پارك دي پرانس
پارك دي پرانس
| ||
 | ||
| الرياضة | كورة و إتحاد الريڭبي | |
| لمدينة | الدائرة السادسة عشرة في باريس | |
| شحال كيهز | 47,930 | |
| تحل فـ | 8 يوليوز 1967 | |
| بشحال تبنى | 150,000,000 | |
| لمهندس(ين) | Simon Boussiron | |
| لمالك | بلدية باريس | |
| لفراقي | پاري سان جيرمان | |
پارك دي پرانس (ب لفرانساوية: Parc des Princes) هو تيران ديال لكورة ف لمدينة ديال پاري ف فرانسا. هوّ التيران الرسمي ديال فرقة پاري سان جيرمان (PSG)، و كاين ف الجهة لغربية ديال پاري ف بلاصة سميتها "پور دو سان كلو" (Porte de Saint-Cloud). سميتو "پارك دي پرانس" كاتعني "الجردة ديال لأمراء"، و هاد السمعة عطاها ليه حيت كان ف لبلاصة فين كانو لأمراء ديال فرانسا كايتنزهو ف لقرون لقديمة.
هاد التيران تبنى ف اللول ف 1897، ولكن التيران لي كاين دابا هو لي تجدد و تفتح ف 1972. كيهز علاين 48 ألف مشجع، و كايتعتابر من بين أجمل التيرانات ف أوروپا بسباب التصميم ديالو. و هو .أقدم تيران ف پاري.[1]
پارك دي پرانس عندو قدرة إستيعابية ديال 47.929 مشجع. التصميم ديالو مستطيل و كلشي فيه مصفوف ب شكل بيضاوي، و السقف ديالو مغطي جميع لمدرجات باش الجمهور يكون محمي من الشتا. لمدرجات فيهوم تلاتة ديال الدرجات، و أقرب مشجع بعيد غير ب 6 ميترو على التيران.
پارك دي پرانس ماكانش ف اللول ديال پاري سان جيرمان. ف لبدية ديال لقرن لعشرين، كان كايتستعمل ف بزاف د لرياضات، بحال المسابقات د لپيكالات (طور د فرانسا كان كايدوز من تماك)، الريڭبي، و حتى لأتليتيزم.
ف 1972، تهدم التيران لقديم و تبنى اللي كاين دابا. ف اللول، فراقي خرين هوما لي كانو كيلعبو فيه، بحال "ريدا سطار" و "پاري إف سي".
ف 1974، پاري سان جيرمان قرر يولي هو لممول الرسمي ديال هاد التيران. من ديك الساعة، هاد التيران عاش معا لفرقة لحظات مهمين ديال التاريخ ديالها: لبطولات، لكؤوس، و الليالي لأوروپية.
ف كاس لعالم 1998 لي نضّماتو فرانسا، پارك دي پرانس كان من بين التيرانات لي ستقبلو لميطشان. لمنتخبات ديال لارجونتين، هولاندا، و كرواتيا لعباو فيه.
ف 2024-2025، بزاف د لأخبار تخرجو على بلي پاري سان جيرمان باغي يخرج من هاد التيران. لفرقة بغات توسعو ل 60 ألف مشجع، ولكن لبلدية ديال پاري ماموافقاتش على هاد لمشروع. [مصدر؟]
- ↑ "Le passé de 3 stades parisiens". France Bleu. 28 November 2018. Retrieved 5 August 2025.