ويكيپيديا:مقالة كاملة
المقالة الكاملة هيّ مقالة لي فيها جميع العناصر الأساسية لي كاتخلّي المحتوى ديالها باين و ساهل ف الفهامة، و المقالة براسها مربوطة مزيان معا باقي المقالات و ساهلة باش تّلقى.
العناصر ديال المقالة الكاملة:
- عندها عنوان مناسب لي كيعبّر على الموضوع مزيان.
- فيها فقرة ديال التقديم لي عادةً كاتبدا ب لعنوان ديال المقال مكتوب ب خط غليض، و كاتلخص داكشي لي كاين ف المقال (كون على بال بلي بزاف د الناس ماكيقراوش المقال كامل، غير البدية ديالو).
- فيها ليانات دخلانية كايدّيو ل مقالات خرين ديال ويكيپيديا ب الداريجة.
- فيها مقاطع فرعيين ب عناوين (ترويسات) على كلا فكرة عامة متعلّقة ب الموضوع (متلا: الأصل ديال السمية، التاريخ، الوصف و التخدام، النتائج...)
- فيها مصادر ف السطورا، و فقرة لي كاتجمع دوك المصادر تحت.
- فيها موضيلات ديال الفوتر ولّا التحت د المقال، بحال {{ضبط مخازني}} ولّا الصنادق د التسركيل ولّا {{بانضة د لقيساريات}}
- فيها تصنيفات.
- فيها موضيلات لي كيدّيو ل مشاريع د ويكيميديا بحال كومنز، يلا كانو متوفّرين.
- فيها تصاور متعلّقين ب الموضوع.
- فيها صندوق د المعلومات ولّا شي موضيل بحالو يلا كان متوفّر و ضروري.
- مربوطة ب لوغات خرين يلا كانو.
عناصر و شروط خرين
[بدل لكود]- المقالة الكاملة كاتكون على موضوع عندو ملحوظية.
- المقالة الكاملة كاتكون مكتوبة مزيان ب أسلوب واضح و مفهوم ب الداريجة المغريبية. يلا كانت شي كلمة، تعبير ولّا طريقة د الكتابة مامفهوميش عند كولشي، خاصهم يتشرحو، إما ب ليان دخلاني لي كيدّي ل مقالة خرة كاتشرح المفهوم، ولّا نويطة ف اللخر ديال المقال.
- المقالة الكاملة كاتكون مكتوبة ب أسلوب حيادي و مافيهاش بحت ب ميكتو.
- خاص يكونو ليانات دخلانيين ف مقالات خرين لي كايدّيو ل ديك المقالة باش ماتكونش معزولة.
- يقدرو يتزادو فقرات ف التحت د المقالة، بحال: "لمزاود" ولّا "لبيبليوڭرافيا" لي كيكونو فيها ليانات برانيين ل كتوبا ولّا مقالات ولّا سيتات د الويب متعلّقين ب الموضوع؛ ولّا "شوف تا" ولّا "شوف حتى" لي فيها ليستة د المقالات عندهم موضوع متعلّق و يقدر الواحد يبغي يقراهم.