لفرق بين الجوج ڤيرسيونات ديال: "فجر"

تم حذف المحتوى تمت إضافة المحتوى

مضمن

مراجعة 11:53، 18 أبريل 2021

لفجر (فلأرض) هو لوقت اللي كايبدا فيه الشفق قبل الطلوع دالشمس. كايتعرف الشفق فاش كايبان الشعة ديال الشمش بواحد الطريقة ماشي ديريكت وكايتشتت فلغلاف لجوي ديال لأرض، فاش الصونطر ديال لقرص دالشمش كايوصل ل18 درجة تحت لأفق ديال داك اللي كايشوف.^[1] هاد لفترة فالصباح كاتبقى حتال الطلوع دالشمس (لوقت اللي لفوݣ ديال لقرص دالشمس كايبان)، والضو اللي داي من الشمش ديريكت كايكون مجهد على الضو لمشتت فلجو.

لأنواع دلفجر

لفجر كايبدا من مورا ماكايتشاف الضو اللول ديال الصباح وكايكمل حتى كاتبان الشمش فالسما. هاد الشفق ديال الصباح قبل طلوع الشمش كايتقسم لتلاتة ديال لفترات على حساب شحال ديال الضو دالشمس اللي كاين فالسما، واللي كايتحكم فيه الزاوية ديال لقرص دالشمس تحت لأفق فالصباح. هاد لفترات كايتسماو: لفجر لفلكي ولفجر لبحري ولفجر لمدني.

لفجر لفلكي

مقالة متعمقة: شفق#الشفق لفلكي

كايبدا لفجر لفلكي فاش الشمس كاتكون 18 درجة تحت لأفق فالصباح. هاداك هو اللي كايتسمى "الضو اللول". هاد لفجر كايكمل حتى كاتوصل الشمس ل12 درجة تحت لأفق.^[3] فهاد لوقت غير شوية ديال ضو الشمس هو اللي كايضوي السما والنجوم لباهتة كاتبدا تغبر وماكاتبقاش تشاف. صعيب بزاف على لواحد يفرّق ما بين لفترة ديال الليل ولفجر لفلكي، وبزاف فلبلايص اللي فيهوم التلوت بالضو. لفجر لفلكي هو لبدية ديال الشفق لفلكي، هادا مكايساليش حتال لفجر لبحري.^[4]

لفجر لبحري

مقالة متعمقة: شفق#الشفق لبحري

لفجر لبحري كايبدا فاش كايكون ضو كافي للبحارا باش يفرقو السما على لبحر ولكن السما كاتكون مضلمة بزاف ومايمكنش للناس يديرو اللي بغاو على برّا بلا مايكون الضو ديال الزنقة متلا. كايبدا لفجر لبحري فالتعريف الرسمي فاش كاتكون الشمش 12 درجة تحت لأفق فالصباح. كاتكون السما مضوية بشكل كافي باش يفرّق لواحد مابين لأرض ولما (ضاية، بحر... ). من مورا لفجر لبحري كايبدا الشفق لبحري واللي ماكايسالي حتال وقت لفجر لمدني.^[3]^[4]

لفجر لمدني

مقالة متعمقة: شفق#الشفق لمدني

كايبدا الشفق لمدني فاش كايكون الضو كافي باش أغلبية لحوايج يتشافو، نفس لحاجة للأنشطة فبرّا، ولاكين ماشي كولشي يقد إيبدا. كايبدا لفجر لمدني فالتعريف الرسمي فاش كاتكون الشمس بزاوية 6 درجات تحت لأفق.^[3] إلى كانت السما صافية، كاتكون السما فديك لوقيتة زرقة، وإلا كان فيها السحاب أولا الدحاس، إقدر إيكون اللون ديالها ليموني، صفر أولا لݣري. بعض النجوم أولا لكواكيب بحال الزهرة والمشتري يقدر إيتشافو بلعين فهاد لوقيتة. هاد لفجر كايتبعو الشفق لمدني اللي كايبقى حتال الطلوع ديال الشمس.^[4]

التأتير ديال خط لعرض

لمدة ديال الشفق (أولا لوقت مابين لفجر لفلكي والطلوع دالشمس) كايختالف بزاف مابين خط لعرض ديال اللي كايشوف: ما بين 70 دقيقة فخط ليستيواء وبزاف ديال السوايع فلمناطيق لقطبية.

خط ليستيواء

لفترة ديال الشفق كاتكون قصيرة فخط ليستيواء فاش الشمس ديال ليعتيدال كاتطلع فالشرق نيشان وتاتغرب فلغرب نيشان وفواحد الزاوية قايمة على لأفق. كل فترة ديال لفجر (لفلكي، لبحري ولمدني) كاتكون فيها غير 24 دقيقة. فأي قنت فوق لأرض كايكون لفجر قصير فوقت ليعتيدال وطويل فوقت لينقيلاب.

لمناطيق لقطبية

كايولي وقت ضو النهار طويل كلما كايقرب لينقيلاب دالصيف، وكاتولي لمدة ديال الليل طويلة كلما كايقرب لينقيلاب دالشتا. هادشي كايكون عندو تأتير طويل على الطول ديال لفجر ؤلغسق. هاد التأتير كايبان مزيان فاش كايقرب لواحد للأقطاب اللي فيهوم كاتطلع الشمس فليعتيدال دالربيع وكاتغرب فليعتيدال دلخريف. لمدة ديال لفجر فهاد لبلايص تقدر توصل لبزاف ديال الصيمانات.

فالدين ولميطولوجيا

فلإسلام لفجر لفلكي كايتسمى لفجر لكداب بينما لفجر لبحري كايتسمى السحر أولا لاسحار أولا لفجر الصادق وهادا هو لوقت اللي كايصليو فيه لمسلمين لفجر أولا كايبداو فيه صيامهوم فرمضان.^[5] فلمسيحية لفجر اللول هو لوقت اللي كايقراو فيه الرهبان دلكنيسة لپرايم واللي هي الصلاة اللولة من سبعة دالصلوات اللي لمسيحي لكاتوليكي كايقراها فليوم.

لفجر فلفنون

L'Aurore ديال ويليام أدولف بوݣيرو
بحر الشمال ديال ݣيوم فوݣلس

شوف حتى

لمصادير

^ "The different types of twilight". timeanddate.com.
^ Van Flandern، T.؛ K. Pulkkinen (1980). "Low precision formulae for planetary positions". Astrophysical Journal Supplement Series. 31 (3): 391. Bibcode:1979ApJS...41..391V. doi:10.1086/190623.
^ ^a ^b ^c National Oceanic and Atmospheric Administration. "Astronomical Terms".
^ ^a ^b ^c https://www.timeanddate.com/astronomy/dawn.html
^ "The Definition between Subh Kadhib (False Dawn), Subh Sadiq (True Dawn) & Shuruq (Sunrise)". IslamQA (ب نڭليزية). 2012-09-14. تطّالع عليه ب تاريخ 2020-05-21.

تقدر تزيد شوف بزاف د تّصاور و لمعلومات ديال Dawn ف ويكيميديا كومنز.

[1] "The different types of twilight". timeanddate.com.

[Low_precision_formulae-2] Van Flandern، T.؛ K. Pulkkinen (1980). "Low precision formulae for planetary positions". Astrophysical Journal Supplement Series. 31 (3): 391. Bibcode:1979ApJS...41..391V. doi:10.1086/190623.

[NOAA_Astro_Terms-3] National Oceanic and Atmospheric Administration. "Astronomical Terms".

[timeanddate.com-4] ttps://www.timeanddate.com/astronomy/dawn.html

[5] "The Definition between Subh Kadhib (False Dawn), Subh Sadiq (True Dawn) & Shuruq (Sunrise)". IslamQA (ب نڭليزية). 2012-09-14. تطّالع عليه ب تاريخ 2020-05-21.

[1]

[2]

[3]

[4]

[5]

@@ سطر 1: / سطر 1: @@
-[[ملف:Desert Dawn.jpg|تصغير|يسار|150px|لفجر فنهار فآخر الصيف فالصحرا دموهاڤي ف[[ميريكان]].]]
+[[ملف:Desert Dawn.jpg|تصغير|يسار|150px|لفجر فنهار فآخر الصيف فالصحرا دموهاڤي ف[[لميريكان|ميريكان]].]]
 [[ملف:Twilight description full day ar.svg|تصغير|210px|بعض لمرات لفجر كيتعتابر لبدية ديال [[شفق]] دالصباح (كيما كايبان فالتصويرة)، وبعض لمرات فترة ديال الشفق، وبعض لمرات وقت الشروق.]]
@@ سطر 20: / سطر 20: @@
 === لفجر لمدني ===
 {{مقالة متعمقة|شفق#الشفق لمدني}}
-[[ملف:The beginning Civil Dawn in California.jpg|140بك|تصغير|لبدية ديال الشفق لمدني دالصباح فلجانوب دكاليفورنيا ف[[ميريكان]]]]
+[[ملف:The beginning Civil Dawn in California.jpg|140بك|تصغير|لبدية ديال الشفق لمدني دالصباح فلجانوب دكاليفورنيا ف[[لميريكان|ميريكان]]]]
-كايبدا الشفق لمدني فاش كايكون الضو كافي باش أغلبية لحوايج يتشافو، نفس لحاجة للأنشطة فبرّا، ولاكين ماشي كولشي يقد إيبدا. كايبدا لفجر لمدني فالتعريف الرسمي فاش كاتكون الشمس بزاوية 6 درجات تحت لأفق.<ref name="NOAA_Astro_Terms">{{cite web|url=http://www.srh.noaa.gov/ffc/?n=gloss3| title = Astronomical Terms| author = [[National Oceanic and Atmospheric Administration]]}}</ref> إلى كانت السما صافية، كاتكون السما فديك لوقيتة زرقة، وإلا كان فيها السحاب أولا الدحاس، إقدر إيكون اللون ديالها ليموني، صفر أولا لݣري. بعض ال[[نجمة (فلك)|نجوم]] أولا [[كوكب|لكواكيب]] بحال [[الزهرة]] و[[المشتري]] يقدر إيتشافو بلعين فهاد لوقيتة. هاد لفجر كايتبعو الشفق لمدني اللي كايبقى حتال [[شروق|الطلوع ديال الشمس]].<ref name="timeanddate.com"/>
+كايبدا الشفق لمدني فاش كايكون الضو كافي باش أغلبية لحوايج يتشافو، نفس لحاجة للأنشطة فبرّا، ولاكين ماشي كولشي يقد إيبدا. كايبدا لفجر لمدني فالتعريف الرسمي فاش كاتكون الشمس بزاوية 6 درجات تحت لأفق.<ref name="NOAA_Astro_Terms">{{cite web|url=http://www.srh.noaa.gov/ffc/?n=gloss3| title = Astronomical Terms| author = [[National Oceanic and Atmospheric Administration]]}}</ref> إلى كانت السما صافية، كاتكون السما فديك لوقيتة زرقة، وإلا كان فيها السحاب أولا الدحاس، إقدر إيكون اللون ديالها ليموني، صفر أولا لݣري. بعض ال[[نجمة (فلك)|نجوم]] أولا [[كوكب|لكواكيب]] بحال [[ڤينوس|الزهرة]] و[[جوپيتر|المشتري]] يقدر إيتشافو بلعين فهاد لوقيتة. هاد لفجر كايتبعو الشفق لمدني اللي كايبقى حتال [[شروق|الطلوع ديال الشمس]].<ref name="timeanddate.com"/>
 == التأتير ديال خط لعرض ==

ع ن ت أجزاء ليوم
	نهار	صباح · ضهر · مورا الضهر · عشية
	شفق	فجر · شروق · غروب · غساق
	ليل	وسط الليل
	مرتابط	صمطة الزهرة · ساعة زرقة · ساعة دهبية · خط الليل · ضو النهار · ضو لݣمرة · ضو النجوم · شمس وسط الليل · ليلة قطبية · فجر كداب