ݣابرييل بن سمحون
ݣابرييل بن سمحون
| ||
| معلومات عامة | ||
| زيادة | 3 ماي 1938 صفرو | |
| لموت | 11 يوليوز 2024 (86 عام) Zichron Yaakov | |
| لجنسية | إسرائيل لمغريب | |
| لحرفة | كاتب | |
| لّوغات لي كيعرف | لعبرية | |
| سّيت رّسمي | https://gabrielbensimhon.com/ | |
| لجوايز | ||
  | ||
ݣابرييل ؤلا جبريل بن سمحون (مزيود ف 3 ماي 1938 ف صفرو، توفى ف 11 يوليوز 2024) هوّا أكاديمي ؤ مونتيج د لأفلام ؤ كاتب روائي ؤ مسراحي إسرائيلي من أصل مغريبي.[1] بن سمحون هاجر معا فاميلتو ل إسرائيل فاش كان عندو 9 سنين. بعض لأعمال لأدابية ؤ لمسراحية ديالو فيها تأتير ديال تّقافة لمغريبية، ؤ كيهضر فيها على لهجرة د ليهود لمغاربا ل إسرائيل.[2]
جدّ ݣابرييل بن سمحون، رافاييل يعقوب بنسمحون، كان حاخام ؤ دايان (قاضي يهودي) ف فاس ؤ ألف كتوبا على لقانون ليهودي.[3][4] بّاه داود بنسمحون كان خدّام نجّار، ؤ مّو رينا بنسمحون ألّفات كتاب على لكوزينة لمغريبية. لفاميلة هاجرات ل إسرائيل ف 1947 حارݣين، ؤ لباطو ديالهوم تشد من طاراف سّلطات لبريطانية ؤ بقاو مدة ف قبرص. موراها تسيفط جبريل بن سمحون على عمر د 10 سنين معا خوه صّغير ل إسرائيل، ؤ بقاو ف مؤسسة خاصة ب لأطفال حتا لتاحقو بيهوم واليديهوم. بّاه شارك ف لحرب د إسرائيل ف 1948، ؤ موراها ستاقرو ف مدينة حيفا.[4] كاينين بزاف د لأفراد ديال فاميلة بنسمحون لي باقين مدفونين ف لمقبارة ليهودية د فاس.[5]
من 1956 تال 1962 كان دار سّربيس لإجباري د لعسكر.[1]
بن سمحون دار لأداب ؤ دّراسات تّوراتية ف لجامعة لعبرية د لقدس، ؤ مشا موراها ل سوربون ف فرانسا فين خدا دوكتورا ف لمسرح ؤ صيناعة د لأفلام. كان ؤستاد ف شّعبة د لأفلام ؤ تّلفازة ؤ فنون لمسرح ف جامعة تل أبيب تال 2006. ؤ ؤستاد زاير ف عاداد د لجامعات ف لميريكان، بحال جامعة نيويورك، جامعة كاليفورنيا لوس أنجيليس، ؤ جامعة كورنيل.[2]
لباحت لمغريبي لعياشي لعدراوي طرجم جوج أعمال ديالو ل لعربية، ؤ علن بلي ف طور طرجامة واحد منهوم، "ماليك مغريبي"، ل دّاريجة.[6]
ݣابرييل بن سمحون مجوج ؤ عندو تلاتة د لولاد.[1]
- מלך מרוקאי: דרמה קבלית בשלוש מערכות [ماليك مغريبي: مسراحية من تلاتة د لݣزوات] (ب العبرية). 1980.
- ملِكٌ مغربي (ب العربية). Translated by لعياشي لعدراوي. 2021. p. 117. ASIN B094NF629F.
- פנטזיה מרוקאית [فانطازيا مغريبية] (ب العبرية). 2009.
- נערה בחולצה כחולה [لبنت مولات لّبسة زّرقا] (ب العبرية). 2013.
- המרוקאי האחרון [لمغريبي لّخر] (ب العبرية). 2016.
- المغربي الأخير: رواية (ب العربية). Translated by لعياشي لعدراوي. 2020. p. 249. ASIN B08R8RL262.
- כל אהבותי [ݣاع لحب ديالي] (ب العبرية). 2022. p. 215. ISBN 979-8411134667.
- A Woman with Three Breasts - Women in the Cinema of Federico Fellini (ب الإنجليزية). 2017. ISBN 978-1520861005.
- 1 2 3 "Prof. Gabriel Ben-Simhon Emeritus" (ب الإنجليزية). Archived from the original on 27 أكتوبر 2013.
- 1 2 "ݣابرييل بن سمحون" (ب الإنجليزية). Archived from the original on 2023-03-31. Retrieved 2022-01-22.
- ↑ "הרב רפאל יעקב בן סמחון" (PDF) (ب العبرية). Archived (PDF) from the original on 2023-06-19. Retrieved 2022-01-22.
- 1 2 "ביוגרפיה" (ب العبرية).
- ↑ "Cimetière Israelite de Fes" (ب الفرنسية). Archived from the original on 2023-06-05. Retrieved 2022-01-22.
- ↑ "لأول مرة… "ملك مغربي" مسرحية عبرية بالدارجة" (ب العربية). 24 غشت 2021. Archived from the original on 2022-01-24. Retrieved 2022-01-22.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |