لفرق بين الجوج ڤيرسيونات ديال: "محمد"
ص v2.03b - باستخدام ويكيپيديا:WCW (مرجع قبل علامة الترقيم) وسوم: WPCleaner |
Fixed the unclosed paragraph tag lint error |
||
سطر 3: | سطر 3: | ||
[[ملف:Maome.jpg|تصغير|مؤسس لإسلام محمد، توضيح ديال مخطوطة ديال [[لعثمانيين]] فلقرن 17م.|320px]] |
[[ملف:Maome.jpg|تصغير|مؤسس لإسلام محمد، توضيح ديال مخطوطة ديال [[لعثمانيين]] فلقرن 17م.|320px]] |
||
[[ملف:Calligraphic representation of Muhammad's name.jpg|تصغير|يسار|250px|<P ALIGN=center>]] |
[[ملف:Calligraphic representation of Muhammad's name.jpg|تصغير|يسار|250px|<P ALIGN=center>]] |
||
[[ملف:ختم النبي محمد.gif|تصغير|يسار|250px|<P ALIGN=center>الطابع د النبي محمد اللي كان تيختم بيه لبريًات ديالو اللي تيسيفطهم للملوك.]] |
[[ملف:ختم النبي محمد.gif|تصغير|يسار|250px|<P ALIGN=center>الطابع د النبي محمد اللي كان تيختم بيه لبريًات ديالو اللي تيسيفطهم للملوك.</p>]] |
||
محمد، سميتو لكاملة هي '''أبو القاسم محمد بن عبد الله بن عبد المطلب'''، هو زعيم ديني سياسي وعسكري جا من قبيلة [[قريش]]. هو لي أسس [[إسلام|لإسلام]] وكايعتابروه لمسلمين هو نّبي لخر ولوحيد ديال لإسلام. على حساب ما جا فتٌّراث لسلامي، محمد تزاد فمكة مابين 570م و مات فلمدينة ف632م. عادة تينطقو لمسلمين لعبارة د "صلى الله عليه وسلم" مورا ماتيقولو سميًتو. |
محمد، سميتو لكاملة هي '''أبو القاسم محمد بن عبد الله بن عبد المطلب'''، هو زعيم ديني سياسي وعسكري جا من قبيلة [[قريش]]. هو لي أسس [[إسلام|لإسلام]] وكايعتابروه لمسلمين هو نّبي لخر ولوحيد ديال لإسلام. على حساب ما جا فتٌّراث لسلامي، محمد تزاد فمكة مابين 570م و مات فلمدينة ف632م. عادة تينطقو لمسلمين لعبارة د "صلى الله عليه وسلم" مورا ماتيقولو سميًتو. |
||
مراجعة 08:01، 2 دجنبر 2020
محمد، سميتو لكاملة هي أبو القاسم محمد بن عبد الله بن عبد المطلب، هو زعيم ديني سياسي وعسكري جا من قبيلة قريش. هو لي أسس لإسلام وكايعتابروه لمسلمين هو نّبي لخر ولوحيد ديال لإسلام. على حساب ما جا فتٌّراث لسلامي، محمد تزاد فمكة مابين 570م و مات فلمدينة ف632م. عادة تينطقو لمسلمين لعبارة د "صلى الله عليه وسلم" مورا ماتيقولو سميًتو.
كان ابًاه ميت قبل مايتزاد, وماتت مًو وهو صغير بزاف. ربًاه جدو عبد المطلب, و من بعد عمو أبي طالب. ماعمرو مامشا للمدرسة وماكانش تيعرف يقرا ويكتب. بدا يخدم صغير بزاف. فاللول خدم سرًاح ومن بعد داز للبيع و الشرا. كان معقول فخدمتو، وملًي دار 25 عام تجوج مع واحد السيدة كانت مخدًماه, سميتها خديجة.
محمد مات فعام 632 وكان فعمرو 61 عام, وخلًا لعرب مجموعين وموحًدين وكمًلو موراه النشر ديال لإسلام اللي وصل تال الأندلس فلغرب والشينوا فالشرق.
لمسلمين كايعتابروه هو لخر فلأنبياء ديال ديانات التوحيدية. وخا هوكاك، لوجود ديالو مازال محط نقاش من قبل لمؤرخين لمعاصرين. ماكاينش دليل مؤكد علا لوجود ديالو فتاريخ حيت أغلب لمصادر تَّاريخية لي كاتهدر عليه عندها طابع ديني.
لمصادر تًّاريخية علا محمد
لقرآن
- مقالة متعمقة: قرآن
حياتو شًّخصية على حساب لمصادر لإسلامية
زّدياد وطٌّفولة
حسب لمصادر لإسلامية، تولد محمد فلمدينة لعربية مكة. مكة كانت واحد لمدينة قافلية كايدوزو منها طرقان لسوريا، بلاد رَّافدين وليمن.[1] محمد تولد كعضو فلعائلة ديال بنو هاشم من لقبيلة لمهيمنة قريش. باه عبد الله مات واقيلا قبل زيادة ديالو فعام 570. ماماه آمنة بنت وهب ماتت فلعام 577.
فبزاف دلمصادر لإسلامية كايتسما لعام لي تزاد فيه محمد عام لفيل، ولي تحددات فبعض لأبحاث ما بين 547 و 552.[2] توافق مع تواريخ لوخرا ديال حياة محمد تاتثير نقاش.
طبري (مات ف 923) كايسيتي لمؤرخ وجينيالوجي بن لكلبي (مات ف 819) لي قال بلي محمد تزاد 42 عام قبل ما يوصل لإمبراطور ساساني كسرى لول للحكم. يعني زيادة ديال محمد كانت عام 573.[3]
لأصل د محمد كان من زّواج ديال عبد لله بن عبد لمطّلب وأمينة بنت وهب. عبد لله كان ولد عبد لمطلب، وكان متكلف بعين ماء زمزم وبتفراق دلما فلوقيتة د لحج ديال مكة.[4] لقبيلة د قريش هي واحد لقبية لقديمة عربية نازلا من غالب، ولد فهر، لي كانو نّاس مسمين عليه قريش، وكان معروف بأنّو واحد لمحارب صحيح ومرعب. أمينة كانت لبنت ديال وهب بن عبد لمناف، شّاف ديال واحد لقبيلة كانت سميتها بنو زهرة. لعائلة ديال محمد كانت هاشمية علا حساب بات جدّو هاشم بن عبد مناف. لقبيلة ديالو بلحاق فقدات لمتياز ديالها ومن بعد ولات لقبيلة ديال بنو أمية (لقبيلة د أمية بن عبد شمس، خو جد محمد) لي كاتحكم فمكة.[5] قريش كانو كايحميو لكعبة، واحد لحرم لي بناواه براهيم وولدو سماعيل علا حساب ما جا ف تّراث لإسلامي.[6]
ممكن تكون لموت ديال بّاه عبد الله وقعات قبل لولادة د محمد ف يثرب (ولّي غاتولي مسميا المدينة المنورة).[7] سميتو، لي ماكانتش معروفة تماما ف داك لوقت، تّعطات بعدما حلمات مّاين محمد واحد لحلامة.[8]
ظهور دين جديد
محمد كان كايدير خلوات روحية (تحنث)[9] بحال لي كايديرو لحنفيين. محمد كان بتَّالي كايعيش واحد تجربة روحية قوية.[10] تٌّراث لإسلامي كايقول بلي فيوليوز أو غشت 610 ف ليلة لقدر جاء عندو لملاك جبريل ف غار حراء فين كان موالف كايختلي بوحدو ودوزلو، حسب رِّواية لإسلامية، لوحي، يعني لكلام ديال الله. من بعد، لوحي غادي يتجمع ويتحفظ من عند لمسلمين فكتاب سميتو لقرآن.
محمد فلول خاف أنو يكون حماق، وماعاود تجربة لي داز منها غي لمراتو خديجة، وولد عمو علي وولدو بالتبني زيد.[11] حسب لمؤرخ طَّبري، خديجة هي أول وحدة تحولات للإسلام وورقة بن نوفل غايكون إذن هو تاني. غايكون تبع محمد لأنه كان عارف بلي بعض ليهود و لمسييحيين ليهود كانو كايتسناو واحد نّبي وجوج مشيحين.[12]
من بعد ماجاه الوحي, دوز النبي محمد ڭاع وقتو تيدعي الناس باش يدخلو فالدين الجديد اللي جاب, اللي كانت سميتو لإسلام, و سافر مع بزاف د الناس اللي كانو مآمنين بيه لبزاف د لبلايص باش ينشرو هاد الدين.
لمصادر
- ^ Amir-Moezzi, M. A. 1. (2007). Dictionnaire du Coran. Paris: Laffont.
- ^ Conrad, L. (1987). Abraha and Muhammad: Some observations apropos of chronology and literary topoi in the early Arabic historical tradition. Bulletin of the School of Oriental and African Studies, 50(2), 225-240. doi:10.1017/S0041977X00049016
- ^ Hoyland, Robert. "The History of Al-Tabari. Vol 5. The Sansanids, The Byzantines, The Lakhmids and Yemen. By CE Bosworth. pp. xxiv, 458. New York, State University of New York Press, 1999." Journal of the Royal Asiatic Society 11.2 (2001): 253.
- ^ Robert Mantran, Chapitre premier - De l'Arabie anté-islamique à la mort de Mohammed dans L'expansion musulmane, 2001, p. 62 à 95
- ^ Roger Caratini, , Criterion, 1993, p. 79.
- ^ Hilali H., "Quraysh, qurayshites", dans Dictionnaire du Coran, 2007, Paris, p. 718-719.
- ^ Robert Mantran, Chapitre premier - De l'Arabie anté-islamique à la mort de Mohammed dans L'expansion musulmane, 2001, p. 62 à 95.
- ^ K-H. Ohlig, Der Frühe Islam, ein historisch-kritische Rekonstruktion anhand Zeitgenössischen Quellen, Berlin, 2007.
- ^ Kister, M. (1968). Al-taḥannuth: An inquiry into the meaning of a term. Bulletin of the School of Oriental and African Studies, 31(2), 223-236. doi:10.1017/S0041977X00146488
- ^ François Déroche, , dans Mohammed Ali Amir-Moezzi (dir.), , Robert Laffont, 2007, p. 512-516
- ^ Maxime Rodinson, Mahomet, Essais, Seuil, 1994, chapitre IV : Naissance d'une secte.
- ^ Pierre Marie Baude, Jésus de Nasareth, éditions desclée, Bibliothèque d'Histoire du christianisme, p. 75.
تقدر تزيد شوف بزاف د تّصاور و لمعلومات ديال Muhammad ف ويكيميديا كومنز. |