ويكيپيديا:مشروع المؤسسات الصحية المغربية 2026
من 1 مارس تال 31 دجنبر 2026
تعرّف على المشروع
مشروع المؤسسات الصحية المغربية 2026 هو مشروع تطوعي فويكيبيديا، الهدف ديالو هو نطورو ونغنيو المحتوى اللي كيهضر على المؤسسات الصحية فالمغرب بحال الصبيطارات، المراكز الاستشفائية، المصحات، المعاهد الصحية أو شخصيات ف مجال صحة د لمغريب. المشروع غادي يبدا من 1 مارس 2026 حتى 31 دجنبر 2026، والمشاركة مفتوحة لݣاع اللي باغيين يساهمو فالمعرفة الحرة.
شروط المشاركة
- خاص المشارك يكون عندو كونط فويكيبيديا.
- المشاركة تطوعية ومفتوحة لݣاع المستخدمين.
- يمكنلك تختار لمقالة اللي بغيتي ؤ كتب سميت لخدايمي ديالك بلاصت متال لي حدا لمقالة.
- ممكن تحجز حتى 4 مقالات كحد أقصى.
- إلا دازت 72 ساعة وما تبداش الخدمة على المقالة، كيتلغى الحجز ديالها.
شروط المقالات
- لهدف ديال المُسابقة هو إغناء لمحتوى لمغريبي على موسوعة ويكيپيديا ب الداريجة، سوا من ناحية لكتابة د لمقالات، ولا تطوير لمقالات لي ديجا موجودة. و هدشي غيكون بالكتابة ديال المقالة بليعتيماد على مصادر برانيين ؤلا بالترجمة ديال مقالات ويكيپيديا من اللغات لخرين، و خاص المقالة تكون فيها ڭاع الشروط ديال لمقالة لموسوعية.
- خاص المقالة تحقق شرط لملحوضية.
- أقل حجم مقبول هو 4000 بايت من محتوى مزيان.
- خاصك تراعي لداكشي للي غدي تزيد فالمقالة باش مايكونش غير حشو و صافي، بحال تزيد موضيلات خاويين ولا تعاود تكتب الجُمل بطريقتك ولا تزيد شي حوايج غير باش يتزاد حجم لمقالة.
- خاص لمقالة تكون فيها جميع لعناصر ديال لمقالة بحال التصانيف اللي خصها تكون مناسبة للمقالة، و لمصادر و الليانات الدخلانية و صندوق لمعلومات و التصاور (يلا كانت ضرورية) و ڭاع داكشي لي تيدخل فتنسيق لويكي.
- الترجمة مقبولة، ولكن ما تكونش ترجمة آلية ضعيفة.
معايير التقييم
- واش المقالة مكتملة وكتحترم الشروط.
- حجم المحتوى (4000 بايت على الأقل).
- جودة المصادر والتنظيم.
- أي مقالة كتستوفي الشروط كتعتبر مشاركة ناجحة.
- الهدف هو الجودة والفائدة، ماشي التنقيط ولا التنافس.
نتائج المشروع
- توثيق المقالات اللي تكملات خلال المشروع.
- الاعتراف بالمساهمين فالمشروع.
- إعداد لائحة نهائية بالمقالات المكتملة.
- نشر إحصائيات على إنجازات المشروع.
أهمية المشروع
- إغناء لمحتوى لمغريبي على موسوعة ويكيپيديا ب الداريجة.
- التعريف بالمؤسسات الصحية المغربية.
- تشجيع العمل التطوعي فالمعرفة الحرة.
تّعرّف على لمونضيم
مجموعة لخدايميا د ويكيميديا فلمغريب عتارفات بيها لجنة الجهات الشقيقة ديال مؤسسة ويكيميديا ف 6 أكتوبر 2015، بعد ما تأسسات المجموعة باش تمثل ويكيميديا فلمغريب. مجموعة لخدايميا د ويكيميديا فلمغريب كاتعاون بلأنشطة ديالها فنشر و تحسين لمعرفة و الثقافة الحرة، خاصة لمعرفة باللغات لي تايهضرو بيها لمغاربة على لمحتوى لمغربي. لهدف ديال لمجموعة هو توفير لمعاونة للمشاريع ديال ويكيميديا لي متعلقة بشكل مباشر ولا ماشي مباشر بلمغريب. و لويكيميديين لمغاربة لي تايساهمو فيها، و تاطمح باش تولي فلمستقبال لقريب فصل معتارف بيه من عند مؤسسة ويكيميديا فلمغريب.
