شمعون ليڤي

شمعون ليڤي
معلومات عامة
زيادة	1934 فاس
لموت	2 دجنبر 2011 (76/77 عام) الرباط
لجنسية	لمغريب
لحرفة	سياسي

شمعون ليڤي (بلأمازيغية: ⵛⵎⵄⵓⵏ ⵍⵉⴼⵉ - تولد ف 1934 ف فاس، مات نهار 2 دجنبر 2011 ف الرباط) كان كتاتبي و لساني و أنطروپولوجي و مناضل سياسي يهودي مغريبي. ليڤي كان من الشافات ديال لحزب الشيوعي لمغريبي، و كان هو لمؤسس ولمدير ديال لمؤسسة د لورت التقافي ليهودي لمغريبي، و لمدير ديال لمتحف ليهودي د الدار لبيضا. ليڤي معروف باللي كان من الناس اللي تيدافعو على النضال ديال الشعب د فلسطين، و على لقضية ديالهم.

ف لوقت د لإستعمار لفرانساوي للمغريب، ما بغاش شمعون ليڤي ياخد لجنسية د فرانسا (كانت فرانسا تاتعطيها نيشان لأي يهودي ف لمنطقة اللي كانت مستعمرة ف لمغريب لكبير)، و بقا عايش بلا وراق تا خدا لجنسية د لمغريب اللي تعطاتلو من مورا لقانون د لجنسية د 1958. حيت ما بغاش ياخد لجنسية ديالها، عاقباتو فرانسا و ماخلاتوش باقي يدخل للأراضي ديالها.

ليڤي كانت عندو تجربة تا ف الصحافة، كان هو الرايس ديال التحرير ديال لجرائد د "لا ناسيون" و "لجماهير" (ف 1958 و 1959)، و كان تيكتب تا ف لجريدة د لبيان، اللي كانت تابعة لحزب التقدم و لإشتراكية.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.