مداكرة:خوا

هاد الصفحة صفحة د لمداكرة مخصصة للتحاور على خوا.
يلا كان عندك سؤال محدّد على موضوع الصفحة، ماشي على الصفحة براسها، سير عافاك ل ويكيپيديا:مسوالات عامة. يلا كنتي باغي تناقش شي قضية متعلّقة ب ويكيپيديا ب راسها بشكل عام، سير عافاك ل ساحة الجماعة. عافاك ماتنساش تسني ملي تسالي كلّ تعليق كتبتيه ب زيادة ربعة د التيلدات `~~~~` لمواضيع الجداد د لمداكرة خاص يتزادو ديما ف اللخر د الصفحة د لمداكرة؛ كليكي هنا باش تبدا موضوع جديد.

الشوفات ليومية د الصفحة

ڤيرتوالية ؤلا فتيراضية[بدل لكود]

سلام أ دراري @OussamaOuh, Anass Sedrati, Reda benkhadra, سمير تامر, و Elmerrakchi:. لمصطلح ديال "فرتيتة فتيراضية" ماكيجينيش طرجمة مزيانة ديال Virtual Particle، حيت كيعطي فيكرة بحال يلا هاد لفتريتات غير ف لخيال ماشي بصح ؤلا لوجود ديالهوم ماشي متوكد ب تّجربة (فتيراض = hypothesis). "لفتريتات لڤيرتوالية" كيبانو علا شكل فرتيتة ؤ ضد فرتيتة لي كيختافيو ف كولا لحضة، حيت طّاقة د لخوا ماعمرها كاتوصل ل زيرو، ولاكين راهوم فتريتات ديال بصح. كانفضل لمصطلح ديال "فرتيتة ڤيرتوالية" حتا يبان ماحسن. -- Ideophagous (نقاش) 06:49، 26 يوليوز 2021 (+01)[ردّ]

تحياتي خاي @Ideophagous: تقدر تدير "فرتيتة واقعية". من الطرجمات التانويين اللي لقيت للكلمة د virtual هي "واقعية" و "عملية". كانݣول واقعية حسن، حستاش كاتبان ليا هاد لكلمة غاتحيّد اللبس اللي كاين فاش كاتكون الطرجامة اللولة ديال virtual هي "فتيراضية". --سمير تامر (نقاش) 12:08، 26 يوليوز 2021 (+01)[ردّ]

سلام خاي @سمير تامر:. "واقعية" ماخداماش حيت ماغاديش يبان لفرق بينها ؤ مابين لفرتيتات لعادية. "عملية" حتا هيا ماخدّاماش. لخاصية ديال هاد لفرتيتات لڤيرتوالية هيا بلي كاتبان ؤ كاتغبر ب زّربة بسباب طّاقة د لخوا. داكشي علاش خديت لمصطلح كيما هوا من نّڭليزية، ؤ كانضن حسن يلا خدمناه هاكا حتا ف حالات خرين (لواقع لڤيرتوالي = Virtual Reality، ماغاديش تجي باش نڭولو لواقع لواقعي ؤلا لواقع لعملي). -- Ideophagous (نقاش) 13:32، 26 يوليوز 2021 (+01)[ردّ]

صافي خويا @Ideophagous: نتا تعرف دير اللي بان ليك. نهارك مبروك (: --سمير تامر (نقاش) 15:29، 26 يوليوز 2021 (+01)[ردّ]

مرحبا خويا @Ideophagous: راه كلمة د Virtual حتاهية تتعني ماشي بالصّح ماشي مادّي ! مثلا تنقولو على Internet أنه virtuel واخا هو راه كاين بالصح و مادّي ... أنا كنت تنخدم بزاف بكلمة "بلعاني" باش نقول Simulate ولّ Virtual جبتها من اللعب بلعاني حيثاش اللعب بلعاني راه واقع إنما تيكون فواحد لوقيتة بالضبط ومن بعد تنرجعو لبصّح... المهم أنا غادي نقول "فرتيتة تبلعاني" يعني راه كاينة إنما فواحد لوقيتة ماشي ديما.... وقتما لقيت كلمة Simulate ولّ Virtual تنطرجمها ب "بلعاني" بينما نلق ما ٱحسن... Elmerrakchi

سلام خاي @Elmerrakchi:. "فرتيتة د بلعاني" كيبان قتيراح مزيان ف ريّي. نتمنا كتاتبيا خرين حتا هوما يساهمو ب ري ؤلا قتيراح ديالهوم. -- Ideophagous (نقاش) 18:32، 26 يوليوز 2021 (+01)[ردّ]

سلام دراري @Ideophagous, Elmerrakchi, و سمير تامر: لحد الساعة كاتبان ليا بلعاني هيا لمخيرة و حسن من فتيراضية ولا فيرتوالية، أنا عندي كلمة خرا هيا "مقوّر" كانڭولو "قوّر شي حاجة" يعني جاوب بشي جواب واخا ماعارفش واش بصاح ؤلالا. OussamaOuh (نقاش) 22:25، 26 يوليوز 2021 (+01)[ردّ]

كانضن لمصطلح لي كانقلبو عليه هوّا شي نعت من فيعل عندو معنى ديال "متل شي حاجة"، "دار ؤلا قاد شي حاجة بحال شي حاجة" (ولاكين ماشي هيّا) باش يعطي معنى ديال Simulate، حيت موراديف د Virtual تقريبا هوّا Simulated. "بلعاني" ؤلا "د بلعاني" كاتعطي لمعنى قريب ولاكين ماشي دقيق ديال Virtual. لميزة ديال كلمة "ڤيرتوالية" هيّا كاتريحنا من طّرجمة ؤ كاتعطينا مصطلح جديد عندو معنى خاص ماغاديش يتخالط معا شي معنى أخور. لخايب فيه هوّا بلي خاصّو يتّشرح ب نّسبة ل شي حد ماكيعرفش لموقابيل ديالو ف نّڭليزية ؤلا لفرانساوية. ولاكين ف ضومينات د تّخصص راه ضاروري غادي يكونو عندنا بزاف د لمصطلحات بحال هاكا حيت ف جميع لحالات لمفاهيم خاصهوم يتشرحو. -- Ideophagous (نقاش) 23:12، 26 يوليوز 2021 (+01)[ردّ]

@Ideophagous: على حساب درايتي كاينة لكلمة ديال زوّر/فالسيفيا وهيا بعدا غادية بلحرف معا شنو قلتي : قاد شي حاجة بحال شي حاجة ولايني ماشي هيا. غير هوا راه زوّر كلمة شوية قدحية تقدر تشتق منها لكلمة اللي بغيتي. OussamaOuh (نقاش) 00:20، 27 يوليوز 2021 (+01)[ردّ]