ڭواطيمالا

من ويكيپيديا
اذهب إلى التنقل اذهب إلى البحث
ڭواطيمالا
Flag of Guatemala.svg Coat of arms of Guatemala.svg
نشيد النشيد لوطني د ڭواطيمالا
لعاصيمة ڭواطيمالا سيتي
الساكينة
شحال دالسكان 17,263,239 (2018)
اللوغات الرسمية صبليونية
متوسط ديال لعمر 73.409 (2016)
لجغرافيا
لميساحة 108,889 كم²
لقمة لعالية بركان طاخومواكو و طاكانا (4,220 م)
لبلاصة الطايحة لبحر د لكاريبي (0 م)
لإدارة
رئيس غواتيمالا ترجم أليخاندرو ڭياماتي
رئيس غواتيمالا ترجم أليخاندرو ڭياماتي
لبرلمان لكونڭريس د ڭواطيمالا
لقتيصاد
الناتيج الداخلي لكامل 75,620,095,537.501 $ (2017)
الناتيج الداخلي لكامل للواحد 4,470 $ (2017)
لبيطالة (شوماج) 3 % (2014)
مؤشر التنمية لبشرية 0.627 (2014)
لفلوس كيطزال
معلومات خرا
توقيت ديال لبلاد ڭرينيتش -6
رمز لبلاد GT
رمز لانترنيت ‎.gt‎
رمز التيليفون +502
نيميرويات دليرجونس 123، 128، 110 و 120
الجهة دالصوگان ليمن
السيت الرسمي www.guatemala.gob.gt/

ڭواطيمالاالصبليونية: República de Guatemala) هي بلاد ف أمريكا لوسطانية. تاتحدّها لمكسيك من الشمال و لغرب، لمحيط لهادي من لجنوب لغربي، بيليز من لجنوب الشرقي، لبحر د لكاريبي و هوندوراس من الشرق، و الصالڤادور من لجنوب الشرقي. ڭواطيمالا هي لبلاد اللي فيها أكبر عدد د السكان ف أمريكا لوسطانية.

قبل ما يدخلو لأوروپيين للمنطقة اللي فيها دابا ڭواطيمالا، كانو السكان تابعين للحضارة ديال لمايا. ف لقرن 16 ستعمرات صبانيا لمنطقة، و بقات حاكماها تال 1821، اللي هو لعام اللي ستاقلات فيه و كانت طرف من لجمهورية لفيديريالية د أمريكا لوسطانية، اللي تفككّات ف 1841 و خرجات منها لجمهورية د ڭواطيمالا.

فاللخر د لقرن 20 (من 1960 تال 1996)، وقعات حرب أهلية ف ڭواطيمالا بقات 36 عام، و تدخلات لأمم لمتحدة باش تحبسها تا سيناو ڭاع لأطراف اتفاقية د السلام بيناتهم.

تيسكنو ف ڭواطيمالا شويا كتر من 17 لمليون د الناس، و لعاصمة ديالها و أكبر مدينة فيها هي ڭواطيمالا سيتي. اللغة الرسمية ف لبلاد هي الصبليونية، و أكتر دين كيتبّعوه الناس هو لمسيحية (88% د الناس مسيحيين). لفلوس ديال ڭواطيمالا هوما ل كيتزال.

تقافة[بدل | بدل لكود]

لموسيقا[بدل | بدل لكود]

لموسيقا لڭواطيمالية فيها بزاف ديال شكال وستيلات. تغيير جتيماعي فڭواطيمالا تقوى ب لموسيقا، بحال نويبا كانسيون، لي كاتجمع بين لقيصات لقدام ولمشاكل ديال دابا، ولقيم سياسية وحتا نضال ديال ناس لعاديين. شعب ديال لمايا كان عندو معا تقافة ديال لموسيقا، كيما باين فرموز ديالهم.[1][2] ڭواطيمالا كانت وحدا من لبلايص لولا ف لعالم جديد لي دخلات ليها لموسيقا لؤروپية، من 1524. بزاف ديال لملحنين من ستيلات مختالفة ديال لموسيقا بحال نهضة، باروك، رومانسية، ولمعاصرة شاركو فبزاف ديال لأعمال. لماريمبا، لي كيشبه لكزيلوفون ب لخشب،[3] هي لألة ديال لبلاد ولموسيقا ديالو كاينة فڭواطيمالا كاملة[4]، وطورات ريپيرطوار كبير د لأغاني لي ولات شعبية لكتر من قرن.

لا هيسطوريا خينيرال دي ڭواطيمالا نشرات واحد سيري ديال سيديات جامعين تاريخ لموسيقا فڭواطيمالا، لي فيه ڭاع ستيلات، من لفترات ديال لمايا، ستيعمار، ستيقلال ولجمهورية حتال دابا. بزاف ديال لڭروپات لمعاصرة فڭواطيمالا كيلعبو لموسيقا لكاريبية، صالصا، لپونطا د ڭاريفونا، لاتين پوپ، لموسيقات د لمكسيك، ولمارياتشي.

لمصادر[بدل | بدل لكود]

  1. Bethany Kay Duke (2014). "Palatial soundscapes : music in Maya court societies". University of Texas (بنڭليزية).
  2. "Mayan instrument iconography". International Repertory of Music Literature (بنڭليزية). 2013-10-13.
  3. Vivien Schweitzer (2008-06-29). "The Marimba, Rich and Warm, Makes Itself Heard". The New York Times (بنڭليزية).
  4. Saeed Saeed (2018-03-22). "Also performing at Festival in the Park". The National (بنڭليزية).
Wikimedia Commons تقدر تزيد شوف بزاف د صور و معلومات ديال Guatemala ف ويكيميديا كومنز.