ويكيپيديا:مسابقة الربيع د ؤروپا لوسطانية و الشرقية 2025
مسابقة الربيع د ؤروپا لوسطانية و الشرقية CEE Spring هيّ حدث عالمي كينظموه الويكيپيديين ديال ؤروپا لوسطانية و الشرقية، لي كايركز على المصاوبة و التطوير ديال المقالات على مواضيع متعلقين ب البلدان ديال هاد المنطقة، ف ويكيپيديات ب اللوغات المحلية ديالها. الحدث كيقبل المشاركة ديال بلدان خرين، لي منها المغريب ف النسخة د هاد العام.
الحدث هاد العام غادي يتنظم ف ويكيپيديا ب الدارجة و الأمازيغية على شكل مسابقة مابين 21 مارس و 31 ماي 2025. ف هاد المدة غادي يكتبو المشاركين ف المسابقة على المواضيع ديال بلدان مشاركة، لي منها بلدان ؤروپا لوسطانية و الشرقية، زيادة على البلدان المستضافة (من غير المغريب). ب نفس الشكل، المشاركين ب لوغات خرين غادي يكتبو ب لوغاتهم على المغريب و باقي البلدان من غير البلاد ديالهم. هادشي كيسمح ب إغناء و تنويع المحتوى المعرفي ديال ويكيپيديا.
من بعد ما تّسالى المسابقة غادي تراجع لجنة التحكيم المقالات لي تصاوبو و تنقّطها على حساب المحتوى و الجودة، على حساب الشروط و القواعد. من بعد الإعلان على الفائزين، غادي يتم التواصل معاهم باش تتصيفط ليهم تهنئة، و يتسلّمو الجوائز ديالهم.
كيفاش تشارك(ي)
- صاوب(ي) كونط ف ويكيپيديا يلا ماعندكش ديجا: https://w.wiki/A$Fc
- زيد(ي) سميتك username ف الطابلو لي كاين ف هاد الصفحة (كاين ڤيديو تماك كيشرح يلا ماعرفتيش كيفاش): https://w.wiki/DTqS
- دخل(ي) للصفحة د المواضيع ديال شي بلاد ف هاد الصفحة ولّا مجتمع لوغاوي (من غير المغريب)، و ختار(ي) أي مقال و كتب(ي) عليه ولّا طرجمو/طرجميه يلا كان متوفّر ب لوغة لي كاتعرف(ي) ليها https://w.wiki/DeCs
- باش تصاوب(ي) مقال نيشان، دخّل(ي) العنوان ديال الموضوع ف الصندوق د التقلاب الفوق، و كليكي على الليان الحمر لي غادي يطلع ليك و بدا(ي) تكتب(ي). تقدر(ي) تشوف(ي) الشكل د المقالات كيفاش كيخص يكونو عادةً ف هاد الصفحة https://w.wiki/DeCt
- يلا كاتفضل(ي) تطرجم(ي)، شوف(ي) التول ديال الطرجامة. كليكي على "ترجمة جديدة"، ختار(ي) اللوغات منين (متلا نڭليزية)، و دخّل(ي) تماك السمية ديال الموضوع لي بغيتي تطرجم(ي) https://ary.wikipedia.org/w/index.php?title=Special:ContentTranslation
- كانّصحك باش تقرا(ي) الصفحة ديال الشروط و القواعد باش تكون عندك فكرة واضحة على المسابقة من البدية، و راه فيها تا ليانات ديال صفاحي ديال المعاونة كيشرحو شي مسائل تقنية و إدارية https://w.wiki/DXST
- يلا لقيتي صعوبة تقنية ف شي حاجة، دخل(ي) للصفحة ديال المداكرة ديال شي واحد ف لجنة التنظيم ولّا التحكيم، زيد(ي) موضوع جديد و طرح(ي) السؤال ديالك تماك.
لجنة التنظيم
- Ideophagous (مداكرة | مساهمات)