پينتشو
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
پينتشو
| ||
| ||
| معلومات عامة | ||
| نوع د لماكلة | Skewer | |
| كوزينة | مطبخ باسكي و مطبخ إسباني | |
پينتشو (لي كاتعني حرفياً "عود" ولّا "شوكة"، ب لباسكية pintxo، ب لأستورية pinchu) هوّ واحد لماكلة خفيفة لي كاتكال سيرتو ف لبيران، و كاتّعتابر ماكلة تقليدية ف شمال سپانيا، و عندها شعبية كبيرة سيرتو ف بلاد لباسك، ناڤار، لا ريوخا، كانطابريا و أستورياس. لپينتشو كيتكال عادةً معا الصحاب ولّا لعائلة، داكشي علاش عندو دلالة جتيماعية قوية، و ف بلاد لباسك و ناڤار، كيتّعتابر من الركايز ديال التقافة و لمجتمع لمحلي. لپينتشو عندو علاقة معا الطاپاس، و لفرق لأساسي بيناتهم هوّ بلي لپينتشو كيكون فيه عود بحال ديال التسواك د السنان معا طرف د لخبز. لپينتشو كيتسيرڤا ب پورسيو فردية و كيتكومونضا و كيتخلّص بشكل مستاقل على الشراب. ولايني يقدرو يكونو حالات لي نفس لپرودوي كيتباع ف موضع ب سمية "پينتشو" و ف موضع خور ب سمية "طاپاس".
لپينتشو خدا سميتو من لعود (ب الصبليونية pincho)،[1] لي كيصلاح عادةً ل تسواك السنان، ولّا شي مرات سفود، لي كيكون مخشي فيه. ماخاصش لواحد يخلّطهم معا بروشيطاس (ب الصبليونية brochetas) لي ف أمريكا اللاتينية كيسميوهم پينتشو (شوف پينتشيطو ف لكوزينة الصبليونية، لي داير بحال لقطبان ولّا لكباب).
لپينتشو واحد لماكلة خفيفة و منتاشرة ف بلاد لباسك و ناڤار، و كاتكون على شكل شريحة د لخبز، محطوط فوق منها خيلوطة ديال لماكلة متبّتة ف بلاصتها ب عود. لپينتشو كيتّعتابر من لمقبلات، و يقدر يتكال معا كاس صغير ديال النبيد لبيض (لي كايتسمى تشاكولي، ب لباسكية ) ولّا معا لبيرة. ف لعادة كيتسيرڤا لپينتشو ف صينية عند لبار.
الدور ديال لعود هوّ باش لماكلة ماتطيحش من فوق لخبز، و يقدر يتخدم حتى ف لحساب ديال شحال كلا لكليان. شي مرات، پينتشوات ب نواع مختالفين كيكونو عندهم عواد ب أحجام و لوان مختالفين.
تقريبا أي نوع د لماكلة يقدر يتدار ف لپينتشو، ولايني لي منتاشرين بزاف هوما نواع د لحوت، طورتية ديال لبطاطا، لفلفلة لمعمّرة و لكروكيط. لپينتشوات يقدرو يكونو مفركسين ب ماكلات موجّدين مزيان و شي مرات غاليين ديال لحوت، لماكلة د لبحر و اللحم.
لپينتشو شي مرات كيتخدّم بحال عدر باش لواحد يدوّز لوقت معا الصحاب و لحباب. متلاً واحد لمجموعة د الصحاب يقدرو يدوزو من بار ل بار و هوما كيشربو كيسان صغار ديال النبيد ولّا لبيرة، و كيقسّيو ف پيتنشوات.
- ^ Teresa Barrenechea؛ Mary Goodbody (3 دجنبر 2005)، The Basque Table: Passionate Home Cooking from Spain's Most Celebrated Cuisine، Houghton Mifflin Harcourt، ردمك 978-1-55832-523-4