نقاش المستخدم:DarijaBot/عطاشة 5: زيادة د تصنيفات

    من ويكيپيديا

    سلام أ دّراري @سمير تامر, Reda benkhadra, Anass Sedrati, OussamaOuh, AyourAchtouk, و Samira Seddik:. هاد لعطاشة لونصيتها باش تاخد تّصنيفات من ويكيپيديات د 4 د لّوغات: نّڭليزية، لفرانساوية، لعربية ؤ لألمانية (ب هاد تّرتيب). كانضن نّڭليزية بوحدها لي فيها تصنيفات مزيانين ب أغلاط قلال نسبيا. لعربية عامرة أغلاط، لفرانساوية شوية قل، ؤ لألمانية وخا مزيانة ف لعموم، تّصنيفات ديالها ماشي دقيقين ب نّسبة ل لمغريب. كانضن نقدرو نلونصيو هاد لعطاشة 2 ؤلا 3 د لمرات ف لعام ب نّسبة ل نّڭليزية، ؤ مرة علا لأكتر ب نّسبة ل لعربية ؤ لفرانساوية معا موتاباعة ديال شي كتاتبي، عادتن أنا حيت غادي نلونصيها، مي نهار نزيد لبوت ف تولفورج يقدر عادتن أي واحد يلونصي لبوت كانضن. شنو بان ليكوم ف هاد لبرنامج؟ --Ideophagous (نقاش) 07:57، 28 شتنبر 2021 (+01)[ردّ]

    السلام عليكم السي منير وشكرا على هاد لمعلومات. مافهمتش مزيان هاد العطاشة الصراحة. واش غادي تاخد أي تصنيف عندو علاقة ب لمغريب وتزيدو ف ويكيبيديا بالدارجة؟ واخا ماتكون تا مقالة متلا؟ حيت ف هاد لحالة غادي يقدر يوقع مشكل ديال بزاف د التصنيفات ما فيها تا مقالة و ماغاديش نعرفو كيفاش نخدّموهوم من بعد (لا كانو بزاف). عليها ماعرفتش واش فهمت مزيان، نقدر نكون فهمت غالط لفكرة؟ -- Anass Sedrati (نقاش) 08:23، 28 شتنبر 2021 (+01)[ردّ]
    سلام خاي @Anass Sedrati:. هاد لعطاشة ماكاتصاوب حتا پاج، غير كاتزيد تّصنيفات لي ديجا كاينين ف لبلايص لمناسبين ب لعتيماد علا لموقابيلات ديالهوم (ديال لپاج ؤ ديال تّصنيف) ف ويكيپيديا خرة. متلا لپاج ديال "حد سوالم" كان ناقصها تّصنيف "تصنيف:مدينة ف لمغريب" لي لموقابيل ديالو "تصنيف:مدن المغرب" كان مزيود ديجا ف لموقابيل ديال ديك لپاج ف ويكيپيديا ب لعربية، فا لبوت شاف تّصنيفات لي كاينين تماك ؤ زاد داكشي لي ناقص عندنا (غير تّصنيفات لي عندها موقابيل عندنا). --Ideophagous (نقاش) 08:29، 28 شتنبر 2021 (+01)[ردّ]
    شكرا السي منير صافي فهمت مزيان دابا. هاد لبوت كيشوف التصنيفات اللي ف لمقالات اللي كاينة أصلا. هي فكرة مزيانة بزاف. مرا مرا غادي يزيد تصنيفات جداد و حومر ولكن مزيانة لينا حيت غادي تعاوننا باش ننشؤوهم، و بلا ما نحتاجو نفكرو بزاف و نختارعو الرويضة كيما دارو لبلدان لخرا :) -- Anass Sedrati (نقاش) 08:59، 28 شتنبر 2021 (+01)[ردّ]
    سلام خاي @Anass Sedrati:، لا راه حتا تّصنيفات لحومر ماغاديش يتزادو، حيت ماكيتزاد تصنيف ف شي مقال غير يلا كانت لپاج ديال تّصنيف موجودة ديجا ف ويكيپيديا ب دّاريجة. غير كينقص علينا لخدمة بلاصتما نضطرو نشوفو ل كولا تصنيف ف إينا پاجات خاصو يتزاد، ؤلا ف كولا پاج إينا تصنيفات ناقصين. يعني خاصنا حنا نصاوبو تصنيفات ب ليد لي محتاجين ليهوم، ؤ هاد لبوت غادي يفرقهوم علا لپاجات فين خاصهوم يتزادو.--Ideophagous (نقاش) 09:06، 28 شتنبر 2021 (+01)[ردّ]
    منير - آه فهمتك. ماعرفتش شنو الراي د لاخرين ولكن كانضن تقدر تكون مزيانة نديرو بوت تيزيد تا الروابط لحومر، حيت غادي ينقص علينا التفكير (حيت باش تدير تصنيف خاص تفكّر بزاف، و هادشي تدار ف لغات آخرا). هادشي ماشي دابا، غي قلتهالك باش نفكرو فيها مبعد لا جاتك فكرة عندها معنى. -- Anass Sedrati (نقاش) 09:37، 28 شتنبر 2021 (+01)[ردّ]
    سلام خاي @Anass Sedrati:. أه متافق معاك، غير هوّا ف هاد لحالة بلا مايزيد غير لّيان حمر، يقدر يزيد تّصنيف براسو ؤ تّصنيفات لي فوق منو، كيما درت ديجا ف عطاشة 12 ديال لعوام د زّيادة ؤ لوفيات. عندي أفكار خرين ديال زّيادة د تصنيفات من ويكيداطا، بحال دياول لبلدان. متلا يلا شي أرتيكل لموقابيل ديالو ف ويكيداطا فيه "بلاد = ألمانيا"، غادي تّزاد ف لارتيكل "تصنيف:ألمانيا"، من غير يلا كان تّصنيف ديجا مزيود، ؤلا كان تصنيف أدق منو (متلا "تصنيف:كاتب ألماني"). يقدر لبوت ڭاع يوكمبيني لمعلومات، بحال نيت هاد لميتال، يلا كان ف ويكيداطا "خدمة = كاتب" ؤ "بلاد = ألمانيا"، لبوت يقدر يزيد "تصنيف:كاتب ألماني". لموهيم، كاينين بزاف د لحوايج نقدرو نديروهوم ب لمعلومات ديال ويكيداطا، ؤ حتا ف تّيجاه لعكسي، نقدرو نزيدو معلومات من عندنا ف ويكيداطا ب جّملة، حيت داريجابوت يلاه خدا لموافقة تماك. يلا عندك أي قتيراحات خرين لي يحيدو علينا هاد تّفاصيل لي كاتّعاود، ؤ يخليونا نركّزو علا لجودة د لمحتوى غادي يكون مزيان --Ideophagous (نقاش) 10:21، 28 شتنبر 2021 (+01)[ردّ]
    سلام خاي @Ideophagous: شكرا علا هاد لخدمة لي درتي ل لبوت، صراحة عاونات باش يتزادو تصنيفات ف لمقالات لي كانو ناقصين فيهم والاكين كيما قلتي بانو شي مشاكل لي زادوك ف لخدمة باش تراقب كل تبديل دار ؤ تراجعهم. ف هاد لقضية، بانلي بلي كاين غالاط ف شي مقالات تزادو فيهم تصنيفات د زيادة ؤ لوفاة ب توارخ متخالفة بحال هادا ماتالان. ف نضري، يلا قدرتي دير شي كويري ب زربة باش يليستي أي أرتيكل فيه جوج تصنيفات ديال زيادة ولا لوفاة باش نقدرو نعرفوهوم ؤ نمشيو نصلحوهم. ب نسبة لهاد لعطاشة من هنا لقدام، نقدرو نديرو كيما قلتي باش نعاودو نلونصيوها مرة خرة من جيهت لوقت. شكرا ليك :) --Reda benkhadra (نقاش) 20:25، 29 شتنبر 2021 (+01)[ردّ]
    سلام خاي رضا @Reda benkhadra:. راني درت ليستة ديال تّجاهل فيها تصنيف:مقالات مهضورا ؤ تصنيف:صفحة توضيح، باش مايبقاوش يتزادو، حيت بزاف د لأغلاط جاو غير من هاد جّوج. لمرة جّاية تقدر تكون حسن. لفيكرة ديالك ديال لعيمان د زّيادة ؤ لوفيات مزيانة. نقدر ندير قالب:كتر من عام د زيادة معا تصنيف:ناس عندهوم كتر من عام د زيادة، ؤ نزيد لقالب ف لبلاصة لمناسبة. كانضن ف شي حالات ماغايمكنش نحسمو حيت كيكون لعام د زّيادة ؤ لوفاة مامحددش مزيان، ؤ كاينين جوج ؤلا تلاتة د تّوارخ. حاجة خرة، راه لعطاشة خدّامة حاليا غير علا لمقالات، ؤ باقين تّصنيفات ؤ لقوالب بغيت نقاد ليهوم تا هوما نفس لبلان. --Ideophagous (نقاش) 06:52، 30 شتنبر 2021 (+01)[ردّ]