ڤيوند
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
ڤيوند
| ||
 | ||
| معلومات أساسية | ||
| نوع د لمؤسسة | بيزنيس، شركة برمجيات و شركة خاصة | |
| لبلاد | لولايات لمتاحدة د أمريكا | |
| لموضع | سان ماتيو | |
| تاريخ د تّأسيس | 1 نونبر 2007 | |
| سّيت رّسمي | vyond.com | |
ڤيوند (بلينݣليزية: Vyond)، اللي كانت معروفة قبل بـ ݣوأنيميت (بلينݣليزية: Go!Animate)، هي شركة ميريكانية خاصة ديال لبرمجيات، لمقر ديالها كاين ف سان ماتيو، كاليفورنيا. تأسسات ف 2007 على يد ألفين هونغ، وكتعطي منصة رقمية باش يتصاوبو فيديوهات د الرسوم لمتحركة موجّهة خصوصاً للشركات ولمقاولات. من بين لأدوات ديالها صانع فيديوهات بالذكاء الاصطناعي سميتو "ڤيوند ݣو"، وبرنامج لصناعة الروسوم لمتحركة سميتو "ڤيوند ستوديو"[1].
تأسسات ݣوأنيميت ف 2007 كشركة ديال برامج الرسوم لمتحركة، وخرجات أول نسخة من لمنصة ديالها ف النص د 2008.
ف ماي 2009، خرج برنامج "دوموأنيميت" اللي كان كيخلي لمستعملين يصاوبو فيديوهات مبنية على شخصية كرتونية سميتها "دومو"، وتشد هاد لبرنامج ف شتنبر 2014.
ف 2011، ولات ݣوأنيميت من الشركاء لمؤسسين لواحد لمجموعة د لأدوات لصناع لمحتوى، وهادشي خلى الناس يعرفوها كتر. ف ذاك لعام، تحل مكتب للشركة ف سان فرانسيسكو، وخرجات نسخة مدرسية فيها خصائص ديال لآمان والخصوصية على ود التلامذ.
ف 2012، خرج أول "قالب" موجّه للشركات، ومن بعد خرجات خطط ديال لشتيراك للمحترفين بجودة عالية وبلا لعلامة لمائية، وهادشي ساعد باش تزيد تنتشر لمنصة.
ف 2013، فات عدد لفيديوهات اللي تصاوبو ف لمنصة عشرة د لمليون، وتبدل الشعار ولقالب د لموقع.
ف 2015، تبدلات التكنولوجيا د الرسوم لمتحركة باش تولي خدامة مزيان ف لآجهزة د التيليفون، وتمسحو بزاف د لستيلات لقدام اللي مابقاوش كيتماشاو مع التطور الجديد.
ف ماي 2018، تبدلات لسمية من ݣوأنيميت لـ ڤيوند، وبقات لشركة لمطورة هي نيتها.
ف 2023، علنات لشركة على أداة جديدة خدامة بالذكاء الاصطناعي كتقاد فيديوهات بوحدها غير من النص اللي كيكتبو لمستعمل.
ڤيوند كتعطي مكتبة كبيرة فيها آلاف لحوايج لمتحركة بحال الشخصيات، لحركات، لقوالب، لإكسسوارات، لموسيقى، و لمؤثرات الصوتية. لمستعملين يقدروا يخدمو بنظام "جُرّ و لوح" باش يصاوبو فيديو بسهولة بلا ما يحتاجو لخبرة كبيرة ف الرسم.
يقدر لواحد يسجل صوتو نيشان ف لمنصة ولا يحط ملفات صوتية واجدة، والشخصيات كيحركو فمهم بوحدهم مع الهضرة. لفيديو اللخر يقدر يتشارجي ب بزاف د لأنواع.
ڤيوند كتستعمل بزاف ف التسويق، التكوين لمهني، و التعليم. كاينين حتى معجبين كيخدمو بيها باش يديرو فيديوهات مضحكة وسلسلات د الرسوم ف لآنترنيت.
حتى ل مارس 2024، وصل عدد الزبناء لأكتر من 20 ألف شركة، منها شركات عالمية كبار. ف شروط ليستيعمال ديال لمنصة، كاين منع واضح للتحرش ولا أي سلوك عدواني بين لمستعملين.
- ↑ "Vyond Appoints SaaS Industry Veteran Scott Ernst as Chief Executive Officer". Vyond. May 29, 2026. Retrieved 2026-08-04.
 هادي زريعة ديال مقالة خاصها تّوسع. تقدر تشارك ف لكتبة ديالها. |