وورد پريس
وورد پريس
| ||
 | ||
| معلومات أساسية | ||
| نوع د لمؤسسة | نظام إدارة المحتوى | |
| تاريخ د تّأسيس | 27 ماي 2003 | |
| سّيت رّسمي | wordpress.org | |
 | ||
وورد پريس (نّݣليزية: WordPress) هو واحد النظام ديال إدارة المحتوى (سي إم إس Content Management System) و منصة د لمصاوبة ديال المواقع و المدونات على الأنترنيت. تأسس فـ 27 ماي 2003 من عند مات مولينوويڭ و مايك ليتل، و المقرّ الرئيسي ديالو كاين ف سان فرانسيسكو، كاليفورنيا.
وورد پريس بدا أداة باش يقدر أي واحد ينشر المدونات، ولكن دابا توسع و ولى كيقدر يدعم نشر جميع نواع المحتوى على الويب، بحال المواقع التقليدية، المنتديات، المعارض الرقمية، مواقع العضوية، منصات التعلام، و المتاجر الإلكترونية. المنصة مفتوحة المصدر و فابور، و كاتستعمل فـ كثر من 60% ديال المواقع اللي معروفة بلي كاتستعمل CMS، و 22% من أعلى مليون موقع عالمي ف دجنبر 2024.[1]
وورد پريس مكتوب ب لونڭاج PHP و كايستعمل قاعدة بيانات MySQL أولا MariaDB. عندها نظام القوالب (Themes) و الإضافات (Plugins) باش توسع الوظائف ديال الموقع بلا ما يبدل الخدايمي الكود الأساسي. من 2018، وورد پريس فيها محرر جديد مبني على البلوكات blocks، سميتو "ڭوتنبرڭ" Gutenberg.
باش يتخدّم وورد پريس، خاصو يتأنسطالا على سيرڤور ويب، سوا مستاضف عند مزود خدمة أولا على جهاز شخصي. كاين نسخة مستاضفة على WordPress.com و نسخة قابلة للأنسطالاج على السيرڤورات الخاصة. وورد پريس كتدعم تعدد لخدايميا و المدونات المتعددة من نفس لأنسطالاج، و كاتّيح تخصيص واسع للقوالب و الإضافات على حساب الحاجة ديال الخدايمي.[2]
وورد پريس عندها مجتمع كبير ديال المطورين و لخدايميا، و كتنظم مؤتمرات محلية و عالمية سميتها "WordCamp"، باش يتلاقاو فيها لخدايميا و المطورين و يتشاركو الأفكار و الخبرات.[3]
- ↑ "About WordPress". WordPress (ب الإنجليزية). Retrieved 2026-01-23.
- ↑ "WordPress Multisite". WordPress (ب الإنجليزية). Retrieved 2026-01-23.[ليان مهرس ديما]
- ↑ "WordCamps". WordPress (ب الإنجليزية). Retrieved 2026-01-23.
 |
ويكيميديا كومنز عندا تصاور و معلومات على وورد پريس. |