ويكيپيديا:لحكام د لمحتوى - اللوغة

من ويكيپيديا
هادي صفحة ديال لْحكام د لموسوعة. هاد صّفحة محمية و مايمكنش يبدل فيها غير مستخدم أمغار.

يلا بغيتي تقتارح شي تبديل ف لْحكام ديال لّوغة، حلّ شي حلقة د نّيقاش ف لبرلمان ، ف ميزان لكلام ولا حلّ شي حلقة ف صّفحة د إمغارن.

روابط نقاشات المصادقة: 1 -

لحْكام لكبار

طريقة لبني ديال لّوغة

  • جّماعة د ويكيپيديا ب الدّاريجة هي لّي كاتبني لقواعد ديال لكتبة د لّوغة د لموسوعة ب شكل تعاوني و تجريبي Empirique.
  • السّاس د لقواعد د لكتابة هو لمحتوى لّي كايتبنا ف ويكيپيديا ب الدّاريجة.
  • ما يمكنش يتّفرضو على لمساهمين ف لموسوعة شي قواعد د لكتابة جايين من برّا لموسوعة.
  • لموسوعة ف لبدية ديالها كاتعطي ل أي عضو لحرّية باش يكتب ب الدّاريجا لّي كاتريّحو و لّي موالف كايستعمل.
  • لعملية ديال تّثبيت د لقواعد كاتدوز من نقاشات محددة (و ماشي عامّة) ف صّفحة د ميزان لكلام: أيّ قاعيدة تّافقات عليها جّماعة كاتّقيد ف صّفحة د لحكام و كاتولّي إلزامية على لمحرّرين.
  • إمغارن د لموسوعة لازم عليهوم يسيّرو نّيقاشات د ميزان لكلام و يديرولهوم خلاصات باينة.
  • ف لبني د كلمات جداد، و ب دّات ف لمواضيع لعيلمية ولا ب نّسبة ل لمفاهيم لمجرّدة (لّي يمكن ما يكونش عندها كلمتها ف الدّاريجا) ، لمحرّرين خاصّهوم يحاولو على قدر جهدهوم باش يديروه مع جّماعة د ويكيپيديا ب الدّاريجة.
    • كل كلمة جديدة بناتها جّماعة خاصّها تتقيد ف ويكيقاموس ب الدّاريجة.

صّواب ف لّوغة

  • ب صفة عامّة أي موساهيم عندو لحرّية باش يستعمل أي كلمة ب الدّاريجا ف لمقالات.
  • ويكيپيديا ب الدّاريجة مشروع ديال موسوعة و صعيب يتقال فيه أن شي كلمة "خاسرة" ولا "حشومة" ولا "ما يمكنش تّقال".
  • خاص يعرف هاداك اللي تيكتب مقالة يختار كلمة على حساب السياق اللي تيكتب فيه و لموضوع. شي مرات تقدر تكون لكلمة صالحة تكون ف ويكي قاموس كتر من ويكيبيديا بحال دابا.
  • واخّا هاكاك، أي محرّر شاف أن شي كلمة ولا أسلوب تّستعملو ف لمقالات يمكن يكونو ماشي مقبولين يمكن ليه يقتارح حكام محدّدين لديك لكلمة و يطرحهوم ل نّيقاش ف ميزان لكلام.

كيفاش كاتطبّق لحكام د لّوغة عمليا

لموضوع/لموشكيل شكون يقدر يطرحو كيفاش شكون كاينسّقها فين كايدّار لقرار
خاصّ تتحطّ قاعدة د لّوغة أي محرر ف لموسوعة، ب شرط يكون فايت 50 تبديل، و عندو 10 د التبديلات ف 6 شهور اللخرة خاصّ تتحلّ حلقة نيقاش ف ميزان لكلام و تقرّر واش تقبل لقاعيدة ولا ترفضها، ويلا قبلاتها تحدّد واش لقاعيدة إلزامية ولا غير توجيهية. ضروري ينسّقها شي أمغار سوا كانت لقاعيدة مقبولة ولا مرفوضة، خاصّها تتحطّ ف كنّاش لقواعد. لقواعد لمرفوضة كاتّحطّ ف فقرة بوحدها ف لكنّاش.
خاصّنا نخلقو كلمة جديدة ما كايناش أي محرر ف لموسوعة، ب شرط يكون فايت 50 تبديل، و عندو 10 د التبديلات ف 6 شهور اللخرة خاصّ تتحلّ حلقة نيقاش ف ميزان لكلام و تحاول جّماعة توضع قتيراحات، يمكن ل جّماعة تقبل كتر من قتيراح واحد ل نفس لكلمة.

يمكن نفس لحلقة تبني بزّاف د لكلمات دقّة وحدة يلا كانو ف نفس لمجال، عندهوم جدر واحد ولا عندهوم بنية موحّدة.

ضروري ينسّقها شي أمغار لكلمات جّداد كايتقيدو ف كناش لكلمات جّداد على حساب لجدول د لكلمة.

لأمغار خاصّو ف تّنسيق ديالو يتأكّد أن لحقول د لجدول كاملين تناقشو ف لحلقة و تّافقات عليهوم جّماعة.

شي كلمة خالقة موشكيل ديال صّواب ف لهدرة أي محرر ف لموسوعة، ب شرط يكون فايت 50 تبديل، و عندو 10 د التبديلات ف 6 شهور اللخرة خاصّ تتحلّ حلقة نيقاش ف ميزان لكلام و تكون متعلّقة غير ب كلمة وحدة (ماشي نيقاشات مترّعة). لّي طرح لموشكيل خاصّو يشرح مزيان ف شمن مستوى لكلمة خالقة مشاكيل و يعطي أمتيلة من لموسوعة.

لقْواعد لمطلقة (يعني يتشكّا شي واحد من شي كلمة ما مستعملها حدّ ف لموسوعة) ما مقبولاش ف هاد لباب.

ضروري ينسّقها شي أمغار على حساب شنو قرّرات حلقة نّيقاش.

زوم على لقضية د تّنسيق

تّنسيق كايعني أن لأمغار خاصّو يتأكّد أن لموضوع محدّد مزيان (ماشي مترّع و فضفاض)، يسيّر نّيقاش تّا يحصل لإيجماع، يدير لخلاصة و صيغة لقاعيدة ولا لكلمة جّديدة و يحطّها ف كنّاش لقواعْد ولا كناش لكلمات جّداد. لأمغار خاصّو يحرص على أنّ رّاي نّيهائي خاصّ يساهمو فيه محرّرين كايكتبو بزّاف ف لموسوعة و يخلّي لّي ما كايكتبوش بزّاف تاهوما يعبّرو على رّاي ديالهوم.

زوم على جدول لكلمات جّداد

لكلمة تعريف مختاصر لمقابلات ديالها (عربية - فرنسية - إنجليزية) تأثيل - إيتيمولوجي

(و معاه لّيان د حلقة نّيقاش)

نّوع ديالها

سمية - فيعل - مصدر

مرادفات ديالها تفاصيل لغوية

(جنس - لجمع ديالها)

دّخلة ديالها ف ويكيقاموس
قنالة قناة كتدوّز لما قنال - canal - channel تدريج ديال canal، ديجا معربة علا شكل قنال، مي جاني حسن ندرّجوها ل قنالة ماشي قنال سمية نتوية - جمع: قنالات Wt/ary/قنالة
ضومين 1- بلاصة مكانية ؤلا مجازية فين كتطرا ؤلا تقدر تطرا شي حاجة ؤلا ف لملكية ديال شي حد .. 2- مجال ديال لخدمة ؤلا تّخصوص .. 3- (بيولوجيا) مجال عام ديال لحياة كيمتل لختيلافات علا مستوى لبنية د لخلية. كاينين تلاتة ديال ضّومينات د لحياة: أركيا، بكتيريا ؤ أوكاريا .. 4- (أنترنيت) بلاصة ڤيرتوالية ف لأنترنيت كيكون عندها ستيقلالية ؤ سلطة داتية علا راسها، ؤ كتكون معلّمة ب سميّة د ضّومين مجال/نطاق - domaine - domain تدريج ديال domaine، خديت لكلمة باش تبقا قريبة ل نّڭليزية ب عتيبار لستيعمال ديالها ف صّيونص سمية مجال (2) دكرية - جمع: ضومينات Wt/ary/ضومين
فيلوم تقسيم بيولوجي طاكسونومي علا حساب لأصل تّطوري ديال لكائنات ؤلا لبنية ديالها (ف لحالة د لكائنات لقديمة لّي ماعندناش لحمض نّووي ديالها). شعبة - Embranchement - phylum تدريج ديال phylum، خديت لكلمة باش تبقا قريبة ل نّڭليزية ب عتيبار لستيعمال ديالها ف صّيونص سمية دكرية - جمع: فيلومات Wt/ary/فيلوم
كلاص 1- قاعة ؤلا صال ف لمدراسة فين كيقراو تّلامد .. 2- لموضع فين جا شي واحد ؤلا جات شي حاجة ب لمقارنة معا شي وحدين ؤلا شي حوايج خرين، روتبة .. 3- (بيولوجيا) تقسيم طاكسونومي عندو علاقة معا مستوى تّعقيد ؤ لأعضاء دّخلانية د لكسدة د لكائن طائفة - classe - class تدريج ديال class، خديت لكلمة باش تبقا قريبة ل نّڭليزية ب عتيبار لستيعمال ديالها ف صّيونص سمية نتوية - جمع: كلاصات Wt/ary/كلاص
تنضيمة (صيونص) تقسيم بيولوجي طاكسونومي كيجمع فاميلات د لكائنات عندها خاصيات متشابهة رتبة - ordre - order خديتها من نيضام، تنضيم سمية نتوية - جمع: تنضيمات Wt/ary/تنضيمة
تنيضيمة (بيولوجيا) تقسيم ديال لكائنات تحت من تّنضيمة، كيتستعمل عادة يلا كان عدد لفاميلات كبير باش يزيد يسهل تّمييز بيناتها رتيبة - sous-ordre - suborder تصغير ديال تنضيمة سمية نتوية - جمع: تنيضيمات Wt/ary/تنيضيمة
تقسيمة (بيولوجيا) هوّا ݣروپ مونوفيلي كيجمع فاميلات ؤلا نواع عندها نفس لجد تّطوري فرع حيوي - clade- clade جبتها من تقسيم سمية نتوية - جمع: تقسيمات Wt/ary/تقسيمة
قلدة ف الصيونص و الطيكنولوجيا بِنية - structure مخدمة بشكل متداول ب معنى قريب، متلا "الشكل" ؤلا "لفورما" سمية نتوية - جمع: قلدات


  • لكلمة: ب شّكل لمفرد ديالها بلا تعريف، ب لّيان ديالها يلا كانت لمقالة ديالها كاينة.
  • تعريف: يكون مختاصر بزّاف.
  • لمقابلات ديالها: باش يسهال تتّفهم ب زّربة، (حبّدا يتزادو ليانات د لمقالات ديالهوم).
  • إيتيمولوجي: لأصل د كيفاش تّبنات لكلمة و تمّا يتزاد لّيان د حلقة نّيقاش لّي خرجات منّها لكلمة.
  • نّوع ديالها: يعني واش سمية ولا فيعل ولا مصدر (نواع خرين يمكن يتزادو على حساب لحاجة و لغرق د تّفاصيل لّي بغينا).
  • مرادفات ديالها: كلمات خرين (يلا كانو) ب دّاريجة كايعنيو نفس لحاجة. هنا خاصّ لأمغار أن دوك لمرادفات تّاهوما كاينين دّخلات ديالهوم ف ويكيقاموس.
  • تّفاصيل لّغوية: يعني واش كلمة دكر ولا نتوة، كيفاش كايكون لجمع ديالها و كيفاش شكل د لكتبة ديالها يمكن يتحول (ف نّيسبة متلا).
  • دّخلة ديالها ف ويكيقاموس: لّيان د صّفحة ديالها ف ويكيقاموس (على قدر لإمكان).

مؤشرات تّتبع د لْحكام

لمؤشر لقيمة تاريخ
عدد لقواعْد لّي مقيّدين ف كنّاش لقْواعد 5 7 غشت 2022‏
عدد لموساهيمين لّي شاركو ف لحلاقي د نّيقاش د لقواعْد (معدّل) 6.8 7 غشت 2022‏
عدد لكلمات لّي مقيّدين ف كنّاش لكلمات جّداد 8 15 يوليوز 2023
عدد لموساهيمين لّي شاركو ف لحلاقي د نّيقاش على لكلمات جّداد 0 11 أكتوبر 2020
عدد لحلاقي د نّيقاش لّي تدارو على مشاكيل صّواب ف لهدرة 0 11 أكتوبر 2020
عدد لموساهيمين لّي شاركو ف لحلاقي د نّيقاش على مشاكيل صّواب ف لهدرة 0 11 أكتوبر 2020

صفحات مرتابطة