لمداكرة د لخدايمي:Iliass.Aymaz

محتويات الصفحة غير مدعومة بلغات أخرى.
من ويكيپيديا

قالب مفصلة[بدل لكود]

مسا لخير سي Kira20009، لقالب لي درتي ديجا كاين وسميتو موضيل:مقالة متعمقة. راه درت تحويلة ليه إلا مكاينش موشكيل. ليلة مبروكة.--سمير تامر (نقاش) 20:46، 13 غشت 2020 (+01)[ردّ]

مسا لخير سي سمير تامر. شكرا على التحويلة بغيت نستعمل لقالب وماكنتش لقيتو. ليلة مبروكة كذلك. Kira20009 (نقاش) 21:00، 13 غشت 2020 (+01)[ردّ]

مقالة نسوية ديجا كاينة[بدل لكود]

سلام سّي إلياس. لمقالة ديال فيمنيزم لّي نشأتي راها ديجا كاينة هنا. حاول يلا قدرتي تدمج لمقالات بجوج و تحدف وحدة فيهوم. تبارك الله عليك. --Tifratin (نقاش) 19:30، 20 غشت 2020 (+01)[ردّ]

سلام سّي Tifratin، شكرا على لإشارة، ماكنتش رديت لبال. دبا زدت فلمقالة لي كانت موجودة. Iliass.Aymaz (نقاش) 22:12، 20 غشت 2020 (+01)[ردّ]

صندوق دلمعلومات دلكواكب[بدل لكود]

السلام السي إلياس، نتمنى تكون بخير. إلى مكانش عندك موشكيل وإلا وافقتي غادي نبدل الديكور ديال موضيل:معلومات كوكب لبحال هاد الشكل اللي هنا وها هو لميتال ديالو هنا وهنا، باش نحاولو نختالفو على الديكور اللي كاين فويكيبيديا دلعربية. إلا مكاينش أي موشكيل خبرني قبل ما نبدا. نهارك مبروك صديقي. --سمير تامر (نقاش) 14:34، 5 شتنبر 2020 (+01)[ردّ]

سلام السي سمير. فكرة زوينة ومزيان نبدّلو، ماعنديش مشكل، تفضل. نهارك مبروك. Iliass.Aymaz (نقاش) 15:19، 5 شتنبر 2020 (+01)[ردّ]
صافي ملي ݣلتيها غادي نبدا، وغانحاول نخدم فيه ويكي داتا. مشكور بزاف --سمير تامر (نقاش) 15:26، 5 شتنبر 2020 (+01)[ردّ]

ب خصوص رّجوع على تّعديل ف مقالة النورڤيج[بدل لكود]

سّلام إلياس و تبارك الله عليك ب خصوص لمجهودات الجميلة ديالك ف لموسوعة. شفت أنك رجعتي على واحد تّعديل دارو APAHEL ف هاد لمقالة و هو تعديل مزيان، مافهمتش علاش عتابرتيه غير موسوعي: ف نظري مزيان يكونو سّميات كاملين لّي معروفين ف المقدمة د لمقالة: بزّاف د لمغاربة كايسميو هاد الدولة ب سّمية لّي زادها APAHEL. و زايدون هاد لمستخدم جديد معانا و ماخاصّناش ننفّرو الناس من عندنا :). المبدأ هو أنه الناس لّي معانا كاملين يكونو مرتاحين ف طريقة لكتابة ديالهوم. تهلّا ف راسك. Tifratin (نقاش) 14:39، 8 شتنبر 2020 (+01)[ردّ]

سلام Tifratin وشكرا علا لملاحظة ديالك. لفكرة لي عندي هو مزيان تكون عندنا شي طريقة باش نشجعو لمستعملين جداد يولّفو على طّريقة ديال لكتابة ولقواعد لي متّافق عليهم لمجتمع ف ميزان لكلام. هو شيء مشكور منين كايجي مستعمل جديد وكايزيد لمقالات وكايكتب بطريقتو، لاكن منين يكون تعديل ديال مقالات مكتوبة من قبل لازم يكون واحد لقواعد ديال تّعديل: متلا إيلا كان شي لينك لشي مقالة ديجا كاينا ماخصوش يتحيد ويتبدل بسمية جديدة من عند لمحرر بدون لينك (يقدر يكون شبه تخريب إرادي ولا لا إرادي فهاد لحالة) وشي مرّات ماشي ديما خاص يكونو كاع سميات لممكنة (وخا لي ماشي متداولين بزاف) ف لفوق ديال لمقالة. من لأفضل يبقاو تسميات ب لغة لأصلية وسميات لأكتر تداولا ب الدارجة. طبعا لموسوعة جديدة وخصنا نشجعو لمحررين يكتبو ويصححو لمحتوى، غي هو كايجيني مزيان يكون تناسق من لول، ولي خصو مجهود. تحياتي. Iliass.Aymaz (نقاش) 15:04، 8 شتنبر 2020 (+01)[ردّ]
سلام خويا Iliass.Aymaz، أنا دويت على تعديل واحد ب شكل محدد، السيد زاد "النرويج" كإسم إضافي ل"النورڤيج" و ما فيها تا شي عيب، بجوجهوم كايتستعملو ف لمغريب و مابانلياش دار شي تخريب. ف جميع الموسوعات كانحاولو نديرو جميع سميات لممكنة ف لمقدمة (و تا ف ويكيداطا) باش اي واحد قلّب عليها ف إنترنت تخرجليه. ب نّسبة ل لحكام د تّسميات، را يمكن لينا نناقشوهوم ف نيقاش لّي كاين دابا (خصوصا في مسألة العناوين).--Tifratin (نقاش) 15:22، 8 شتنبر 2020 (+01)[ردّ]

شكرا على تّصنيفات لمخبية[بدل لكود]

لعزّ با إلياس على زّيادة د تّصنيفات.--Tifratin (نقاش) 22:48، 9 شتنبر 2020 (+01)[ردّ]

لعفو با تيفراتين :) Iliass.Aymaz (نقاش) 22:57، 9 شتنبر 2020 (+01)[ردّ]

رفع لملفات[بدل لكود]

تحياتي السي إلياس. بغيت نسولك إلا جات على خاطرك توريني كيفاش كادير الرفع هنايا. أنا هلكني الرفع فكومنز وفاش كاندير رفع ملف اللي فالجنب كايݣول ليا الرفع مامفعلش. --سمير تامر (نقاش) 14:45، 20 شتنبر 2020 (+01)[ردّ]

تحياتي سي @سمير تامر:، درت رّفع غي من كومنز من لينك لي كاين ف صفحة ديال رفع لي هنايا ف جنب. تا أنا هلكني، نتسناو علاما يتفعل. Iliass.Aymaz (نقاش) 14:52، 20 شتنبر 2020 (+01)[ردّ]
صافي خاي إلياس فهمت. شكرا على التجاوب السريع ديالك. --سمير تامر (نقاش) 14:54، 20 شتنبر 2020 (+01)[ردّ]

مرحبا! حالياً كاتّقام مسابقة ديال ويكيپيديا على ود تطوير لمحتوى لمغريبي ف ويكيپيديا ب الداريجة، بلإضافة ل ويكيپيديا لعربية و لأمازيغية. يلا كنتي مهتم(ة) تقدر(ي) تطّالع(ي) على التفاصيل و لقواعد د لمسابقة هنا، و ماتنسا(ي)ش تقيّد(ي) راسك ف هاد الصفحة، و تشوف(ي) لمواضيع لي يقدر يعجبك تكتب(ي) فيهوم هنا. يلا عند سؤال ؤلا ملاحضة، ماعليك غير تسوّل(ي) واحد من أعضاء لجنة التنضيم ؤلا التحكيم. تهلّا(ي)!--PGVBot (مداكرة) 09:59، 17 ماي 2023 (+01)[ردّ]