نقاش:ليستة د لمكتوبات ب داريجة

من ويكيپيديا
اذهب إلى التنقل اذهب إلى البحث

عنوان د لمقال[بدل لكود]

سلام معشر لكتاتبيا @سمير تامر, Anass Sedrati, Reda benkhadra, و OussamaOuh:. هاد لارتيكل جاني بحال لغراب لي بغا يتعلم لمشية د لحمامة، ماشاد لا هاك، لا هاك. كانضن لعنوان خاصو يولي "ليستة د لكتوبا ب داريجة"، ؤ يكونو فيه غير ليستات د لكتوبا (طوال ؤلا قصار)، ؤ تّحيد منو لفقرة د تّاريخ. ب لموقابيل غادي يخصنا أرتيكل بوحدو عنوانو "لكتابة ب داريجة"، ؤ يكون كيهضر علا طّرقان ؤ لمحاولات د لكتبة بيها، ؤ تّاريخ ؤ غيرهوم. شنو بان ليكوم؟ -- Ideophagous (نقاش) 13:26، 9 غشت 2021 (+01)[ردّ]

معا-- OussamaOuh (نقاش) 14:45، 9 غشت 2021 (+01)[ردّ]
متافق --Reda benkhadra (نقاش) 22:50، 9 غشت 2021 (+01)[ردّ]
معا --سمير تامر (نقاش) 11:26، 10 غشت 2021 (+01)[ردّ]

تبدال لعنوان[بدل لكود]

سلام خاي @Ideophagous: نتمنا تكون بيخير. شكرا بزاف علا تطوير د هاد لارتيكل، صراحة بدا كيتكامل شوية ب شوية. ف هاد لقضية، بانلي بلي لعنوان خصو يتبدل عاوتاني حيت مابقاوش غير لكتوبا لي هاضرين عليهم مورما تزادو جورنالات ؤ مجلات حتا هو. دونك، كانقتارح هاد لمقال يولي ب سميت "ليستة د لمكتوبات ب داريجة" باش هاكا يجمع أي حاجة مكتوبة كيما كان لفورما ديالها. شنو باليك؟ --Reda benkhadra (نقاش) 21:08، 24 شتنبر 2021 (+01)[ردّ]

سلام خاي @Reda benkhadra:. متافق معاك، غير خاص نحددو ف لبدية شنو كانقصدو ب "لمكتوبات". --Ideophagous (نقاش) 22:03، 24 شتنبر 2021 (+01)[ردّ]

ليستة د دواوين د شيعر ؤ حوايج خرين[بدل لكود]

سلام أ دّراري @سمير تامر, Anass Sedrati, Reda benkhadra, OussamaOuh, AyourAchtouk, و Samira Seddik:. كيبان ليا بلي لّيستة د دّواوين شّيعرية لي تنشرات ولات كبيرة بزاف، ؤ باقة غادي تزيد تكبر، ضونك خاصها پاج ديالتها بوحدها. حاجة خرة هيّا كانضن بلي شي نهار غادي يخصنا نحبسو من تعمار هاد لّيستة، حيت عام علا عام كيتزادو لمنشورات د دّواوين د شّيعر، ؤ شي نهار ماغادي يبقا حتا معنى باش نبقاو نزيدو فيها، بحال كيما ماعندها معنى ف ويكيپيديا ب نّݣليزية باش تدير "ليستة د دواوين ب نݣليزية" حيت كاينين لملاين منهوم. كانقتارح باش نزيدو ف جميع لحالات حتال 2020، ؤ يلا فات لعاداد د لمنشورات ف داك لعام ؤلا لعوام لي موراه 150 منشور ف عام واحد نحبسو. لقتيراح تّالت هوّا باش نزيدو ليستة ديال دّور د نّشر ب دّاريجة. يلا حتا حد ماعندو لوقت ليها دابا، غادي نزيد عطاشة ف لّيستة د لعطاشات باش مانساوهاش. ؤ تهلاو! --Ideophagous (نقاش) 08:54، 16 أكتوبر 2021 (+01) @Ideophagous:[ردّ]

معا -- OussamaOuh (نقاش) 15:11، 16 أكتوبر 2021 (+01)[ردّ]
سلام خاي @Ideophagous: أنا متافق باش نخصصو صفحة غير علا دواوين ب داريجة، ؤ ف صفحة د ݣاع لمكتوبات يمكن لينا نزيدو إحالة ل داك لمقال جديد ب لقالب د مقالة متعمقة. ب نسبة لقتيراح تاني، كاين بزاف ديال طاريقات باش نحبسو زيادة د لمنشورات جداد؛ إما نقولو هاد صفحة كاتجمع لمنشورات لولة ب داريجة (ؤ نحددو راقم من بعد) ولا نقولو هاد صفحة مخصصة ل لمنشورات حتال شي عام (نقدرو نتافقو عليه من بعد). هاد ساعة من غير دواوين د شيعر، لمكتوبات ب داريجة مازالين قليلة. أما لفيكرة تّالتة ف نضري ماكاين لاش نزيدو مقال علا ديور نشر ب داريجة دابا حيت ليانات غادي يكونو حومر ؤ ماكاينش شي إفادة كبيرة، كانضن إيلا رديناه تصنيف أيكون حسن. Reda benkhadra (نقاش) 21:14، 16 أكتوبر 2021 (+01)[ردّ]
سلام خاي رضا. أه، ب نّسبة ل لمكتوبات من غير شّيعر باقين قلال دابا، ولاكين أنا قصدت غير دّواوين. حيت ديجا كنت شفت واحد لمقال دايرين فيه بلي شي 67 ديوان تّنشر غير ف عام 2012 (يلاه 27 منهوم لي دخّلت)، ؤ ب عتيبار زّيادة ف كولا عام ماشي مستبعد باش يكونو ديجا فاتو 100 منشور ف لعام دابا ؤلا كتر عاد. كاينين لمسرحيات حتا هوما باقين مادخلنا منهوم بزاف، ؤ كانضن كاينين علّاقل أنطولوجيات ديال مسرحيات ب دّاريجة كانو تنشرو من طاراف طّيب صّديقي ؤ غيرو. ب نّسبة ل دور نّشر، بان ليا غادي تكون مزيانة باش نجمعو ليستة وخا يكونو لّيانات فيها حمرين، باش نيت نبداو نقادو ليهوم مقالات، وخا يكونو فيهوم غير جوج سطورا، علا مايتزادو فيهوم من بعد. تقدر تعاون نّاس لي باغين ينشرو كتوبا ب دّاريجة باش يلقاو هاد لمعلومات ف بلاصة وحدة. --Ideophagous (نقاش) 23:21، 16 أكتوبر 2021 (+01)[ردّ]