انتقل إلى المحتوى

محمد بن سعيد آيت إيدر

سمع (فيشي)
من ويكيپيديا
مراجعة 22:00، 13 مارس 2024 من DarijaBot (مداكرة | مساهمات) (إصلاح ديال طّاڭات د لعيون)
(فرق) → مراجعة قدم | المراجعة اللخرة (فرق) | مراجعة جدد ← (فرق)
محمد بن سعيد آيت إيدر
معلومات عامة
زيادة 1 يوليوز 1925
ماسة
لموت 6 فبراير 2024 (98 عام)
الرباط
لجنسية لمغريب
لحرفة سياسي
لّوغات لي كيعرف عربية، تاشلحيت و لفرانساوية
معلومات خرى
لحيزب حيزب شتيراكي موحد (2005–2024)
منظمة لعمل ديموقراطي شعبي (1983–2005)
تيحاد لوطني د لقوات شعبية (1959–1975)
حيزب ستيقلال (–1959)
لجوايز


محمد بن سعيد آيت إيدًر (تولد ف 1 يوليوز 1925 ف دوار تيمنصورت، شتوكة آيت باها، توفى ف 6 فبراير 2024 ف الرباط)[1] هو سياسي ومناضل مغريبي. تيتعتابر رمز من الرموز د ليسار د لمغريب.

حياتو

[بدل | بدل لكود]

تولد محمد بن سعيد آيت إيدر ف 1925 ف دوار تين منصور ف اشتوكة آيت باها فسوس. قرا ف اللول تما، ومن بعد مشا يكمل فمراكش، وتما فين تعرًف على النضال لوطني ضد ليستيعمار وتلاقا ناس بحال عبد الله براهيم و لمهدي بنبركة. ف 1951، شارك ف مظاهرة ضد لاستعمار وتسجن 3 شهور.[2]

بدا آيت إيدر لعمل لمسلًح ف لخمسينات، وهو من لمؤسسين د جيش التحرير. كان هو الشاف ديال جيش التحرير ف جنوب لمغريب، واللي بقا مكمًل واخا جا لاستقلال، اللي كان تيسمًيه آيت إيدر "استقلال ناقص". ف 1958 تحالفات الدولة مع فرانسا وصبانيا باش يحاربو جيش التحرير وهرًسوه ف واحد لعملية سمًاوها "عملية الشطابة - operation écouvillon".

من بعد ماتحل جيش التحرير، بقا ينسعيد تيعارض النظام، وتحكم عليه ب الإعدام ف 1963. قبل ما يتقبط هرب للجزائر، ومن بعد مشا ل فرانسا ودخل مع لمنظمة ديال 23 مارس.[3] رجع بنسعيد للمغرب فاللول د التمانينات و أسس لحزب د منظمة العمل الديموقراطي الشعبي ف 1983. ودخل ب لحزب ديالو ل لبرلمان من 1984 تال 2007.[4]

ف 2005، كان من لمؤسسين ديال لحزب ليشتيراكي لموحًد، اللي جمع بزاف د لأحزاب ليسارية الصغيرة ف لمغريب.

كتابو

[بدل | بدل لكود]

ف 2001، خرًج بنسعيد آيت إيدر كتاب سميتو صفحات من ملحمة جيش التحرير بالجنوب المغربي، اللي هضر فيه على التاريخ ديال جيش التحرير ف سوس ولجنوب د لمغريب.

جوايز و توشيحات

[بدل | بدل لكود]
  • 2015: وسام لعرش ب ڭراض د الحمالة الكبرى

عيون لكلام

[بدل | بدل لكود]
  1. ^ "رحيل المقاوم محمد بنسعيد أيت إيدر". 2024-02-06. تطّالع عليه ب تاريخ 2024-02-06.
  2. ^ "بنسعيد أيت ايدر - الرافض لدساتير الحسن الثاني ومحمد السادس". مأرشيڤي من لأصل ف 2020-08-15. تطّالع عليه ب تاريخ 2020-03-31.
  3. ^ "محمد بن سعيد آيت إيدر - الجزيرة (2015)". مأرشيڤي من لأصل ف 2022-07-09. تطّالع عليه ب تاريخ 2020-03-31.
  4. ^ "زعامات كاريزمية في المغرب - محمد بنسعيد أيت إيدر". مأرشيڤي من لأصل ف 2020-02-29. تطّالع عليه ب تاريخ 2020-03-31.
Wikimedia Commons تقدر تزيد شوف بزاف د تّصاور و لمعلومات ديال Mohamed Bensaid Aït Idder ف ويكيميديا كومنز.