انتقل إلى المحتوى

ويكيپيديا:مجموعة لخدايميا ويكيميديا لمغريب

سمع (فيشي)
من ويكيپيديا
ويكيميديا لمغريب
مجموعة مستخدمي ويكيميديا
بدية6 أكتوبر 2015 بدل
لمؤسسأناس السدراتي، رضا بنخضرة بدل
بلادلمغريب بدل
البريد الإلكترونيmailto:wikimaug@gmail.com، mailto:contact@wikimorocco.org بدل
السيت الرسميhttps://meta.wikimedia.org/wiki/Wikimedia_MA_User_Group بدل

الشعار د ويكيميديا لمغريب.

أعضاء ويكيميديا لمغريب ف حدث نظموه ف لمحمدية ف 2019.

أعضاء ويكيميديا لمغريب ف لمؤتمر ديالهم ف إفران ف 2023.

مجموعة لخدايميا ويكيميديا لمغريب ولاً ويكيميديا لمغريب هي مجموعة د الناس اللي تاتشجع وتعاون التخدام د مشاريع ويكيميديا فلمغريب. لمجموعة رسمية وتاتعتارف بيها لمؤسسة د ويكيميديا فميريكان, اللي هي لمؤسسة اللي تاتسيًر لمشاريع د ويكيميديا كاملة.

تأسسات ويكيميديا لمغريب نهار 6 أكتوبر 2015, وأسسوها رضا بنخضرة واسماعيل زنيبر وأناس السدراتي. لهدف د لمجموعة هو لمعاونة د ݣاع لمشاريع د ويكيميديا اللي هي إما كاينا فلمغريب ولاً عندها علاقة بلمغريب بشكل مباشر ولاً لا. بحال دابا, بزاف د لأعضاء د ويكيميديا لمغريب هوما من الناس اللي تيكتبو فويكيپيديا بالدارجة وتيطوروها باش تكبر.

الرئيس د ويكيميديا لمغريب د دابا هو رضا بنخضرة.

لأهداف

[بدل لكود]

لهدف لأساسي د ويكيميديا لمغريب هو تساهم فالتنقيح و التحسين و الدعم د لمعرفة والثقافة لحرًة.[1] هادشي تادًيرو بالتطوير د لوسائط لمعرفية خصوصا أي محتويات اللي مصايبة باللغات اللي كاتًهضر فلمغريب بحال الدارجة ولأمازيغية ولعربية ولفرانساوية ولينݣليزية والصبليونية على حساب لحاجة ولمواضيع.

لأنشطة

[بدل لكود]

تاتنظم ويكيميديا لمغريب بزاف د لأنشطة فإطار لأهداف ديالها, منها أنشطة تاتعاود, وأنشطة اللي كانت غي فوقت واحد.

أنشطة اللي دازت

[بدل لكود]

نظمات ويكيميديا لمغريب عدد د لأنشطة اللي كانت فوقت واحد وحضروليها بزاف د الناس. هاد لأنشطة هي:

  • 2 صالونات ستراتيجية - (2019 - لمحمدية / 2020 - الرباط) عطاو فيه لمشاركين الرأي ديالهم على ستراتيجية ويكيميديا 2030.
  • مؤتمر ويكي عربية 2019 (مراكش) - اللي هو أكبر مؤتمر د ويكيميديا فلمنطقة د شمال إفريقيا والشرق لأوسط وجمع كتر من 80 واحد مهتمين بوكيميديا ولمشاريع ديالها فلمنطقة كاملة.

أنشطة تاتًعاود

[بدل لكود]

تاتنظم ويكيميديا لمغريب بزاف د لأنشطة اللي تاتًعاود, يعني را تدارت وغادي تعاود تًدار. منها:

  • إديتاثون وورشات - لمعاونة د لويكيپيديين الجداد باش يتعلمو يكتبو فويكيپيديا.[2]
  • اجتماعات - للناس اللي تيكتبو فويكيپيديا فلمغريب باش يتلاقاو بيناتهم ويتبادلو لأفكار.
  • مسابقات د التحرير - باش يشجعو الناس يكتبو فويكيپيديا وباش يشجعو يجيو ناس جداد.
  • رحلات التصوير والمسابقات - باش يتشجعو الناس يديرو تصاورهم الحرة كتر فمشاريع ويكيميديا.
  • ويكي ݣاپ (بشراكة مع السفارة د السويد) - فمارس من كل عام تيتجمعو عدد من الناس وتيكتبو فويكيپيديا على عيالات مغريبيات.

لمشاريع

[بدل لكود]

ويكيميديا لمغرب مكلفة ببزاف د لمشاريع اللي عندها علاقة بلبلاد, إما أونلاين ولاُ فلحقيقة, بحال:

التقارير

[بدل لكود]

ويكيميديا لمغريب تادّير بزاف د لخدمة كل عام، و تاتخرّج تقرير عمومي يقدر يقراه أي واحد. هادو هوما التقارير اللي خرجاتهم لمجموعة من نهار بدات.

شوف تا

[بدل لكود]

مصادر

[بدل لكود]
  1. ↑ ""ويكيبيديا" تعدّ مغاربة لتحسين المحتوى الرقميّ الخاص بالمملكة - هسبريس (2016)". Archived from the original on 2020-07-20. Retrieved 2020-05-15.
  2. ↑ "ويكيبيديا تحل بالمغرب - ورشة حول الكتابة في الموسوعة العالمية - الأحداث المغربية (2016)". Archived from the original on 2023-06-09. Retrieved 2020-05-15.
  3. ↑ "أكبر مسابقة تصوير في العالم تحل بالمغرب لتوثيق المعالم التاريخية للمملكة - كاب 24 (2019)". Archived from the original on 2023-06-09. Retrieved 2020-05-15.
  4. ↑ "ويكي تهوى إفريقيا - مسابقة تصوير عالمية تفتح باب المشاركة أمام المغاربة - المنصة (2020)". Archived from the original on 2021-10-07. Retrieved 2020-05-15.
Wikimedia Commons ويكيميديا كومنز عندا تصاور و معلومات على مجموعة لخدايميا ويكيميديا لمغريب.
مرجّعة من "https://ary.wikipedia.org/w/index.php?title=ويكيپيديا:مجموعة_لخدايميا_ويكيميديا_لمغريب&oldid=588078"