انتقل إلى المحتوى

واساخ:مار شربل

من ويكيپيديا
لقديس مار شربل
تمثال د مار شربل وبشير الجميل ف ساحة ساسين ف لبنان.

مار شربل (تزاد باسم يوسف أنطون مخلوف؛ 8 ماي 1828 – 24 دجنبر 1898) هو قديس وراهب وكاهن لبناني كينتمي للرهبانية اللبنانية المارونية.[1][2][3] ف حياتو، تشهر بزاف ب لخصايل د الصلاح والقداسة ديالو، وكان معروف بقدرتو على توحيد وجمع لقلوب بين لمسيحيين، لمسلمين، والدروز.[4] وكان عضو ف الرهبانية لبلدية.

معروف عند لمسيحيين اللبنانيين بلقب "راهب لعجايب اللبناني" بسب لقصص د الشفاء والاستجابة للصلوات لي كاتوقع عند لقبر ديالو ف دير مار مارون ف منطقة عنايا ف لبنان.[5] أعلن البابا بولس السادس ليتوبى (الطوباوية) ديالو ف عام 1965، ومن بعد رجع قديس (التقديس) ف عام 1977.[6] لكنيسة اللاتينية كاتحتفل ب لعيد ديالو نهار 24 يوليو، ف الوقت لي لكنيسة المارونية كاتحتفل بيه ف الأحد الثالث من شهر يوليو. وتصاوبات مدالية خاصة ب لقديس شربل تكريماً ليه.


حياته

[بدل لكود]

الصغر ديالو

[بدل لكود]

تزاد يوسف أنطون مخلوف ف 8 ماي 1828 ف قرية بقاع كفرا لجبلية (لي كاتعتابر أعلى قرية ف لبنان)، وكان هو الصغير بين خوتو لخمسة ف عائلة درويشة ومتدينة. باه، أنطون زعرور مخلوف، كان كايخدم فالنقل على ضهر جمال، وتوفى ف غشت عام 1831 وهو راجع من السخرة (لعمل لإجباري) لي فرضها عليه لجيش لعثماني، وخلا مرتو بريجيت أرملة بوحدها كاتقابل لولاد الصغار. من بعد، تزوجات لأم ديالو من راجل تقي و متدين رجع من بعد هو لكاهن ديال جماعة فلقرية.[7]

كبر يوسف فهاد الدار لمتدينة، وبدا من صغرو كيميل لقصص لقديسين ولحياة التعبد ولاعتزال (الرهبنة) لي كانوا عايشينها جوج من خوالو. فاش كان صغير، كانت لمهنة ديالو هي السرحة فلبلاد، وكان كايدي لكسيبة لواحد لمغارة قريبة، تما فين دار واحد لبلاصة صغيرة وحط لأيقونة ديال لعدراء مريم، وكان كايقضي نهارو كامل ف الصلاة والتأمل.[7]

الرهبنة

[بدل لكود]

في عام 1851، خلى مخلوف لعائلة ديالو وبدا تدريب الرهباني في الرهبانية اللبنانية لمارونية في دير سيدة ميفوق. ومن بعد انتقل لدير مار مارون في عنايا بواحد جبل قريب من بيروت. وتما لبس اللباس الرهباني واختار اسم "شربل" على اسم شهيد مسيحي من لقرن الثاني في أنطاكية. وقدم نذور ديالو الرهبانية اللخرة في 1 نوفمبر 1853.[7]

ملي كان راهب شاب، بدا كيوجد راسو للكهنوت ودراسة لفلسفة واللاهوت في دار القديسين كبريانوس وجستينا في كفيفان بقضاء لبترون. ومن بين لأساتذة ديالو كان "نعمة الله الحرديني" اللي حتى هو رجع قديس من بعد. وترسم حت هو كاهن من بعد ستة ديال سنين، نهار 23 يوليو 1859 في بكركي. ورجعوه من بعد لدار مار مارون فين عاش واحد لحياة صعيبة ديال التقشف.

لحياة ديال لاعتكاف

[بدل لكود]

في عام 1875، عطاه رئيس الدير لحق باش يعيش كـمعتكف في محبسة لقديسين بطرس وبولس، وهي كنيسة صغيرة تابعة للدير. دوز تما 23 عام اللي بقات من حياتو مع ناس خرين حتى توفى بسب سكتة دماغية نهار 24 دجنبر 1898.[8]

الوفاة ديالو

[بدل لكود]

تدفن مخلوف فدار مار مارون في نهار عيد لميلاد من داك لعام. وكاينين شي تقارير كتقول باللي وقتما كانوا هازين لجنازة ديالو، الجو كان صعيب بزاف والثلج والبرد عطلوا الناس اللي هازين النعش.

مات لأب شربل فليلة ديال عيد لميلاد؛ وكان الثلج كتير بزاف. نقلناه للدير نهار عيد لميلاد. قبل ما نحركوه، كان الثلج كيطيح بسرعة والضباب كحل بزاف. ولكن ملي هزيناه، غبر الضباب من السما وصفى لجو.

– جورج إيمانويل أبي ساسين، واحد من اللي هازين النعش[9]

التبجيل والتقديس

[بدل لكود]

بدات لقضية ديال دعوى لتطويب مخلوف رسميا ف 4 أبريل 1929، وتعطاه لقب "لخادم ديال الله". وف 5 دجنبر 1965، ترأس البابا بولس السادس لحفل د التطويب ديالو ف لخر ديال لمجمع لفاتيكاني الثاني. وقال البابا فلحقه: "ناسك من جبل لبنان تسجل ف لجريدة ديال الطوباويين... واحد لعضو جديد لمتميز ف القداسة الرهبانية لي غنى الشعب لمسيحي كامل ب لمثال والشفاعة ديالو... كايعلمنا ف عالم مبهور ب لفلوس والرفاهية، لقيمة لكبيرة تاع لفقر و باش يحرر الروح فطريقها عند الله".

وف 9 أكتوبر 1977، قال البابا بتقديس مخلوف كقديس رسمي للكنيسة ديال جماعة. و من داك لوقت، كتب لمطران فرانسيس زايك: "مار شربل كيتسمى أنطونيوس لكبير الثاني، ولعطر ديال لبنان، وأول معترف من الشرق كيترفع للمذابح على حساب لقوانين الجديدة ديال لكنيسة لكاثوليكية، ولفخر لكنيسة الأنطاكية لآرامية، ونموذج للقيم الروحية والتجديد. شربل بحال لأرزة ديال لبنان لي واقفا فصلاة أبدية فوق لجيل".[10][11]

بسباب لمكانة ديالو كقديس ماروني ودوك لخصايل لعالية ديالو، كيتعتابر لقديس شربل لقدوة لبزاف ديال لكاثوليك لموارنة ولكاثوليك ف كاع لكنائس لي تابعة للفاتيكان وروما.[12]

ف 28 أكتوبر 2017، تم واحد لافتتاح لمزار مخصص لمخلوف فكاتدرائية لقديس باتريك لشهورة فمدينة نيويورك.[13] وحضر لحفل ديال لِإفتتاح لبطريرك لماروني اللبناني بشارة بطرس الراعي وعطا لبركة ديالو، بحضور لكاردينال تيموثي دولان. هاد لمزار فيه لوحة ديال لفسيفساء تاع لقديس شربل مع رموز وطنية تاع لبنان بحال لأرزة و شي طراف من لِورت ديالو. وتبرع بهاد لمزار رئيس بنك SGBL أنطون صحناوي باسم والديه ماي ونبيل صحناوي.[14]

لأيام دبال لعيد

[بدل لكود]
  • الحد تالت من شهر سبعة – لاحتفال رئيسي عند لكنيسة لمارونية.[15]
  • 23 من شهر سبعة – لاحتفال رئيسي في لبنان.[16]
  • 24 من شهر سبعة – لعيد رئيسي فالتاريخ الروماني من لعام لكاثوليكي.[17]
  • 28 شهر سبعة – لاحتفال بيه في بولندا.
  • 24 من شهر 12 – ذكرى ديال لوفاة ديالو.

لعجائب

[بدل لكود]

من بين لعجائب لكثيرة لي منسوبة للقديس شربل، اختارت لكنيسة لكاثوليكية جوج معجزات باش تبت التطويب ديالو، ومعجزة ثالثة باش يرجع قديس رسمي:

  • شفاء لأخت ماري آبل قمري من راهبات القلوب الأقدس.
  • شفاء إسكندر نعيم عبيد من لمنطقة بعبدات.
  • شفاء رشيد سليم زعروب من لمنطقة علما الشعب.
  • شفاء مريم عواد من لمنطقة حمانا.[18]

بزاف د لعجائب لخرين تذكرات من بعد لوفاة ديالو. لمعروفة بزاف وحدة هي ديال "نهاد الشامي"، وهي واحد لمرا كان ف عمرها 55 عام فداك لوقت، لي برات من شلل نصفي. كاتوصف بلي فليلة 22 يناير 1993، حلمات بجوج رهبان مارونيين واقفين حدا فراشها؛ واحد حط يديه على عنقها ودار ليها عملية جراحية، وحيّد ليها لوجع، والتاني كان حاط وسادة ورا ضهرها. ملي فاقت، لقات جوج جروح فعنقها (واحد فكل جيهة)، وبرات بصح ورجعات كتمشى، وآمنات بلي لقديس شربل هو لي شفاها و عفاها . فليلة لي تابعة هادشي، حلمات عاوتاني ب لقديس شربل وقال ليها: "درت ليك لعملية باش الناس تشوف وترجع للإيمان. وكنطلب منك تزوري لمحبسة نهار 22 من كل شهر، وتحضري للقداس ديما". ومن داك لوقت، الناس كيتجمعوا نهار 22 من كل شهر باش يصليوا ويحضروا لقداس ف محبسة لقديس شربل ف عنايا.[19]

ف عام 1994، واحد لبناني ماروني سميتو ريمون نادر كان كايصلي ف لمحبسة فعنايا ووقعات ليه تجربة روحية غريبة؛ قال: "لقيت راسي فواحد عالم آخر... شفت واحد الضو عجيب وغريب ماشي بحال أي ضو شفتو ف حياتي؛ كان بحال بحر تاع الضو واصل من قنت لقنت ف لكون". ملي سالات هاد الرؤية، وكان خارج، حس بواحد لحرارة والماكلة فدراعو حدا التمثال د لقديس شربل. ملي طلع كمامو فالطوموبيل، لقى واحد طبعة ديال خمسة تاع الصباع مطبوعة بحال شي يد ملسقة بحمورية بحال إلى كواتها لعافية، وخا ماحس بوالو من غير السخونية.[20]

الدكتور نبيل حكيم، وهو طبيب تجميل من بيروت، فحص هاد لأثر وقال بلي هادي حروق من الدرجة الثالثة، وخا ماكانتش كتعطي لوجع لريمون، وهاد لأثر كيمشي وكيولي يرجع من بعد فأوقات لمحددة. وبسبب هاد التجربة، أسس ريمون 1995 فمجموعة صلاة سميتها "عائلة مار شربل" باش تنشر الروحانية ديال لقديس شربل فلعالم كامل

مراجع

[بدل لكود]
  1. ↑ Caine, Kenneth Winston; Kaufman, Brian Paul (19 May 2000). Prayer, Faith, and Healing (ب English). Rodale. p. 499. ISBN 9781579542658.{{cite book}}: CS1 maint: unrecognized language (link)
  2. ↑ Awad, Mansour (1990). Three Lights from the East: A Biographical Account of the Lives of Saint Sharbel Makhlouf, Father Nematallah Hardini, Blessed Rebecca Rafka Er-Ryies. Norman Ferris (private publication).
  3. ↑ "Order of Lebanese Maronite (Maronite Institute of Consecrated Life - Men) [Catholic-Hierarchy]". www.catholic-hierarchy.org.
  4. ↑ Beaurepaire, Pierre-Yves (2017). Religious Interactions in Europe and the Mediterranean World: Coexistence and Dialogue from the 12th to the 20th Centuries. Taylor & Francis. p. 9. ISBN 9781351722179.
  5. ↑ "Lebanese St. Charbel Makhlouf known for miraculous healings and uniting Christians and Muslims". Brockhaus, Hannah. Catholic News Agency. January 10, 2019.
  6. ↑ "Saint Sharbel Makhlouf", Franciscan Media
  7. 1 2 3 "Monastery of St. Maron "Saint Charbel"". {{cite web}}: |archive-url= requires |archive-date= (معاونة)
  8. ↑ Hovannisian, R & Sabagh, G.; 'Religion and culture in medieval Islam', Cambridge University Press, 1999, ردمك 978-0-521-62350-6 p113
  9. ↑ Awad, Mansour (1990). Three Lights from the East: A Biographical Account of the Lives of Saint Sharbel Makhlouf, Father Nematallah Hardini, Blessed Rebecca Rafka Er-Ryies. Norman Ferris (private publication).
  10. ↑ Faulk, E; '101 Questions and Answers on Eastern Catholic Churches', Paulist Press, March 1, 2007 ردمك 978-0-8091-4441-9 p67
  11. ↑ A Canonized Saint. Palgrave Macmillan. ISBN 978-1-137-03564-6.
  12. ↑ "Maronite History Project". Archived from the original on 2013-07-25. Retrieved 2026-05-18.
  13. ↑ "St. Charbel shrine revealed in prominent New York cathedral". The Daily Star.
  14. ↑ "Press Release - Dedication of the Chapel of Saint Sharbel". St. Patrick's Cathedral.
  15. ↑ "Saint Sharbel (Charbel) Makhluf - Feast Day - July 24". Catholic Daily Readings.
  16. ↑ "Zapis imienia "Szarbel" zgodnie z polską uproszczoną transkrypcją orientalistyczną". Maronicka Fundacja Misyjna.
  17. ↑ "St. Charbel Makhlouf". Catholic News Agency.
  18. ↑ Kastoun Collins - www.kastouncollins.com. "Saint Maron-Annaya monastery - Home Page". www.saintcharbel-annaya.com. Archived from the original on 2016-03-04. Retrieved 2026-05-18.
  19. ↑ Nohad El Shami, Marcharbel.com
  20. ↑ "Raymond Nader's Experience with Saint Sharbel". FAMILY OF ST. SHARBEL USA.

روابط خارجية

[بدل لكود]
مرجّعة من "https://ary.wikipedia.org/w/index.php?title=واساخ:مار_شربل&oldid=569645"