لمداكرة د ويكيپيديا:لحكام د لمحتوى - معايير لجودة

محتويات الصفحة غير مدعومة بلغات أخرى.
من ويكيپيديا

لحجم لأقصى ل مقالة مقبولة[بدل لكود]

سلام أ دّراري @Anass Sedrati, Reda benkhadra, Omarboulma1926, Mico2022, و Iliass.Aymaz:. كانقتارح ب نّسبة ل طّاڭ د "مقالة مقبولة" باش نزيدو حتا كريطير ديال لحجم لأقصى (متلاً 15.000 بايت)، حيت ف مقال كتر من هاد لحجم، طّاڭ ماغاديش يكون عندو معنى كانضن. شنو بان ليكوم؟ ف هاد لحالة نيت لبوت يقدر يفرّق هاد طّاڭ، حيت شّروط ديالو ساهلين، ؤ ماغاديش يكونو لمقالات مابين 4000 ؤ 15.000 بايت، ؤ كيستاجبو ل لمعايير كاملين، كتار ل ديك دّرجة كانضن.--Ideophagous (مداكرة) 16:54، 26 أبريل 2022 (+00)[ردّ]

السلام السي منير. غي للتوضيح، واش إلا كانت صفحة كبر من 15.000 بايت، شنو غادي نديرو فيها؟ أيخص نيشان تدوز لمخيرة لا كانت مزيانة؟ (آه و متافق را مقالات قلال اللي كبار هاد الساعة) -- Anass Sedrati (مداكرة) 10:24، 27 أبريل 2022 (+00)[ردّ]
سلام خاي @Anass Sedrati:. كتر من داك لحجم لمقال مايتزاد فيه تا طاڭ، من غير يلا كان كيستاجب ل لمعايير ديال مقالة مزيانة ؤلا مخيّرة، حيت هادو أصلا قاسحين. غادي يخص بعدا تترشح لمقالة باش تكون مزيانة ؤلا مخيّرة، ؤ عاد نشوفو شنو نطوّرو فيها باش تولي كاتستاجب ل لمعايير.--Ideophagous (مداكرة) 11:02، 27 أبريل 2022 (+00)[ردّ]
شكرا السي منير. آه داكشي باين مزيان فهمت. وانا متافق على ديك لكريطير ديال لحجم لأقصى. نشوفو الدراري شنو أيقولو. -- Anass Sedrati (مداكرة) 11:33، 27 أبريل 2022 (+00)[ردّ]
حڭا راني كنت زدت طّاڭ د مقالة مقبولة ف لمقال على ويكيپيديا، لي لحجم ديالها 14000 بايت تقريباً، باش تبان لفيكرة مزيان على لحجم لأقصى د لمقالة لي غادي يكون فيها هاد طّاڭ (يلا ماكانوش فيها مشاكيل).--Ideophagous (مداكرة) 15:25، 27 أبريل 2022 (+00)[ردّ]
سلام دراري ؤ شكرا بزاف @Ideophagous و Anass Sedrati: ملي جبدتو هاد لقضية، صراحة أنا كيجيني هاد لكريطير ديال لحجم كبير بزاف، لا من حيت لمينيموم ؤ حتا لماكسيموم. ف نضري لمقال علا ويكيپيديا (لي فايت 14000 بايت) راه وافي ؤ غطا لموضوع بشكل لي لقاري يقدر يتعمق ف لقراية. لمقالات لي راهم بدية مقبولة هوما بحال هادا لي علا لمول (لي يالاه واصل ل 1000 بايت) ولا حتا هادا علا لافيليز (لي يلا حسبنا طيكسط بوحدو ؤ حيدنا لمسايل لخرين غادي نلقاو فيه غير 242 بايت). كانضن هاد نوع ديال لمقالات هوما لي خصهم يزيدو يتوسعو كتر ؤ لواحد يزعم يكمل عليهم. Reda benkhadra (مداكرة) 20:46، 27 أبريل 2022 (+00)[ردّ]
سلام خاي @Reda benkhadra:. هادوك ب نّسبة ليّا غير مقالات زريعة. لفيكرة لي فهمت من "مقالة مقبولة"، هيّا بلي فاتت لمستوى ديال زريعة، ولاكين باقي مامتعمقاش بزاف ف لموضوع. بحال هادا ديال إيلون ماسك لي كانلقاو فيه تفاصيل كتيرة، ولاكين كاين باقي بزاف مايّكتب فيه (متلاً شرح مفصل ل لحياة ديالو ؤ كلا شركة لي دار، ؤ نّتيقادات ضدو، ؤ زيد ؤ زيد). حيت "مقال" حرفياً راه خاص يكونو فيه علّاقل 10 د سّطورا ؤلا كتر. كانضن غادي يكون نوع د تّكرار يلا عتابرنا "زريعة" ؤ "مقالة مقبولة" نفس لحاجة تقريبا. ؤ زيدون ف شّروط د مقالة مقبولة مديور بلي فيها علّاقل فقرة زايدة من غير لموقدّيمة لّولة، ؤ لي خاص تكون كبر منها. ب ختيصار يقدرو يكونو عندنا 4 د لمستويات لجودة:
  1. زريعة: لمقال يلاه بادي ؤ فيه قل من 250 كلمة (ؤ يقدر يبقا طّاڭ د زريعة تال 500 كلمة)
  2. مقبول: يلاه بدا لمقال كيولي مقال د بصّح (لمقدار ب تّحديد نقدرو نتافقو عليه)
  3. مزيان: لمقال كافي ؤ وافي
  4. مخير: لمقال واعر بجّهد بحال يلا كاتبو شي حرايفي د ضّومين ف مجلة متخصصة ؤلا كتاب
كاينين مقالات ب طابيعت لحال لي غادي يبقاو بين ؤ بين، ؤ ماغادي يتصنّفو ف حتا واحد من هاد لمعايير، ولاكين نقدرو نتّافقو باش نطوروهوم باش يوصلو ليهوم يلا بغينا. ؤ ماعرفتش شنو بان ليكوم نتوما.--Ideophagous (مداكرة) 21:07، 27 أبريل 2022 (+00)[ردّ]
شكرا بزاف سّي @Ideophagous: علا جواب ديالك. أه متافق معاك بلي كاين حتا لمستوى د زريعة، غير هوا كان باين ليا بلي "بدية مقبولة" هو أول نيڤو ف هاد لمعايير د لجودة، داكشي علاش بانلي بلي لكريطير د لبايت كبير بزاف. يعني ف هاد لحالة واش خصنا نزيدو "زريعة" ف هاد ليستة د شكال د لمقالات؟ ؤ حاجة خرة هي واش ف لمقالات لي راهم بدية مقبولة خاص لبانر يكون لفوق بحال تصاور ؤ عيون لكلام ناقصين ولا نديروه بحال زريعة ف لتحت باش ما يأتر بزاف علا لمنضر د لمقال؟ ب نسبة لماكسيموم د لبايت ف مقالة مقبولة كانضن 15000 بايت عبار مزيان. Reda benkhadra (مداكرة) 09:07، 28 أبريل 2022 (+00)[ردّ]
سلام خاي رضا (ؤ طاڭ ل سّي @PediAki: يلا بغا يشارك ف لمداكرة). إيه، متافق بلي راه "بدية مقبولة" هوّا أول نيڤو ف لمعايير د لجودة. ؤ يلا خدينا هادشي ف سّياق ديال لمستويات جّوج لفوقانيين، يعني راه "بدية مقبولة" ف نضري خاص يكون ديجا كيبان مقال على حقو ؤ طريقو ماشي غير بدية ديال مقال (فيه جوج ؤلا تلاتة د سّطورا متلاً). يمكن لموشكيلة ف لموصطلح براسو "بدية مقبولة". يلا بغيتو نبدّلوه تا هوّا نقدرو نبدّلوه. لموهيم ماتانشوفش لفايدة باش يكونو عندها مقالات لي ف نفس لوقت "زريعة" ؤ "بدية مقبولة". بشكل عام لمقالات يقدرو يبقاو زرّيعة تال جوايه 3000 بايت (250 كلمة). موراها طّاڭ د زرّيعة كيولي ختياري تال 500 كلمة (جوايه 6000 بايت)، ؤ خاصو يتحيّد فوق داكشي. تقدر متلا تشوف لمقال د رواندا (مقال زريعة فيه 255 كلمة ؤ 3018 بايت).
ب نّسبة ل لموضع د طّاڭ، حيت معيار د لجودة، كانضن من لأحسن يكون لفوق، ولاكين نقدرو نصّغروه باش مايشدش ميساحة كبيرة، كيما درنا ل طّاڭات د مقالة مزيانة ؤ مخيرة.
يلا بغيتو نقدرو نّزلو لحد تّحتاني د "بدية مقبولة" ل 3500 بايت، معا تحياد طّاڭ د زريعة يلا تزاد طّاڭ د بدية مقبولة. ؤ نصغّرو لحجم ديالو باش مايضيرونجيش. أش بان ليك؟ Ideophagous (مداكرة) 09:04، 29 أبريل 2022 (+00)[ردّ]