هباط د لقامار
لهباط د لقامار (ب النڭليزية Moon lander ؤلا lunar lander) هوّ واحد لمركابة فضائية لي مصاوبة باش تهبط فوق السطح د لقامار. ل حد عام 2023، لمودول د لقامار د أپولو هوّ لهباط د لقامار لوحيد لي تخدّم ف رحلة ديال بنادم للفضاء، و هبط 6 د لمرات مابين 1969 و 1972 ف لفترة ديال لپروڭرام د أپولو د لميريكان. عدد ديال لهباطات الروبوطية نزلات للسطح د لقامار، و شي وحدين منهم رجعو للأرض ب شانتيوات ديال لحجر و التراب لقاماري.
الديزاين ديال لهباط د لقامار كيعتامد على عدد د لعوامل لي كاتفرضها لحمولة، الشروط ديال الدفيع و التوجاد.[1] كاينين عوامل خرين بحال المتطلبات الطاقية، لمدة د لمهمة، النوع ديال لعمليات لي لهباط خاصو يدير فوق لقامار، و السيستيم ديال دعم لحياة يلا كانت الرحلة مأهولة. الجابدية ديال لقامار (عالية يلا تقارنات معا أي كويكب معروف، و نازلة على أي كوكب ف لمجموعة الشمسية)، و عدم وجود جوّ كيعنيو بلي لهبّاط مايقدرش يفراني بل خاصو يخدّم الدفيع لعكسي باش يهبط بشوية.
- ^ Mulqueen، John A. (1993). "Lunar Lander Stage Requirements Based on the Civil Needs Data Base" (PDF). NASA Marshall Space Flight Center. مأرشيڤي من لأصل (PDF) ف 2021-10-01.