لمداكرة د ويكيپيديا:لأهداف

محتويات الصفحة غير مدعومة بلغات أخرى.
من ويكيپيديا

پاج د لأهداف تزادت[بدل لكود]

سلام @Reda benkhadra, Anass Sedrati, Samira Seddik, OussamaOuh, و سمير تامر:. كيما تّافقنا ف لجتيماع لّخر، درت پاج لي نقدرو نتبّعو فيها لأهداف. يلا خاص شي حاجة تّقاد ؤلا تّزاد، زيدوها عافاكوم. --Ideophagous (نقاش) 12:18، 4 أكتوبر 2021 (+01)[ردّ]

سلام خاي @Ideophagous: شكرا بزاف ملي جمعتي دوك لأهداف لي حددنا ف بلاصة وحدة. لمهم راه قاديت داك طابلو شوية باش نؤطوماتيزيو دوك لأرقام بلاصت ما كل مرة نبقاو نبدلوهوم كل مرة (خصوصا شحال من مقال وصلنا ليه)، ف نفس لوقت باقي ماعرفتش كيفاش نقاد عدد ليام ؤ سيمانات لي باقيين باش حتا هوما يتحسبو ؤطوماتيك، لمهم حتا تشوف لا عرفتي كيفاش.
غير هو لمولاحضة لكبيرة عندها علاقة ب لهدف تاني لي كنا حددنا ديال 80% د لمقالات علا لمغريب، حيت مورما خرجت عاداد لمقالات لي كاينين دابا علا لمغريب (2547 أرتيكل، لي هو 54.67%) كيبان بلي يلا بغينا نوصلو ل ديك 80% غادي يخصنا نحبسو لكتابة د ڭاع لمقالات لي علا لمواضيع لخرة باش تهبط نيسبة لماوية ديالو. يعني باش نوصلو ل داك لهاداف خص يكون عنا 10.560 مقال ف لمجموع، لي فيهم 2112 ماشي علا لمغريب (لي هو لعداد لي كاين دابا) ؤ لباقي 8448 يكون مرتابط ب لمغريب.
دونك، ف نضري ماشي لوجيك نديرو ديك نيسبة ؤ نطلعو لبارة بزاف ؤ حنا باغيين تكون عنا موسوعة ف مواضيع مختالفة ب داريجة. يلا درنا 60% كاتولي معقولة شوية. Reda benkhadra (نقاش) 18:19، 4 أكتوبر 2021 (+01)[ردّ]
سلام خاي @Reda benkhadra:. شكرا علا تّبديلات ديالك. كانضن لي كان قصدو أناس ف لاجوندا هوّا باش نحسبو 80% من لمقالات لمزيودين من 2 أكتوبر حتال 31 دجنبر، ماشي ف لمجموع د لمقالات. هادي خاص نزيدها ف نّوطة. دابا نشوف واش كاينة شي طاريقة باش يتدار لحساب د لموعدّال بشكل ؤطوماتيكي. كيبان ليا لي غادي يكون قاسح شوية هوّا نوصلو ل 5000 مقال، من غير يلا تعاونا باش نزيدو دوك 4 تال 5 د لارتيكلات ف نّهار من هنا تال ديك لّخّر د لعام. --Ideophagous (نقاش) 18:55، 4 أكتوبر 2021 (+01)[ردّ]
صافي قادّيت لحساب بشكل ؤطوماتيكي --Ideophagous (نقاش) 19:09، 4 أكتوبر 2021 (+01)[ردّ]
شكرا بزاف @Ideophagous: علا هاد توضيحات ؤ لمعاونة ديالك. لمهم، راه عاودت قاديت دوك سطاتيستيك باش يوضحو كتر لهاداف لي باغيين نوصلو ليه. طاريقة باش نعرفو لمقالات جداد هو نتبعو تبديلات لخرة ؤ نديرو ل فيلترات باش نخرجو شحال من أرتيكل كاين علا لمغريب من أصل ڭاع جداد. أما ب نسبة لمولاحضة ديالك، أه متافق معاك بلي غادي يخصنا نتعاونو ف ديك 4 حتال 5 د لمقالات ف نهار باش نوصلو ل خمسالاف قبل لخر د لعام. Reda benkhadra (نقاش) 00:12، 5 أكتوبر 2021 (+01)[ردّ]

عاداد د لمقالات علا لمغريب[بدل لكود]

سلام خاي @Reda benkhadra:. كاينين ستة د لمقالات لي تزادو ل حد سّاعة، يمكن ماحسبتيش ؤپيدوم نوووم. --Ideophagous (نقاش) 14:10، 6 أكتوبر 2021 (+01)[ردّ]

سلام @Ideophagous: أه راه شفت داك لارتيكل، والاكين ماحسبتوش حيت هي صفحة توضيح مامرتابطاش ب لمغريب نيشان ؤ كاتجمع ڭاع صفاحي لي عندهوم نفس سمية. Reda benkhadra (نقاش) 15:40، 6 أكتوبر 2021 (+01)[ردّ]

أهداف د 2024[بدل لكود]

سلام @Yosh cvd @MohssinDr @Achraf112 @Bisel91 @Mounir Neddi @Reda benkhadra @Anass Sedrati @Rachidourkia درت تحديت ل الصفحة د لأهداف، على حساب لإتفاق لي درنا ف لإجتماع اللخراني. يلا عندكوم شي ملاحضة ؤلا سؤال مرحبا. تهلاو! Ideophagous (مداكرة) 19:29، 1 يناير 2024 (+01)[ردّ]