پرينڭلز
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
پرينڭلز
| ||
 | ||
| معلومات أساسية | ||
| نوع د لمؤسسة | ماركة تجارية و ماركة ديال ماكلة | |
| لبلاد | الولايات المتاحدة د ميريكان | |
| لموضع | الولايات المتاحدة د ميريكان | |
| تاريخ د تّأسيس | 1968 | |
| سّيت رّسمي | pringles.com | |
| معلومات إضافية | ||
| تسمّات على | Pringle Drive | |
 | ||
پرينڭلز (النڭليزية: Pringles) هي ماركة ميريكانية ديال الشيپس (وريقات د لبطاطا) المقرمشة اللي كتجي فـ قرعة د الدجاج أولا بواطة أسطوانية. هاد الماركة مشهورة فـ العالم كامل ب الشكل د الشيپس ديالها و دوك لبواطات اللي كيحميوها باش ما تهرّسش. پرينڭلز تبدات فـ الولايات المتاحدة د ميريكان فـ 1968 على يد شركة پروكتر و ڭامبل، و دابا ولات تابعة ل شركة مارس.
ف 2011، كانت پرينڭلز موجودة ف 140 بلاد.[1]
فـ 1956، شركة پروكتر و ڭامبل طلبات من واحد الشىيميست سميتو فريدريك ج. بور باش يختارع شيپس جديدة ما تتهرسش وما يكونش عامر ب الهوا وسط الخنشة. بور صاوب هاد الشيپس بواحد الشكل تسطاري معروف ب سمية "الپارابولويد الفرعي"، و ختار ليها بواطة أسطوانية باش تحميها. من بعد، جى باحث آخر من نفس الشركة سميتو ألكسندر ليپا و حسّن المذاق ديالها و نجح فـ هاد التعديلات.
هاد الشيپس خرجات للبيع لمرة اللولة فـ ولاية إنديانا فـ 1968، و من بعد بدات كتنتاشر شوي ب شوي فـ باقي الولايات د ميريكان، و فـ 1991 ولات كاتباع حتى فـ بلدان خرين د العالم. ف اللول كانت سميتها "Pringle's Newfangled Potato Chips"، ولكن من بعد بدلو ليها السمية لـ "Potato Crisps" بسباب القوانين ديال الماكلة فـ لميريكان.
پرينڭلز فيها تقريبا 42٪ د البطاطا، و الباقي كيكون نشا د القمح، الدرة، و الروز، مخلطين مع زيوت نباتية، الملحة، العطرية و مستحلبات. بعض النكهات كيزيدو فيها مكونات أخرى بحال الفرماج، لاكريم، التوابل، و نكهات طبيعية و صناعية.
پرينڭلز كتجي بزاف د النكهات و المذاقات: كاين العادي (الأصلي)، الملحة و الخل، الفرماج، لاكريم و البصلة، الباربكيو، الرانش، و الحار. و كاينين نكهات كتخرج غير فـ مواسم محددة بحال الكيتشاپ، الحامض، و العطرية د الشيلي. و كاينين نكهات كتكون غير فـ بلدان معينة، بحال الوازابي فـ بريطانيا أولا الكروڤيت المشوي فـ آسيا.
پرينڭلز معروفة ب الشعار ديالها ب النڭليزية: "Once you pop, the fun don't stop" (يعني غير تحلها، النشاط ما يوقفش). الإشهارات ديالها فـ التلفازة الجورنالات كتركّز ديما على لبواطة الأسطوانية اللي كتحمي الشيپس و كتخليهم مستفين و مقادين و مكيتهرسوش.
اللوڭو د الشركة فيه واحد الشخصية كرتونية ب راس كبير و موسطاش طويل، سميتها جوليوس پرينڭلز (Julius Pringles) أولا مستر پي (Mr. P). هاد الشخصية تبدلات و بسطوها مع الوقت باش تولي عصرية و تعرف بيها الماركة دغيا.
حتى لـ 2015، كانو خمسة د لوزينات كبار فين كتصاوب پرينڭلز فـ العالم: جاكسون (تينيسي فـ ميريكان)، ميشلين (بلجيكا)، جوهور (ماليزيا)، كوتنو (پولونيا)، و فوجيان (الشينوا).
الحصة الواحدة (لي فيها تقريبا 15 حبة د الشيپس العادي) كتعطي 150 كالوري (سعرة حرارية)، 2.5 ڭرام د الدهون المشبعة، 150 ملڭ د الصوديوم، 110 ملڭ د الپوطاسيوم و 1 ڭرام د الپروتين.
- ↑ Chapman, Michelle (6 April 2011). "Pringles sold to growing empire". The Sun News. Associated Press. Retrieved 6 April 2011.
{{cite news}}: CS1 maint: url-status (link)
 |
ويكيميديا كومنز عندا تصاور و معلومات على پرينڭلز. |