لبرتغالية

خريطة د البلايص اللي تاتًهضر فيها لبرتغالية

مثال د بنت تاتهضر لبرتغالية.

لبرتغالية ولاً لبرطقيزية, هي واحد اللغة أوروپية, و بالضبط لغة لاتينية رومانسية غربية, لأصل ديالها من شبه لجزيرة لإيبيرية. تقريبا 270 مليون واحد فلعالم تيهضرو لبرطقيزية, منهم 215 ل 220 اللي هي اللغة لأم ديالهم. لبرتغالية لغة رسمية فبزاف د لبدان هي: لبرتغال, لبرازيل, الراس لخضر, غينيا بيسًاو, لموزامبيق, أنݣولا وساو طومي إي پرينسيپي.

لبرطقيزية هي اللغة السادسة فلعالم من ناحية عدد اللي تيهضروها كلغة أم. هي لغة رسمية فبزاف د لمنظمات بحال ليتيحاد لأوروبي, ميركوسور, إيكوواس و ليتيحاد ليفريقي. لمنظمة لعالمية اللي تاتجمع لبلدان اللي تيهضرو لبرطقيزية سميتها "مجموعة البلدان الناطقة ب لبرتغالية" ولمقر ديالها فلشبونة ف لبرتغال.

هادي زريعة ديال مقالة خاصها تّوسع. تقدر تشارك ف لكتبة ديالها.

شوف تا

• لينݣليزية
• لفرانساوية

تقدر تزيد شوف بزاف د تّصاور و لمعلومات ديال Portuguese language ف ويكيميديا كومنز.