انتقل إلى المحتوى

حتيجاجات د مهسا أميني

من ويكيپيديا
مراجعة 13:26، 22 أكتوبر 2023 من InternetArchiveBot (مداكرة | مساهمات) (Rescuing 5 sources and tagging 0 as dead.) #IABot (v2.0.9.5)
(فرق) → مراجعة قدم | المراجعة اللخرة (فرق) | مراجعة جدد ← (فرق)
حتيجاجات د مهسا أميني
حتيجاجات د مهسا أميني
معلومات أساسية
نوع د لمطايفة تظاهر، احتجاج و تمرد
لبلدان إيران
لموضع طهران، سنندج، زاهدان، كردستان، إيزه، مشهد، رشت، ساري، محافظة خوزستان، شيراز، كاراج، أراك و سيستان وبلوشستان
سبب موباشير لقتيلة د مهسا أميني
تاريخ د لبدية 17 شتنبر 2022
لأطراف لي مشاركة لمتضاهرين لإيرانيين و لحوكومة لإيرانية
عاداد ضّحايا 522



حتيجاجات د مهسا أميني هوما مجموعة د لإحتيجاجات لي بداو ف 17 شتنبر 2022 ف إيران،[1] بسباب لقتيلة د مهسا أميني، و لي باقين مستامرين تال دابا (أبريل 2023). مهسا أميني كانت بنت إيرانية شدّوها لبوليس د لأخلاق ف طهران، ب حجة بلي ماكانتش لابسة لحيجاب مزيان، و ماتت ف ضروف مشكوك فيها. على حساب شهود عيان، لبوليس ضربوها و ردخو ليها راسها، و ماتت موراها ف السبيطار.

لحتيجاجات بداو ف مدينتها لأصلية ساڭيز، و ف طهران، و نتاشرو من تماك ف مناطق خرين. و شاركو فيها بزاف د التلامد و الطلابا الجامعيين.

لحوكومة لإيرانية ستاجبات ل هاد لحتيجاجات ب لقمع و حبس لمتضاهرين، و بزاف منهوم ماتو ؤلا تّعتاقلو. شي وحدين من لمعتاقلين تّحكم عليهوم ب لإعدام. لكونيكسيون ل لأنتيرنيت ف إيران تاهيّا تّحبسات ؤلا ضعافت ف شي فترات، غالباً باش التصاور و لڤيديوات د لقمع مايخرجوش ل برا.

لمرشد لأعلى آية الله علي خامنائي ڭال بلي هادو ماشي لحتيجاجات، مي "حرب" دارتها مؤامرة برانية من بلدان معادية ل إيران.

على حساب لمونضامة اللاحوكومية حقوق لإنسان د إيران Iran Human Rights، ف 2022، 582 حكم ب لإعدام تنفّدو ف لمجموع ف إيران، لي كاتمتل زيادة ب 75% على 2021. التقرير ديالها كيڭول بلي السلطات لإيرانية كاتحاول ب هادشي باش تخلع لمتضاهرين.[2][3]

بزاف د لحوكومات و لمونضامات ندّدو ب لإستيجابة لقمعية ديال السلطات د إيران.

الضحايا

[بدل | بدل لكود]
  • مضاهرات: 1678 (تال اللخر د دجنبر 2022)[4]
  • قتلى: 522 واحد،[5] منهوم 64 د لأطفال
  • معتاقلين: 19262
  • محكومين ب لإعدام: 110، منهوم 4 تنفّد فيهوم لحكم

عيون لكلام

[بدل | بدل لكود]
  1. ^ "Iran Protests Timeline: How Death of Mahsa Amini Caused Shockwaves". 2022-12-04. مأرشيڤي من لأصل ف 2023-10-07. تطّالع عليه ب تاريخ 2023-04-21.
  2. ^ "ANNUAL REPORT ON THE DEATH PENALTY IN IRAN 2022" (PDF). مأرشيڤي (PDF) من لأصل ف 2023-06-03. تطّالع عليه ب تاريخ 2023-04-22.
  3. ^ "Iran executions up 75% as Tehran seeks to 'instill fear' in protesters, rights groups say". 2023-04-14. مأرشيڤي من لأصل ف 2023-09-01. تطّالع عليه ب تاريخ 2023-04-22.
  4. ^ "Anti-Government Demonstrations in Iran A Long-Term Challenge for the Islamic Republic". 2023-04-12. مأرشيڤي من لأصل ف 2023-09-21. تطّالع عليه ب تاريخ 2023-04-22.
  5. ^ "At least 522 Have Died in Iran Protests, Human Rights Report Says". 2023-01-15. مأرشيڤي من لأصل ف 2023-10-09. تطّالع عليه ب تاريخ 2023-04-21.
هادي زريعة ديال مقالة خاصها تّوسع. تقدر تشارك ف لكتبة ديالها.