيزنطية و لبيزنطيين ختارعوه توارخيا غربيين باش يميّزو لفترة اللخرة ديال لإمبراطورية الرومانية، لي تحوّلات عاصمتها من روما ل لقسطنطينية، و حيت حتا تقافياً ولّى عندها طابع يوناني كتر من ما هوّ روماني قديم. ولاكين الناس لي عاشو فيها كانو كيعتابرو راسهوم رومان.
تاروميت[بدل | بدل لكود]
مقالة متعمقة: تاروميت
لمصطلح ديال "روماني" كيتخدم ليوم بشكل عام على واحد لفترة تاريخية، تقافة مادية، مناطق جغرافية، و هوية. وخا كاين رتيباط مابين لإستعمالات ديال هاد لمصطلح على هاد لمدى كامل و جميع هاد التمتلات، راه ف لواقع ماكانوش بحال بحال ف جميع لأوقات و لبلايص. التوارخيا ديال ليوم ف لعادة كيكون عندهوم رأي على شنو هيّ "تاروميت" (لاتينية: Romanitas) من لمنضور ديالهوم، مي هاد لمصطلح اللاتيني براسو قليل فاش كان مخدّم ف روما لقديمة.[2] كيما جميع لهويات، تاروميت كانت فليكسيبل، ديناميكية، و عندها بزاف د لوجوه.[3]ص. 8 و ماعمّرها كانت مستاقرة ؤلا متطابقة. حيت لمجال د الرومان كان واسع بزاف و ستامر ل فترة طويلة د الزمان، ماكاينش شي تعريف بسيط ديال "تاروميت"،[4] و تا ف الزمان لقديم كانو تعريفات مختالفين و متعارضين.[3]ص. 4 وخا داكشي، كاينين عناصر لي بقاو تابتين بشكل عام ف أغلب لحالات.[2]
كاين لي كان كيشوف بلي الجغرافيا، اللوغة و لإتنية هوما الساس ديال تاروميت، و خرين كانو كيعتابرو بلي الجنسية الرومانية، التقافة و التصرفات هوما أهم الشروط باش يتّعتابر لواحد روماني.[5]
عيون لكلام[بدل | بدل لكود]
- ^ Walter Pohl, Clemens Gantner, Cinzia Grifoni, Marianne Pollheimer-Mohaupt (2018). Transformations of Romanness: Early Medieval Regions and Identities (ب نڭليزية).CS1 maint: uses authors parameter (link)
- ^ a b Revell, Louise (2009). Roman Imperialism and Local Identities. Cambridge University Press. ردمك 978-0-521-88730-4.
- ^ a b Arce, Javier (2018). Pohl, Walter; Gantner, Clemens; Grifoni, Cinzia; Pollheimer-Mohaupt, Marianne (إيديتورات). Transformations of Romanness: Early Medieval Regions and Identities, Goths and Romans in Visigothic Hispania. De Gruyter. ردمك 978-3-11-059838-4.CS1 maint: uses editors parameter (link)
- ^ Hope, Valerie M. (1997). "Constructing Roman identity: Funerary monuments and social structure in the Roman world". Mortality. 2 (2): 103–121. pp. 118–119. doi:10.1080/713685858.
- ^ How Romans Became "Roman": Creating Identity in an Expanding World (Doctoral dissertation) (PDF). University of Michigan. 2012. مأرشيڤي (PDF) من لأصل ف 2023-04-04. تطّالع عليه ب تاريخ 2023-07-21.
 هادي زريعة ديال مقالة خاصها تّوسع. تقدر تشارك ف لكتبة ديالها. |