سمع لهاد لمقال

پيپا پيگ

من ويكيپيديا
اذهب إلى التنقل اذهب إلى البحث
سمع لهاد لمقال
Spoken Wikipedia icon
هاد لؤديو مخدوم من واحد نوسخة د لمقال "پيپا پيگ" بتاريخ 2020-08-23، وماداخلش فيه تبديلات لي جاو من بعد.

پيپا پيگ Peppa Pig ولا پيپا Peppa، مسلسل تلفازي بريطاني ديال رّوسوم داروه نيفيل آستلي و مارك بيكير و نتجاتو شركة إنترتينمنت وان. لإنتاج ديالو بدا ف 2004 و بقا 6 د لمواسم تال 2011.

ف لمجموع فيه 420 حلقة كل وحدة فيها ما بين 10 د دّقايق و ربع ساعة.

لمسلسل كايدور على واحد لعائلة د لحلالف عندهوم بنيتة "پيپا " و ووليد، خوها الصغير "جورج" ف عالم بسيط و ملون بزاف شخصيات ديالو كاملين حيوانات. هاد رّوسوم موجه ل لوليدات صّغار باش يتعلمو لهدرة و لكلمات و كيفاش يتعاملو مع ناس، و ب دّات ف صّواب و كيفاش يتعاونو بيناتهوم. لحوار و لكلام د لمسلسل فيه لمعاودة ب زّايد ديال لهدرة باش يستافدو تا لوليدات لّي عندهوم موشكيل باش يتعلمو.[1][2]

شّخصيات[بدل | بدل لكود]

  • Peppa Pig and George in Peppa Pig World at Paultons Park.jpg
    پيپا پيگ: شّخصية لّولة د لمسلسل و هي بنيتة حليليفة، عندها 4 سنين، عزيز عليها ضّحك و تقشاب و أعز حاجة عندها هي تنقز ف لگلاتي د لغيس. عندها نونوس صغير ديالها سميتو تيدي. پيپا عزيز عليها خوها صّغير و كاتعاونو باش يفهم لحياة و كاتعلمو بزاف ديال لحوايج و تّويشيات ديال لّعب.
  • جورج پيگ: خو پيپا صّغير، عندو عاماين، و ديما هاز معاه لّعبة لمفضلة ديالو، واحد دّيناصور مسميه "السي الديناصور". كايبكي بزاف و عندو واحد لبكية دايرة بحال شي خصّة ديال الدموع، كابكي فاش كايخاف من شي حاجة ولا فاش كاتشد فيه ختو و كاتبرزطو.
  • ماما پيگ: هي لأم ديال پيپا و جورج و كاتخدم من دّار ف لپيسي ديالها و كاتخدم تا متطوعة ف لبومبية ديال لمدينة فين عايشين.
  • بابا پيگ: باين پيپا و جورج لّي كايخدم مهندس معماري.

مصادر[بدل | بدل لكود]

  1. سّيت د لمسلسل
  2. صّفحة د لمسلسل ف IMDB
Wikimedia Commons تقدر تزيد شوف بزاف د صور و معلومات ديال Peppa Pig ف ويكيميديا كومنز.